يزين جو البر على وقت الفجر

[حمد المليحي]

الجديد حاضر بحاضر ..





يزين جو البر على وقت الفجر
والشمس بالمشرق وكنها شايمه

ماودها تزعجني بـ بيت الشعر
اللي الكرم والجود من قوايمه

شبيت ضوي داري البرد يغدر
لا جا شمالي وسمانا غايمه

وسويت لي دله على جمر السمر
وبهرتها وافكار راسي هايمه

يمد لي فكري على مد البصر
أفكار مبطي في خفوقي حايمه

الله عطاني شوف واعطاني عمر
من يوم قال أبوي ذي تمايمه

أرقا على العليا ولا أناظر حدر
والطيب ذا يشريه وهذا سايمه

وألا خوي الروح ألقى له عذر
وأوجبه في حقه وولايمه

ماينكسر وآنا معه وجه وظهر
وافوزه لو واضحة هزايمه

اطرب لعزفه لو على أية وتر
وابعد عن القاصي وعن نمايمه

نفسه دنيه وفوقها وجهه غبر
ولو عزمني ما أجي عزايمه

ماينرمي بالطوب ياكود الشجر
اللي ثمرته في غصونه قايمه


ولا يرمي الاشجار طفل(ن) بالحجر
إلا وجوعه واضحة ظلايمه

يارب ترزقنا مطر مطر مطر
الين تضحك أرضنا المتشايمه

هذا الربيع اليوم يبكي من القهر
أنفك من ربعه ومن توايمه

الأرض جدبا ولا بها قاعن خضر
وراحت مع بعده بعد لزايمه

وراعي الحلال من العلف صابه فقر
تمر له أيام وابله صايمه

والناس شفقانه على شوف الزهر
وتشتاق للدوجه على نسايمه

تحكي لبعضها لين يوصل الخبر
وتبكي جدايده على قدايمه

ياوالي النعمة العزيز المقتدر
رحمتك عبدك هي سبب غنايمه

يالله سقيا خير من عسر ليسر
تشرح خفوق اللي همومه دايمه

وافكاري المتشربكة وجهة نظر
لها سنين(ن) في ضميري نايمه

قومتها لمن يهمه الأمر
والشعر فيها سددت قسايمه



وسلاااااااااااامتكم

[عبدالله الحضبي]

http://up99.com/upfiles/gif_files/pWh78588.gif

[حمد المليحي]

شاكر مرورك ياتين

[العكبري]

آآآآآآآيه يازينة
صح بوحك ولا هنت