يالهلالي بعد وصلك علمنا ويش انت قايل

[حمود الحقي]

مسا الخير..

يالهلالي بعد وصلك علمنا ويش انت قايل *** الكسل ماهوب لايق من طرفك ومن طرفنا

ويش عذرك ياجملنا يوم صار الحمل مايل *** وانت تــدري لاوقفا وش نسـوي لاوقــفنا

[ابو زيد الهلالي]

مساء النور

قد مشينا الدرب قدامك من عصور الاوايل= وانت يالحقي ماشفتك لين في الدرب انتصفنا
كان تبغى العلم شيل الحمل فظهور الأصايل= بالعزيمة والصبر والمعرفة ناصل هدفنا

[حمود الحقي]

الله وكبر عليك

[حمود الحقي]

مانقول قصـور فيكم وانتم اصحاب الجمايل *** وان نطـــقنا بالحقـــيقه لاتقـولون اختلفنا

الهدف معروف مير المشكله وين الوسايل *** وكــلـو خيرت خلــفكم وازهـلوها ياسلـفنا

[ابو زيد الهلالي]

ماعليكم زود نخبركم سواة جبال حايل= وفي طريق المعرفة للحين نمشي ماوقفنا
كيف أوكل طرقيٍٍ له دار وربوع وسلايل= ولو يعود يم دارة ثم نزوره ماعرفنا

[حمود الحقي]

يازبون المعرفه خل الحكي نبغى فعايل *** جاتكم وجهة نظرنا بعد ماحفنا وشفنا

الثقه عملة مداغيش الوفا والشك زايل *** لاتعذر يالهلالي بالطراقي وتحذفنا

[ابو زيد الهلالي]

ياسلام عليك

[ابو زيد الهلالي]

لاصملنا ماصملتوا رحتوا شعوب وقبايل=جاتكم وجهة نظرنا بعد ماحفنا وعفنا
الثقة ماهيب في ناسٍٍ يضيعون القوايل= الثقة للي ثقتكم فيه لو يفنا ماتفنا

[ابو زيد الهلالي]

تصبح على خير يابو قاسي الوقت متأخر جداً

صح لسانك ولاجديد انت كما عهدناك

وإلى القاء في وقت آخر

[حمود الحقي]

ابو زيد.

بيض الله وجهك.

الحقيقه طاروق يقعد الراس.


كان تبغى العلم شيل الحمل فظهور الأصايل *** بالعزيمة والصبر والمعرفة ناصـل هدفنـا


والله لو انه ماجاء فيه الا هذا البيت كان يكفي....



تصبح على خير...

[ابو زيد الهلالي]

حمود الحقي

وجهك ابيض

وشهادتك تاج على الراس وجعلني مااعدمك

[ابن جمل]

بيض الله وجيهكم ليين ترضون
الحقيقه طاروق غايه فا الجمال ليتني حظرته
يسعدنا تواجدكم

[حمود الحقي]

بيض الله وجيهكم ليين ترضون
الحقيقه طاروق غايه فا الجمال ليتني حظرته
يسعدنا تواجدكم


وجهك ابيض يابن جمل..

هذا من ذوقك طال عمرك وحظورك شرف..