المساعد الشخصي الرقمي

مشاهدة النسخة كاملة : قاموس الكلمات القديمه شد حيلك

عيسى السبيعي
23 - 11 - 2011, 19:34
ايها الأعضاء الأعزاء
السلام عليكم ورحمة الله وبركاته
بعد طول الغياب عدت بالسلامه ماطول عليكم
الموضوع هو الكلمات القديمه التي كان الاباء والأجداد يستخدمونها في حياتهم
وهي اللهجه العامييه فالمعني بذلك ليس منطقه بعينها وانما جميع المناطق والقبايل
اتمنى الا اطيل عليكم .
تحياتي للجميع
عيسى السبيعي
23 - 11 - 2011, 20:33
للمحافضه على تراث الأباء والأجداد.
الكلمة الأولى
مدِّي : وتعني رحل يمكن ان يعود او لا يعوود
قلت في احدى قصائدي :
انـا حـالـفٍ لـي حـلف يـانـاس حـلف هبال = هـبيـل الـهوى قـلبـه خـذه جـادلٍ مدِّي
عيسى السبيعي
23 - 11 - 2011, 20:42
ذبه : وتعني شربه
قلت في احدى قصائدي :
مــفطــرقــبل جــيتــه مـالـخبـزشـابـوره = وكـاس مـن الـملك بعدالفجر قد ذبه
عيسى السبيعي
23 - 11 - 2011, 20:47
ذربه : نقية من الشوائب
قلت :
مــاتــنزل الــسوق كـودأوقـات مـخبـوره = ولــياتــكلــم يـجيـب الـكلـمة الـذربـه
مشعاب
23 - 11 - 2011, 22:09
ويقول بعد عيسى السبيعي

سلام ياصرحٍ تعلت مبانيه=تاجٍ على روس السموه بنيناه (http://www.sobe3.com/diwan/members.php?diwan=2/up)

السموه : من يحمل نفس الاسم مثل السبيعي
مشعاب
23 - 11 - 2011, 22:14
ويقول الشيخ ماضي بن جويريه يرحمه الله
غـرسـنـايـرسـي ودونــــــه نـحـدالــوهــوم=وإيتبستن غرسنا اللي شطافي العدام
بــيــن عـتـبــان وغـامـدوجـمـع الـبــقــوم=وأهـل بيـشـة والقحاطـيـن ورجــال يــام
لابتي نجـم ٍ ليـا أهـوى تبيـن الثلـوم=لاضرب روس الصعانين راحت هدام

الوهوم : المعتدين من القبائل الاخرى
ويتبستن : ينمو بشكل سريع
شطا : نبت
العدام : الكثبان الرمليه
لابتي : جماعتي وربعي
أهوى : نزل بشده
الثلوم : الانشقاقات
الصعانين : الجبال التي ليس بها تشققات او تكسر

مشاركتين هديه لك يا ابو ماضي ومسروقه من توقيعك :(114):
عيسى السبيعي
23 - 11 - 2011, 22:39
الف شكر ياخو عجراء على الهديه وهذي رد للهديه.
يوم من الأيام جيت ماشي مع ذاك الشعيب هم لا والله ذاك اخو عجراء
ومن الفرحه كلها وانا اشيله وانا امحطبه ونا اسلم عليه واتعالم انا وياه
وانا اهبب في ريحه بالشحم والغبوق والعلوم الغانمه والمهيله والطيب وهو يذب الريع.

1-الشعيب : هو مجرى السيل
2- امحطبه : اسدحه او اطرحه على الارض.
3- اتعالم انا واياه : نأخذ أخبار بعضنا .
4- وأنا اهبب في ريحه : أقوم بواجبه الضيافي .
5- الشحم : هو الوليمه .
6- الغبوق : هو حليب الإبل .
7- العلوم الغانمه : كل ماهو طيب من سوالف وكرم الضيافه
مشعاب
23 - 11 - 2011, 23:19
ههههههههههههههههههههههههههههههه يا ولد تمحطب بـ اخو عجراء مره وحده :) يا ساتر منك

دامها صارت سوالف اجل بسولف

في سنة من السنين رحت انا وابو ماضي مترادفين على مطية ويوم جينا في قطع من خلاء الا ذاك الذود مصدر قال عيسى انا بنطح راعيه وبنشدة عن ذهيب غادي مني ذالتلول قلت اجل انا بولم القهوه لين تجي

المهم ابو ماضي واجه الرجال وقلطه للقهوه يوم اقبل علي واقوم احقق النظر فيه الا مير سهم نسيبي وحبيب قلبي

كمالة السالفه عليكم

مترادفين : نركب مع بعض على جمل او ناقه او فرس
مطيه : ناقه
قطع من خلاء : مكان خالي في الصحراء
الذود : جمع ابل اكثر من عشر نياق
مصدر : مرتوي وذاهب من مكان الماء
بنطح : بقابل
بنشده : بسأله
ذهيب : شيء ضائع وتقال للابل او الغنم الضايعه
غادي : ضائع
قلطه : دعاه
ذالتلول : اصلها ليلة الأول أي قبل امس بالليل
بولم : بجهز
احقق النظر : اكرر النظر فيه
ابورائد السبيعي
05 - 12 - 2011, 19:38
وش ذي الصدفة يا الربع . عقب ماصدر سهم بذودة وردت عقبة العد وشفت جرتة توها حية وهو متقفي حليلة وضنتي ان فية عرجة لانة خمع في نثيلة وغدت المزودة مدري كبها يوم عاينت لفيها كم فذة ومضيرتن مهيب واجد تطرحت لة اربي اقدر اتشوفلة ونهمت علية غدية يوحيني واثرة لاقين المهيلة عنكم . يستاهلها سهم ولاتهونون ياالربع
عاداللة يعينكم علي الترجمة