مطلوب شاعر كبير

[مشعاب]

مطلوب شاعر

يلعب معي بكره من 12.30 مساء



لجل أحلق راسه :)

[مشعاب]

استلم يا ابو عمر ما شفت غيرك :)


يا أبو عمر صاحبك ذالليل ما شفته
وانت المكلف مكانه واستلم شفته
والعلم لا تظهره من خافي ارشفته

والملعبه خلها ذالليل ورديه

يا سلام الله وهاتوا لي الراس الكبير= لجل احلق قلته بالسيوف المذهله
مات حظ اهل الردى جعلهم في وسط بير = الموايق سنة البنت وام المزبله

[خالد الشماسي]

هلا أخو عجراء
استلم لا هنت :)

يا مرحبا مرحبا يا طارش السادة
اللي لفتني علومه كلها سادة
وراسك ليا من تعب حطه على وسادة

والملعبه لونها يا اخي سماويه

مرحبا يا شاعر العرف والراي البصير = شد حيلك وأنتبه لا تجيب امطبله
كان ودك تنطح القوم وترد البعير= احتزم والهيج لا ثار خلك في أوله

[مشعاب]

جهز ذخيرتك والبس عقبها الساتر
وأحذر ليا قلت لك تقول يا ساتر
نبي نحد الكفر وانكسر الساتر

ترى المعاني على كيفك نحاويه


قلتها وأقولها والعمر شكله قصير= سورة الأنفال وسط الكتاب منزله
خابرك في ضرب الأنذال يا ابن اخي شطير = كمل ديانتك شوف السرايا مقبله

[خالد الشماسي]

لا والله الا انحرفت وزغت يا كافي
دليلها واضح والحكم في الكافي
و كانك تعرف السباحه فالبحر كافي

احكايتك من حجايات الهلاليه

احمد الله في مكانك وراسك لا يطير = لا يغشونك ترى خابرٍ فيك اجهله
هاجر وخل البلد لا تبيع ابها شعير = عان ربعك في الجبل وانتبه لا زلزله

[مشعاب]

حب الردي يا ولد ماهوب من ساسك
احذر على الكهرباء لا يلتمس ماسك
خلاص قررت افجرها على راسك

الجمس جاهز ومشبوكه علاويه

من يدافع دون الأنذال ما يلقى نصير = كلنا ضده وعان الجموس امحمله
كنت اظنك يا فتى ناشيٍ في وسط خير = لين شفتك ذبحت المسلمين اتحلله

[كلي مشاعر]

عااااااااااااااااااااااشو

http://www.qassimy.com/vb/images/nasser2/groupwave.gif

[خالد الشماسي]

ما نيب أحب الردي يا جعل من قاله
يصير ضرب المشوك والفشق فاله
مغير ابنصحه كان النصح يبداله

وسنامها يا ولد منتب حراويه


استعذ من كل شيطان واشرب لك عصير = والجبل ماهوب قدك ولا انت بقدله
كم قطعنا من عروق بها القوة تسير = مسيسٍ الشرع والحكم فوقك ننزله




شكراً لك أخو عجراء

سعيد جداً باللعب معك ولكن السحور على السفرة :)

[مشعاب]

شكراً لك أبو عمر

وأنا كذلك أسعد




كلي مشاعر


عشت ولبست البشت


وجودك في الموضوع زاده نور ، وشرف


بيض الله وجيهكم جميعأً


محبكم أخو عجراء

[كلي مشاعر]

بيض الله وجيهكم ولاهنتوا

http://www.qassimy.com/vb/images/smilies/Entertainment-02.gif

[البدر]

الله

الله

لاهنت يامشعاب ولاهنت يابو عمر

طاروق ولا اروع من شاعرين لهما ثقلهما في الساحه الشعريه

اخوكم البدر

[عيسى السبيعي]

الله لايهينكم شعار من الوزن الثقيل

صح الله السنتكم والمعذره على التاخير

[السيف]

الشاعران

ابو عمر + مشعاب

الله لا يهينكم على هذا الطاروق الجميل

كان بودي ان اكن معكم في اول الطاروق ولكن قدر الله وما شاء فعل

سجلوا اعجابي الكبير جدا بكما

اخوكم السيف