((( صوت وصدى بيني وبين ابو شيبه )))

[الحميدي السويدي]

للتوااااااااااصل يالنشاما في هذا الصرح الشامخ وهذه مراسلة جرت
بيني وبين الشاعر المبدع / عايض بن عبد الله ا بو شيبه السبيعي



يابو سعد جاك شعري فوق ماكوكـه=عبر الفضاء مرسله من مركز افكاري
جاك وبه ابيات مضبوطه ومحبوكـه=فيها تعابير شوقي واخـر اخبـاري
الساعه الي بهـا طاريـك مبروكـه=خلتني انسا همومي واكتب اشعـاري
يابو سعد خوتـك ماهيـب متروكـه=خوتك خوت شرف تشرا وانا شاري
من صارت ابواب وقته عنه مصكوكه=تفتح له ابواب في صدرك ويختـاري
انت انت عز الصديق وللعدى شوكه=صنديد حلحيل من وافين الاشبـاري
يابو سعد لك علوم الطيـب مملوكـه=حطيت لك في قلوب الناس مقـداري


ردي على ابو عبد الله


البارحـه دك بـي تسعيـن داكوكـه=بنات الأفكـار جنـي دون معـذاري
جني على سرعةٍ بالجـزل مسبوكـه=سبك الذهب لاعرض في سوق تجاري
تقول حنـا قضـاة الشعـر وملوكـه=والرد لأهل الوفاء ملـزوم واجبـاري
دام ابن عمك صرف شيكٍ من اشيوكه=مالك عذر لو يطول الليـل سمـاري
واحضرت طرسٍ جديدٍ مافتـح بوكـه=توه على جدته من سوق الأ نصـاري
ابغيه لاما شبكنـي الشعـر بشبوكـه=اكتب عليه كل مايطري على طـاري
وابغيـه لاجاتنـي قيفـان ملكـوكـه=اطوع القـاف ليـن ايليـق للقـاري
من مركز الفكر اصوغ ابيات مسموكه=واسكر ابـواب مدخـل كـل هـذاري
من شان لايفرح اللي يطرح اشروكـه=اللي على اهل الوفاء بالهينه ظـاري
هاذاك عند العرب مقطوعـة اسلوكـه=ماله مع اهل الوفاء تاريـخ وادواري
والا انت خوتك بأهل الطيب مشبوكـه=من طيب ساسك وعلمك عند الأخياري
خوتك يالقـرم راس المـال وابنوكـه=واكبر رصيد الفخر في مثلك امـاري
لكن اشوف الفرص قلـت ومظنوكـه=لأشغال في كل يوم اطوال وإقصـاري
والوقت يا مسنـدي دعـواه معبوكـه=عيت تزول الظروف وليلهـا سـاري

[مشعاب]

صح لسااااااان ابو عبدالله

وصح لساااااانك يا ابو سعد

صوت وصدى من اجمل المراسلات

تسلم على والنشر

[خالد الشماسي]

يا سلام عليكم يا مبدعين شبكة سبيع الغلباء

صوت وصدى ولا اجمل ولا اجزل ولا اعذب

صح لسانك ولسان ابو شيبه ودمتم ودام ابداعكم

[عبدالله الحضبي]

صح لسانك يابو سعد وصح لسان الشاعر أبو شيبه
كلمات رائعه ومعاني ساميه وفق الله الجميع لكل خير

[ابو مـــــسلط]

بيض الله وجيه الشاعرين المبدعين على هذه المساجلة الطيبة

وصحت السنتكم جميع

[صندلي و أفتخر]

صح السانك يابو سعد وأبوعبدالله