انا بكتب على فكرتك يا منصور [الأرشيف]

السلاسل

29 - 05 - 2011, 05:29

أنا بكتب على فكرتك يا منصور * صحيح اللي تقول وثاقب النظرة
عطا ك الله ذكى ومواطنه وشعور * ولك يا النابتي ميزه ولك خبره
أبو ناصر علم في المجتمع مشهور * وله وجهة نظر في الوضع معتبره
محاربة الفساد بمجهر الناظور * بعد كل صبر حتى نفذ صبره
صدر مرسوم ننتظره وشاف النور * سنين طوال نحتاجه وننتظره
من اللي حاكمٍ بالعدل راع الشور * بتوقيعه وتوجيهه وتحت أمره
على اللي صفحته بيضاء فرح وسرور * وعلى اللي صفحته يعني يبي يكره
يحاسب كل مسئول عليه قصور * من الهيئة توقف له وتختبره
ليا منه نجح في مهمته مشكور * وكأنه عكس ذلك شيف له دبره
ترى أول واحد يفرح هو المعسور * يبي له بيت يسكن قاصرٍ شبَّره
وترى أول واحد يزعل هو الهامور * يبي يفقد شعوره وحفرو قبره
يعرف أن الليالي والزمان يدور * يزك المال ويخفف من البطره
يحاسب كيف يلتهم الأراضي البور * يتوب ويعطي أخوانه من الهبره
شروها الشعب منه بموعدٍ منظور * بدون صكوك خسروا واندفن فقره
بنو فيها بويتات وعشش وقصور * بعدما خلصوا قالوا على فكره
مخالف للنظام وهدها مجبور * يعامل بالنظام وطبق الفقره
بعضهم طاح فيها وشتري ما طور * سكن والأرض حوله كلها غبره
بعدها كل واحد في البلد مقهور * من اللوعات دوبه يظهر النبره
يراجع في الدواير له سنة وشهور * ليا جاء اليوم قالو له تجي بكره
معاملته تنقل كل يوم بدور * مع الدرجان طاح ولا جبر كسره
يراجعهم بعكازه وهو مكسور * معه ضغط ومعه سكر ومعه أبره
ليا منه قعد وابطى عليه الدور * تعالج ثم عود يكمل الثبره
بعدها يدبون التاجر المسعور * يدقق في حسابته وفي جبره
صدور الناس فيها شعلة الدافور * عيون الناس فيها حارة العبره
يزيدون السعر والجور فوق الجور * وهم ثلثينهم في المجتمع نكره
وهل جده يبي يبنى عليهم صور * معاد السيل ياصلهم ولو كبره
مثل موج البحر ولا كما البابور * عشر شركات للتوقيع منتظره
وبشركم يبي ينظركم الدكتور * مواعيد السنين اليوم مختصره
بقى عدة نقاط وضعها مستور * يطول الشرح فيها لو نبي قصره
أبه طابور واللي خارج الطابور * بعضهم بس عنده قلة الدبره
وقول لسيدي يا سيدي مشكور * ليا جتك الأسامي حطهم عبره
الشاعر / خالد بن فراخ بن سالم الحارثي