مميزات الحملة الناجحة

[مشعاب]

السلام عليكم ورحمة الله وبركاته ومغفرته ومرضاته


عندي سؤال يا احبابي الكرام


ما هي مميزات الحملة الناجحة ( خصائصها - او الخدمات - الوقت - السيارات- الإفتاء-البوفيه - السرعة في التنقل - التعجل - الخدمات الأخرى )


هاه يالخبراء علمونا




مشعاب اخو عجراء السبيعي

[العويد]

مشعا


والله يااخوك مدري عن هالحملالات


بس لا بغيت نصيحتي لا تروح في حمله وخااصة اذاا كنتوا عاائله

شف ربعك اللي يبوون يحجوون ورووحوا كلكم سواااء عزبتكم واغرراضكم وذباايحكم معكم

ومااخذين حريتكم

وسلالامتك طال عمرك

[مشعاب]

أبك الحكومه يقولون لازم الحملات يا بعدي


يقولون ما به تصريح إلا بورقة حملة



ابك اثاريك مبطي عن السعودية :)

[البدر]

هلابك اخوي مشعاب

بالنسبة للحملات فاغلبها متقاربة في الخدمات

ولكن الفرق في قربها من المرجم فناك فئة أ ؛ ب ؛ ج ؛ د ؛ ه

كل ماتكون قريب كل مايزيد السعر اضف الى ذلك بعض الحملات

تحج معهم بدون تصريح وبذلك تستطيع ان تحج السنة القادمة ان احببت

اخوك البدر

[مشعاب]

هذه مسألة القرب من المرجم

يعني فئة هـ كم تبعد عن المرجم يا قلبي يالبدر


شكلك مقطع المرجم بالحصى الكبار :)


وش بعد من المميزات


تراني ناوي احج ان الله يسر :)


مشعاب اخو عجراء السبيعي

[البدر]

هلابك اخو عجرى والله يوفقك للعمل الصالح

طال عمرك فئة هـ تبعد حوالي كيلوين عن المرجم وهي ابعد نقطه لكن انا ما انصحك في مخيمات فئة أ لانها قريبه مره ودايم زحمه وصاخه الله يكرمك لكن فئة ب او ج طيبه بالحيل والدعوى على حسب قروشك والا كلها تقوم بالغرض .

اخوك البدر

[خالد الشماسي]

حج مبرور وسعي مشكور مقدما اخوي مشعاب :)

منى ليست بالكبيرة جداً بحيث تكون لتلك الفئات قيمة كبيرة ( أ ، ب ، ج ، ه )

أهم ما في الحملات هو صاحبها + شيخ يوثق به وبعلمه


فإن كان صاحب الحملة غير موجود معها فلا تتعاقد معهم

وإن لم يكن مع الحملة شيخ يوثق بعلمه فلا تتعاقد لأنك قد تحتاج لفتيا سريعة فيشق عليك وجود المفتي او من ينوب عنه .

وكذلك نوعية سيارات النقل داخل المشاعر وفي الطريق إلى مكه


الباقي أنت أبخص :)

[عيسى السبيعي]

الأخ مشعاب وش رايك أحج انا وانت

هاه وش تقول

بس انا معرف شي انشد عن العلوم كلها وما يتعلق

بالحج واذا جهزت كل شي قلي انا بربط العفش وادور لي قريشات

خاف ولا لون معنا احتياط ,,

والله الله في راي ابو عمر تراه طيب بالحيل


تحياتي

[العويد]

الله يعينك يااخو عجراااء


وتراني مثل مااقلت ماالحقت على هالقااانون ومااذكره والله يااخوك

بس عليك في ابو عمر

تظنه اكثر خبره في هالمجاال

ولا تنسى خوة الوااسطه ترا خوته تنشرررى من غير نقص في الجميع

ولا تنسى تدعوا لخوووك

والله يوووفقكم ويقبل حجكم

اخوك