قصيدة الشاعر حمود مفرح الرويبي السبيعي

[صقر الطرف]

قصيده موجهه للشيخ بنيان بن تركي الملوح السبيعي
أحب لي رجل(ن)وأزوره مشاوير
بنيان بن تركي رفيع(ن)مقامه
يفرح إليـــــــاء جـــوه المساييــــر
ماهوب عنهم يتقي في غمامــه
وابوه تركي من خيــار المناعيــــر
ما نيب اعرفه مير جاله علامـه
وإلاد مالـــح كــل بوهـــم مناعيـــر
أهل الشجاعه والكرم والزعامـه
لا جاء المعاند ينطحون الطوابيــــر
دون الطرف حطو احراب وقيامه
لين العرب قنعو وراحــو مسافيــــر
وكل(ن) قنع ويقول ياالله السلامه
يا طامع الشعران روح مع الطيـــــر
تمسى وتصبح في ضميرك ندامه
ترى الطرف دونه إرجال(ن)فواعيـر
حرابهم ما يتهنـــى فــي منامـــه
وجاك الكــلام إلــي مفســـر بتعبيــــر
راعي نصيحه وأستمع في كلامه
وأرجو السموحه كان في الهرج تقصير
وحمود لبنيان يهدي سلامـــــــه

الشاعر:
حمود بن مفرح الرويبي السبيعي

[ابو مقرن]

صح السانه والله لايهينك

[ولد الغلباء]

صح لسانه ولاهنت

[االرويبي]

ملاحظه صقر الطرف
في البيت الثاني
يفرح إليـــــــاء جـــوه المساييــــر
ماهوب عنهم يتقي في غمامــه

وهو كال التي

يفرح إليـــــــاء جـــوه الرجال المساييــــر
ماهوب عنهم يتقي في غمامــه