قصيدة في " المرشد الطلابي "

[النادر]

بسم الله الرحمن الرحيم
السادة إدارة وأعضاء وزوار شبكة سبيع الغلباء المحترمين
بصفتي أنا ابن الشاعر / سرحان بن محمد الدويدير السبيعي
انقل لكم نبذة مختصرة من قصايده في هذا المنتدى العامر ...
منها القصيدة المعنونة بــ " المرشد الطلابي " ...
* مناسبة القصيدة :-
سمع الشاعر أن المرشد الطلابي يشتكي من الطلاب عموماً وطلاب الصف الأول الابتدائي خصوصاً بأنهم لم يفهموا دروسهم ولم يتقنوا حل واجباتهم فقال هذه الأبيات :




يا المرشد الطلابي الله يعينك = ما قلت واقع وأوضح من الحقايق
حنا نشوف اللي تشوفه بعينك = تقصير واضح في جميع الطرايق
طـلاب تـالـي هـا الـزمن مشغلينك = الأشبال وألا حاملين البطايق
قـليل منهم في المعرفة ظنينك = لو كان ما به في الدراسة عوايق
غـلـف الـقـلـوب اللـي تـبيـح كنينك = ناسٍ كسالا للوسايد عشايق
النوم نصف القوت وإن قلت وينك = أعطاك هرجٍ في الأدب غيرلايق
وأنـا مـا أذم الـلـي عـلى شرع دينك = اللي من الإسلام معهم وثايق
والـعـلم نـور وسـجـدةٍ فــي جـبـيـنك = وحـيـاتـنا محسوبةٍ بالدقايق

الشاعر/ سرحان بن محمد الدويدير السبيعي ...

[خالد الشماسي]

يا المرشد الطلابي الله يعينك = ما قلت واقع وأوضح من الحقايق
حنا نشوف اللي تشوفه بعينك = تقصير واضح في جميع الطرايق
طـلاب تـالـي هـا الـزمن مشغلينك = الأشبال وألا حاملين البطايق
قـليل منهم في المعرفة ظنينك = لو كان ما به في الدراسة عوايق
غـلـف الـقـلـوب اللـي تـبيـح كنينك = ناسٍ كسالا للوسايد عشايق
النوم نصف القوت وإن قلت وينك = أعطاك هرجٍ في الأدب غيرلايق
وأنـا مـا أذم الـلـي عـلى شرع دينك = اللي من الإسلام معهم وثايق
والـعـلم نـور وسـجـدةٍ فــي جـبـيـنك = وحـيـاتـنا محسوبةٍ بالدقايق


الشاعر/ سرحان بن محمد الدويدير السبيعي ...



ابداااااااااااااااااااع

شاعر كبير

بيوت سهلة ممتنعة جذابة مليئة بالشعر

يفهمها كل سامع وتنصح من له مسامع

صدق والله في طلاب هذا الزمان

[النادر]

مشكور يا أبو عمر والله يطول عمرك

[ابو مقرن]

الله لايهينك وصح السان والدك

قصيده رائعه

ولا تبخل علينا بقصائد الوالد

والله يعطيك العافيه

[النادر]

صح بدنك يا أبو مقرن
وبيض الله وجهك
وأبشر ما راح أبخل عليكم

[عبدالله الذعيفي]

لاهنت يابو الاسرح وصح لسان شايبك

تقبل تحياتي

[النادر]

صح بدنك يا عبد الله
وبيض الله وجهك

[صعب ‏]

‏ كلمات في غاية الروعة اتمنى أن لا تحرمنا من هذه القصائد ‏

[النادر]

مشكور يا الصعب
وبيض الله وجهك
وأبشر بطلبك

[ناصر الدودير]

السلام عليكم ورحمة الله وبركاته وبعد
هي قصيدة حوت على معني جميل وناقشت قضية مهممه وكانت سلسه وواضحه وممتعه لمن تمعنها جيد توقف قليل عندخاتمة القصيده --والـعـلم نـور وسـجـدةٍ فــي جـبـيـنك = وحـيـاتـنا محسوبةٍ بالدقايق- لله درك وفقة للخير دوما يابو محمد
هي بالفعل لوحة رائعه لشاعر كبير يعرف مايقول ويسعى لهدف نبيل وهو يحمل سجل ناصع البياض في مجال الشعر وكان ومازال وسيظل أن شاء الله ذو فكر نير وحس شعري عالي وصاحب مفردات تجبر تلك المفردات بالتوقف كثير عندها .
أتحفنا بتلك اللوحات الشعريه الجميله وواصل بطرحها فشاعرنا أبومحمد يستحق منا الكثير والكثير
غفر الله لناولوالدين ولكم وللمسلمين والمسلمات
اللهم أختم بالصالحات أعمالنا بعد طول عمر وحسن عمل

[النادر]

مشكور يا أبو دحيم مشكور
وبيض الله وجهك
مشكور جزاك الله خير

[مشعاب]

صح السان ابوك

وسلمت يمينك


يا حليلهم طلاب 2011

عيال الانترنت

بيجي منهم خير لكن فكرهم منحرف والعادات منقرضه

[جزل الكلام]

بيض الله وجهك على طرح هذه القصيدة الجزله وتسلم يمينك ويسلم صاحب القصيدة وهذا ليس مستغرب منكم فأنتم أهل الشعر الحقيقي.


سوالف جزيلين السوالف ربيع البال=أحب أشتري وبتاع مع راعي الخبره

[النادر]

صح بدنك يا مشعاب
وسلمت
صدقت فيهم خير لكن الانحراف ماخذ دوره

[النادر]

سوالف جزيلين السوالف ربيع البال = أحب أشتري وبتاع مع راعي الخبره
------------------------------------------------------------------
سلمت وصح لسانك
وللشاعر جواب مختصر على بيتك :
تــعــال الله يـحيـيـك والعرف رأس المال = وأنا طالبٍ في المعرفة وأنت تختبره
نـقـول وتـقـول وكـم وكـم قـايـلٍ قـد قـال = وقـول الـكـفـو شـرواك لا قال نعتبره
كلام العوارف رأس حكمة وضرب أمثال = منه تـؤخذ الحكمة منه تؤخذ العبره


الشاعر / سرحان الدويدير ..

[ابو ناصر العطاف]

جنااااااااااان ورائعه

تحياتي له وبس

[النادر]

مشكور يا أبو ناصر
وبيض الله وجهك

[ولد الغلباء]

ونعم والله يابو الاسرح اثره سرحان ابوووك هههه ونعم والله كفو ولد كفو
لاهنت ابو الاسرح

[النادر]

طلال
ما عليك زود
وبيض الله وجهك
ومشكور على مرورك العطر
وفقك الله


:shokr: