تسجيل الدخول

مشاهدة النسخة كاملة : الشاعر اللي فيه شده

ابو زيد الهلالي
27 - 10 - 2011, 23:31
السلام عليكم



الشاعر اللي فيه شده يسجل حضوره
خالد الشماسي
27 - 10 - 2011, 23:54
استلم يا بو زيد


وين الهلالي نبا نبدأ معه دورتين = أما خذ الاوله ولا خذ الثانيه
سجل حضوري وعندي لك كلام ثمين = صافي مصفى ثماره قدمكم دانيه
ابو زيد الهلالي
28 - 10 - 2011, 01:08
موجود لاجيت وانا في الوعد حاضرين=قدامك الماد والميدان ميدانية
اليا حضرتو حضرنا مانعامل بدين = واللي عطا خلقه امن انعامة اعطانية
خالد الشماسي
28 - 10 - 2011, 01:13
تغيب عني وانا ادورك لي ساعتين = والبيت ماهوب يهدم لا حضر بانيه
طاحت نجوم وبقى وسط السماء نجمتين = واظنها لو يطول وقتها فانيه
ابو زيد الهلالي
28 - 10 - 2011, 01:41
ماغاب من جاء على ماقالو الاولين=والبيت يثبت بسيسانة والاركانية
تدور الايام والله يالشماسي يعين= ونشوف الاحوال والاوضاع متدانية
خالد الشماسي
28 - 10 - 2011, 01:51
جاك الربيع يتزبر وايقض الغافلين = وخلو قصور بها الحرير والغانيه
ولا باقي دون دارك غير هالقفلتين =جاك البرد يرتهش كنه صدر حانيه
ابو زيد الهلالي
28 - 10 - 2011, 02:09
الله يحيل الربيع ايسار ولا يمين= لوكان دايم ماعاد تربع اوطانية
تفائل الخير لاتقضي على الطيبين= لو يرتهش مستحيل يزيح ضلعانية
خالد الشماسي
28 - 10 - 2011, 02:12
حنا نبي حكم رب الكون في المسلمين = ويجنب الله عنا حكم علمانيه
الله يجيب المطر وينجي المحسنين = ويسلم اربوعنا الغالين والعانيه
ابو زيد الهلالي
28 - 10 - 2011, 02:32
ان كان ربك مازينها لايمكن تزين=الأعداء تدور لها مدخل وبيبانية
الله يعز الزحول و يهلك الظالمين= اللي يعيش بجباروته وطغيانية
ابو زيد الهلالي
28 - 10 - 2011, 02:34
خالد الشماسي

سعدت كثيراً بالردية معك

وصح لسانك وتصبح على خير ولنا لقاء
خالد الشماسي
28 - 10 - 2011, 02:46
خالد الشماسي

سعدت كثيراً بالردية معك

وصح لسانك وتصبح على خير ولنا لقاء


تصبح على خير

دائما مبدع يا ابو زيد لا هنت