المساعد الشخصي الرقمي

مشاهدة النسخة كاملة : أتحداااااااااك ما تضحك مع هالقصيدة

مشعاب
17 - 01 - 2005, 21:15
الضب قـدم للـوزارة شكيـة = يقول أنا مظلوم وسط الصحاري
الحيوانات تعيش عيشـة هنيـه = وأنا مع الكبسات تحت الكباري
مسكين مالي واسطة خارجيـة= الواسطة عند الضباء والحباري
محمية الغـزلان دون الحويـه = وانامقطع وسـط رز البخـاري
أنـا لحالـي عيشتـي جاهليـة = أنصاد لو إني ببنـك العقـاري
في سوق منفوحة يحرج عليـه= مكتوب اسمي بالسجل التجاري
احتـج وقـدم للأمـه قضيـه = ممنوع صيدي بالسلاح النياري
اعيش أنا ويا الحبـاري سويـه = مافيه فرق بين يـس وهـواري
اليا طلعـت أبااتمشـى شويـه = اليا الدساتن كوم تضرب بواري
وانا مسلسل طاش يضحك عليه = وين التقدم واسلوب الحضاري
عيسى السبيعي
17 - 01 - 2005, 22:29
ههههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هه

الله يرج بليسك يامشعاب

بغيت افطس من الظحك

والله ماله لايم :)

بس تبي الحقيقة على الكبسه اللي مسويها مشعاب

في البر تسوى شي واجد :tounge_sm


تحياتي
مشعاب
17 - 01 - 2005, 22:39
هههههههههههه اضحك الله سنك يالواسطه



أهم شيء انها حازت على جزء بسيط من إعجابك



خل تجي الكنه و اقنص انا وياك :)
السيف
19 - 01 - 2005, 21:22
مشعاب لاهنت على القصيدة

والله مسكين يالضب

لكن مالك الا الصبر على مشعاب وعيال عمه اهل الدساتن
خالد الشماسي
19 - 01 - 2005, 22:25
ههههههههههه يا ويل الضب ويلاه من الدداسن


بس هو غلطان يحسب رمي الشوازن بواري




قصيدة رائعه



لك تحياتي وحج مبرور :)
قرناس
25 - 01 - 2005, 22:23
الضب قـدم للـوزارة شكيـة = يقول أنا مظلوم وسط الصحاري
الحيوانات تعيش عيشـة هنيـه = وأنا مع الكبسات تحت الكباري
مسكين مالي واسطة خارجيـة= الواسطة عند الضباء والحباري
محمية الغـزلان دون الحويـه = وانامقطع وسـط رز البخـاري
أنـا لحالـي عيشتـي جاهليـة = أنصاد لو إني ببنـك العقـاري
في سوق منفوحة يحرج عليـه= مكتوب اسمي بالسجل التجاري
احتـج وقـدم للأمـه قضيـه = ممنوع صيدي بالسلاح النياري
اعيش أنا ويا الحبـاري سويـه = مافيه فرق بين يـس وهـواري
اليا طلعـت أبااتمشـى شويـه = اليا الدساتن كوم تضرب بواري
وانا مسلسل طاش يضحك عليه = وين التقدم واسلوب الحضاري

:thumbup:
يســـــــتاهل .. حظه كذا .. لو انه غزال كان حطه ابو متعب في روضة خريم معزز مكرم وياويل اللي يقرب له
عيسى السبيعي
26 - 01 - 2005, 01:40
خلاص يامشعاب عانني بجهز الد ستن

والبرق والدلهوجركل الماء والمطاره

والباقي عندك

تحياتي
البدر
27 - 01 - 2005, 03:28
لاهنت ياخو عجرى

على القصيدة الرائعة

والضب الله يعينه من كريم لامستحق

اشكرك مرة اخرى وحج مبرور وسعي مشكور وذنب مغفور ان شاء الله ....


اخوك البدر
سهم
27 - 01 - 2005, 03:52
http://www.moodless.net/upload/m160.jpg

هههههههههههههههههههههههههههههههه

كلها من فعايلك ياشين الفعايل

انهيت الضبان عن المملكه ودول الخليج العربي :021:

بس عاد للامانه انك تسوي عليها كبسه ماتسويها عجرى في عبانها :applaudit


بطاقة معايده للغالي :

لاصار حضي من وصالك طيوفك
احسن لي اسكن غرفتي واقفل الباب

اخوكم في الله سهم
مشعاب
27 - 02 - 2005, 22:24
مراحب يا اعضاء الغلبا


مروركم و امتاعكم بهذه الأبيات غايتي



وتراها ميب لي بس ناقلها لكم :)
السبع الحر
05 - 04 - 2005, 17:48
هين هين ياالضبان تعرفين تردين قصائد وتنزلينها في المنتديات . الوعد الكنه على ماقال اخو عجرى ان ماسويت شاورمة ضبان وصورتها ونزلتها مع القصيده مانيب سبع حر ومن سباع احرار




ماعاد الا انت ياضب ترد فينا قصائد = ما انته بكفو للضباء والحباري
محميه لمثلك علينا من كبار النقايد = خلك تموت وسط الحفر والصحاري
مشعاب
07 - 04 - 2005, 01:08
كفوووووووووو يالسبع الحر


لا تنسى ترد لي يد بجنبها من اول مكوون تصيدها :)



مشعاب
السبع الحر
07 - 04 - 2005, 01:21
ولايهمك يامشعاب ابشر بسعدك وخل العلوم تزين ويجي الموعد وانشاءالله لعزمك على طلعه خاصه بناس تفترس الضبان.
جراح الطريف
13 - 06 - 2005, 08:55
ههههههههههههههههههههههههههههههههه
ههههههههههههههههههههههههههههههههههه


والله وسعتوا صدورنا


الله يوسع صدوركم بالعافيه


مشكور على هالقصيده
جراح الطريف
24 - 08 - 2005, 22:13
مسكين كسر خاطري


مشكور على القصيده


زين الي ضحكتنا عقب المقلب الي اكلته قبل شوي
مشعاب
27 - 08 - 2005, 00:25
أرحبووووووووووووووووووووووووو كلكم



هاه من اللي ما ضحك ؟



اكيد كلكم ضحكتوا :)
أسد النار
03 - 09 - 2005, 12:45
يسلم فمك يا أخي مشعاب القصيدة تضحك أكثر من النكت