مرثية في الأمير / سلطان بن عبد العزيز رحمه الله للشاعر زامل السبيعي

[خالد الشماسي]

http://www.sobe3.com/temp/meeting/zamel.jpg


احسن الله عزا الإسلام والمسلمين=واحسن الله عزا ال سعود واحسن عزاي
واحسن الله عزا الايتام والمستحين=واحسن الله عزا راي(ن)يقديه راي
واحسن الله عزا النخوه وطول إليمين=واحسن الله عزا الاجيال رايح وجاي
راح سلطان ابن عبد العزيز الامين=ارحمه ياولي العرش واقبل دعاي
صبحوني صباح(ن)يفجع الغافلين=وعلموني بعلم(ن) منه راغت شواي
جيت ابا انهض لكن راحت عضامي طحين=قلت علم الندم لكن هاتوا عصاي
آه وجدي على تقبيلته فالجبين=قبل يدفن واعود من عناي بعناي




شاعر سبيع الكبير / زامل بن الحميدي بن زامل السبيعي
رئيس مركز صور / عسير

[المسالم]

الله الله مرثيه قممه فالطرح من شاعر كبير ومن كبار شعار سبيع ابو الحميدي ولاهو غريب عليه الإبداع وابو خالد رحمه الله له مكانة كبيره جدا .
الف شكر يابو عبدالله على هذا النقل الممتاز والف شكر لأبو الحميدي على هذه القصيده الممتازه.
تحياتي للجمييع