جديد بن نمشان

[ابو ماضي]

بسم الله الرحمن الرحيم
قصيده مناسبة سفر خادم الحرمين الشرفين الملك عبدالله بن عبدالعزيز للعلاج
يحفظـك رب البـيـت ياخـادم البيت وتعودله مــن رحـلـتـك بالـسـلامـه
ولشعبك الي له بالاحضان ضميت وبقلوبـهـم قــدرك تعـلـى مـقـامــه
حسـوا بـمـا حسيتبـه يـوم حسيت وكـلاٍ مـن الضـيـقـه تــكـدر مـنامـه
افـراحهـم بالعـيـد دمـع وتـنـاهـيت وللحزن في كل المـظاهـر عـلامـه
وانا مثل غيري من الخطب عانيت وللهم قامت وسط صـدري قيامه
وجـهـت وجهـي يـم ربـي وصـليت في وقـتٍ احـرى بالبيب اغتنامـه
ولله تـوجـهـت بــدعـائـي ولـحيـت عساه مـن فضله يزيل الغـمـامـه
وتنزاح كــل همـومـنـا لاتـعـافـيـت ياقايد الشعب السعودي وامامـه
ونسعد بشوفك يابو متعب ليا جيت بقصر الصفى والأ بقصر اليمامه
يامـن علـى عرش الزعـامه تعليت وبسطت لاحبابك كفوف الكرامه
ويامن لكل انواع الاحوال راعييت ورسمت بوجيه الجميع ابتسامه
ويـامـن بـحـبـك للـعـداله تصـديـت للـي مناهجهم مـنـاهـج رخـامـه
لين اصبحوا عقب المناصب شفاليت وملا احترم نفسه يقل احتـرامـه
ويامن بسطواتك علـى الحق شليت أيــدٍ تخـطـط للـفـسـاد ونـظـامـه
شتتـهـم الله وألــي الكــون تشـتيـت والمنتقم يجنـي نـتـاج انـتـقـامـه
ياسيدي مهما تكلمت مـاحصـيـت مكارمك يابو الكرم والشهامه
ولاقول غير الله يردك على البيت وناس ٍ تمنى شوفتك بالسلامه

الشاعر/ عبدالله بن مناحي بن نمشان السبيعي

[ماجد الشماسي]

يابو ماضي الله يطولي عمرك

ماطلعلي شي بالموضوع

يمكن الخلل من جهازي

لاهنت على كل حال

[محمد ابوعضيده]

الاخ العزيز / ابوماضي
السلام عليكم ورحمة الله وبركاته
بيض الله وجهك على ماقمت به من نشر لقصائد الشاعر / سحمي بن مناحي بن نمشان وقصائد ابومناحي والله انها تستاهل من ينشرها وقصائده كلها جزله
ولاكن عندي اقتراح ليش ماتجمع من قصائده عشر او خمسة عشر قصيده وابو مناحي ماظن عنده مانع وتنشر في منتدى سبيع الغلباء ويوضع له منتدى خاص او موقع وتعرض فيه كل قصائده التي لايمانع بنشرها هذا اقتراح فقط وانا مستعد بالمساعده بالي تبون والله يوفق الجميع /،،،،

وتقبلوا تحياتي وتقديري ،،،،،،،،،،،،،،

[ال ح ك ي م]

يابوماضي الموضوع برحه ماشفنا شي