من روايع الحنان

[الوزير]

قصيدة أرسلها الشاعرفلاح الحنان مسندها للشاعر ذيب الشمري

يقول ابو طلال




يـا ذيـب شمـر وأثـر مربـاك قتـال
مـا تنعـم الا فــي ديــار الـشـواوي
تبغى مـع الشويـان طليـان ورخـال
ما فيه مره قلـت لـي يابـن ضـاوي
أظن جوعي ما طرالك على البـال
والا طـرالـك مــار مانـتـه بـنـاوي
سرحت عند المال وأقفيـت بالمـال
واللي يبـي خوّتـك مـا لـه مخـاوي
تركتنـي مرمـي بسـلات الاهـمـال
وهــدد سليـمـان يتلـقـى الـدعــاوي
يلعب على المسحوب ويقول موال
لعـل مـا لــه عـنـد ربــي عــراوي
ياذيب كيف الحيله وكيف الاحـوال
أنــا مــع العـالـم و كـنـي خــلاوي
صداقة أهـل العـز مـا عـاد تنطـال
من يوم طبـة وسـط سـوقٍ غـلاوي
ماعـاد باقـي غيـر نـخـوه ورجــال
اللي على صعبات الاريا جرواوي
ابو جمال يعوظنـي فاشهـب الـلال
والا تــرى مـاعـد بـاقـي عــزاوي
لا شحـت الدنيـا بوقفـات الابـطـال
أنــا بشـمـر هـاقـيٍ لـــي هـقــاوي




وهذا رد من ذيب الشمري





مربـاي فـي مـربـاك ياطـيـب الـفـال
يوم أنـت بيـن الأحمـدي والحسـاوي
تسـتـثـمـرالأيـام ديــنـــار وريـــــال
وتصـيـد بالمـخـلاب مـثـل الـنـداوي
ويوم إنتهـى الموسـم تنحيـت رحـال
تبحث عن المرباع بأرض الصداوي
مــا بينـنـا حـالـت بعـيـدات الامـيـال
وزالـت قهـاوي وإستجـدت قـهـاوي
تعتب على ذيبٍ سكـن بيـن الأطـلال
مـا مـر يـوم الا وهــو فـيـه عــاوي
يا كيـف يفتـح لـك مشاريـع وأعمـال
وهــو مـطـوّق بـيـن مـيّـة ظـــراوي
وانتـه تنـقـل بـيـن الاوطــان جــوال
يــا ليتـنـي مثـلـك طلـيـق الخـطـاوي
لـو كـنـت مثـلـك بالغنـايـم والأنـفـال
لبّيـت شـرهـات الـخـوي والـفـداوي
لكـن رغـم قيـد السلاسـل والاغـلال
لـجـل التخـلـص مــا نــدوّر فـتـاوي
يابو طلال أبشر تـرى الخيـر باقبـال
إن ساعـف الله مـا تخيـب الرجـاوي
تاخـذ منافـع شمـري قــدر وإجــلال
مـاهـي مـنـافـع سابقـتـهـا رشـــاوي

[السيف]

بيض الله وجهك يالوزير على نقل هذه الدرر من شعراء كبار

استمتعت كثيرا بالفتل والنقض في القصيدتين

سلمت يمينك

[الوزير]

شكرا ع المرور

[جمل زومان]

لاهنت على النقل صحت السنة الشاعرين

[المحيط الرابع]

بيض الله وجهك يالوزير على نقل هذه الدرر من شعراء كبار وزملا قداما في دولة الكويت ولا احد ينسا محاورات فلاح الحنان في دولة الكويت والدور الذي قام به في وهج المحاوره بالكويت