محاوره مباشره

[حمود الحقي]

مرحبا بالجميع..


الليله الجمعه 19/2/1433 على موعد محاوره بيني وبين شاعرنا ابو زيد الهلالي.

يشرفنا توجدكم ومتابعتكم جميعاً . واسآل الله التوفيق للجميع . وان تكون انطلاقة خير كل

اسبوع محاوره بين شاعرين من شعرائنا . ولن يتم ذلك الا بتوفيق الله ثم دعمكم وتواجدكم..

الموعد الساعه 9,30 انشاء الله والبدايه عند شاعرنا ابو زيد الهلالي

[ابو زيد الهلالي]

مرحبا بالجميع

تفضل يابو قاسي
سلام ردية لها صوت وصدى= لاهل الوفاء واصل الوفاء مضمونها
قام المطر يمطر ولاجاله ندى= والناس لخياله تلد عيونها

[حمود الحقي]

يامـــرحبا باللي تقدم وابتـــــدى *** واهـــل الوفا تمشي على قانونها

الخير مقبل والوفاء غير الردى *** والناس رب الناس كان بعونها

[ابو زيد الهلالي]

تبقى ونبقى مابقت قمة شدى= على سلوم اهل الوفاء وفنونها
كانك تبى الاصحاب ماتصبح عدى= لاتحرم الاجواد من ماعونها

[حمود الحقي]

الله

الله

[حمود الحقي]

حنا رسينا مثل ضلــــعان الهدى *** كيــــف الوعول تهزنا بقــــرونها

ملعام يابو زيد ماتلــــقى الغدى *** والــيوم صحبتنا ماضــن تخونها

[ابو زيد الهلالي]

ياسلام ياسلام

[ابو زيد الهلالي]

ماكل غلطة بعدها كلمة فدى= اليا صملنا الكايدة ياهونها
الفضل للي مال مداته مدى= حاسب ظميرك والامانه صونها

[حمود الحقي]

قبـــلك رجــالٍ يوم شوقها الندى*** ترهي على الهقوه وتقصر دونها

اجــل تحمّــد لاتحــــدوا وتحدى *** ومــن لـد في بقعى كلته سنونها

[ابو زيد الهلالي]

وانته بعد قبلك مشايخ وعقدى=يمكن يصير الصبح شونك شونها
ماعندنا حتى لو انروح شهدى= وانفوسنا والله مانرضى هونها

[حمود الحقي]

طيب

طيب

[حمود الحقي]

انا ماهمي من غدى وامن اهتدى *** كلمه قديمه والعـــرب يطــرونها

انــته علـومك ماتعـــدى المنتدى *** واهل الشــهاده ليـتهم يلـقونها

[ذيب المجامعه]

بيض الله وجيهكم بيوتكم نقوه ومعناكم سامي موفقين خير

[حمود الحقي]

ارحب ياذيب المجامعه..

وينك من اول الليل نشوف اسمك ولاعيناك..

[ابو زيد الهلالي]

امكابرك ضدك لياصرنا ضددى= تفقد علومك وغير لونها
إذا ذهب مجهودنا معكم سدى= علومنا بتبين وتشوفونها

[ابو زيد الهلالي]

ارحب ياذيب بين الذيابه وخلك في صفي اربك تنشطني

[ذيب المجامعه]

الله يبقيك يابوزيد وانا في صفك وصف حمود كلبوكم شعار وكفو الطيب

[حمود الحقي]

يالربع لجل المصلحه يداً يدى *** والصبر عقبه عاقبه ترضونها

لاوالله الا ياجـــماعتنــا بـــدى *** الروس ماتثبـــت بدون متونها

[خالد الشماسي]

ما شاء الله تبارك الله

ابدااااااااااااااااااااااااااع

ابو زيد الهلالي

حمود الحقي


تسجيل اعجاب ومتابعه

[حمود الحقي]

ارحب مليون يابو عمر


شهاده نعتز فيها من رجل نعتز فيه

[البحيح]

ابداع متميز من الشعار وبيض الله وجيهكم على الطاروق

[حمود الحقي]

ارحب يالبحيح

معليك زود طال عمرك

[البحيح]

ارحب يالبحيح

معليك زود طال عمرك

الله يبقيك ويطول عمرك

وانت من ربع يرفعون الراس في كل موقف

[ابو زيد الهلالي]

قد قالو اهل العرف يمشي من عدى=حقيقةٍ كل العرب ياعونها
اقديت فيما قلت يازين القدى= ياليت كل وعودكم توفونها

[حمود الحقي]

الله يبقيك ويطول عمرك

وانت من ربع يرفعون الراس في كل موقف

جعلك تسلم على كل حال.

حنا عينين في راس وكل منا مكمل لآخر..

[ابو زيد الهلالي]

ارحب ياخالد وصح بدنك ومتابعتك شرف

[ابو زيد الهلالي]

ارحب ملايين يالبحيح وشرفتنا بتواجدك ومتابعتك

[حمود الحقي]

الله يغصبك بالصلاح وبالهدى *** حنا نسوي وانتــم تحـوسونها

ماعاد بعد الليل ليلن سرمدى *** جتـك المنيه ماسحه طبلــونها

[البحيح]

ارحب ملايين يالبحيح وشرفتنا بتواجدك ومتابعتك

شرفك الله ورفع قدرك

طاروق متعوب عليه بدون مجامله

[ابو زيد الهلالي]

صح لسانك وبيض الله وجهك ياحمود
والله انك خصم عنيد وانك ماتنتقاشر
الربع غيروا وبدوا طاروق جديد بنروح نتابعهم هناك
نلتقي على خير والجميع بخير

[ذيب المجامعه]

بعد اذنكم بنغير

[حمود الحقي]

صح بدنك يابو زيد ووجهك ابيض

ماعليك زود طال عمرك والله يكفينا شر ذالليل

الحقيقه ابدعت كعادتك يابو زيد..

والله لايهين الاخوان على المتابعه اللتي شوقتنا وشرفتنا...


تصبحون على خير

[ابن جمل]

ما شا الله تبارك الله
الحقيقه طاروق عن الف طاروق
اسجل اعجابي
وارجو المعذره لكوني كنت لا استطيع التفاعل بسبب عطل في لوحة المفاتيح