اقلط يابو قاسي

[ابو زيد الهلالي]

الله يمسي الجميع بالخير


بدا حرب المعاني والمعاني حربها لاقام= ضحايها كثيرة والضحايا كيف نحصيها
احد حمود يم السلعة اللي مالها سوام=وهو ماسامها والظاهر ان ماله نظر فيها

[حمود الحقي]

مرحبابك يابو زيد والله يمسي الجميع بالخير...

بدا حرب المعاني يالهلالي والوعد قــدام *** على مايسر الله شد حيلك وانت راعيها

تبا تلقى زبون لسلعتك يالفارس المقدام *** لاكن حمود شاف وعافها ماهو بشاريها

[ابو زيد الهلالي]

الا ياحمود راسك في انتظاره مشنقة صدام= وساهر يكشف اللوحات لونك تغطيها
ماتلقى مثلها لو دجت فأسواق اليمن والشام= لاكن شوري عليك ان طعت شوري لاتخليها

[حمود الحقي]

ليا حل القضـــا راســــك تراه احق بالاعــــدام *** وهــــالحينه على كيفـــك تخربها تســــويها

وانا لو لي نظر محداً سبقني من زمان العام *** لاكن المشكله فيها بـــلا والجـــوع طـــاويها

[خالد الشماسي]

ما شاء الله ابداااااااع

الهلالي + حمود

انتم قمة الشعر في شبكة سبيع

من غير قصور في الباقين

[حمود الحقي]

ما شاء الله ابداااااااع

الهلالي + حمود

انتم قمة الشعر في شبكة سبيع

من غير قصور في الباقين

مرحبا ومسهلا يابو عمر

ماعليك زود طال عمرك

وشهاده نعتز فيها كلنا