اسمع يالهلالي

[حمود الحقي]

في مقر الشعر والابداع وتراث القبيله *** مرحبا واللي على قلبي يسولف به لساني

ليلتاً تجمع مداغيش المعرفه خير ليله *** والسوالف تستوي بين الزلامي والسناني

[ابو زيد الهلالي]

في مقر اهل الوفاء والطيب عشاق الجزيلة= البقاء وانته نعرفك زين ماانت بقلباني
الله انه يحقق الاحلام والطرقة طويلة = تاصل العراف لا سلمت من صدوف الزماني

[حمود الحقي]

ماعليكم زود وانته شـاعرً مافيك حيله *** بــس مشـــكلتــك ليا منــا مزحنــا ماتـداني

انت صادق مير يابو زيد للغايه وسيله*** وانت في وقتاً يبي غير المواهب شي ثاني

[ذيب المجامعه]

"]السلام عليكم ورحمه الله وبركاته وصبحتو ا بالخير والله الله واصلو وسجلوني متابع [/

[حمود الحقي]

صبحت بالنور ياذيب المجامعه

ومرحبابك

[ذيب المجامعه]

ماعليكم زود وانته شـاعرً مافيك حيله *** بــس مشـــكلتــك ليا منــا مزحنــا ماتـداني

انت صادق مير يابو زيد للغايه وسيله*** وانت في وقتاً يبي غير المواهب شي ثاني

الله الله عليك خطيير يالحقي

[حمود الحقي]

هههههههههههه

اللي في المدرج يتفرج

[ابو زيد الهلالي]

انت طيب بس انا مشكلتي مزوحي ثقيلة= اتحاشا المزح يالحقي معك وانت تحداني
اكرب حزامك ترى مافيه حاجه مستحيلة= وأسس البنيان يارجال وتقوم المباني

[ابو زيد الهلالي]

عليك السلام ورحمة الله

ارحب ارحب ياذيب المجامعة

[ذيب المجامعه]

تبقااا يالمرحب الحقيقه الشمس مايحجبها شي وانت وحمود من افضل شعار المنتدى

[ابو زيد الهلالي]

ماعليك زود شاعر ويشدهلك ماشاهدناه لك من لمسات جميله في هذا المنتدى

[حمود الحقي]

والله اني خــابرك ياصاحبي رجل ٍ دليله *** مير ياليتك تطـيع الشـور ماعاد تعــصاني

محزمي مايرتخي لوكان رحلـتنا طويله ***محتزم صبر وعزم وابغا بعد فزعت خواني

[ابو زيد الهلالي]

انت رجالٍ تعرف العلم وأشكالك قليله= لاتشدد سير امورك وخلك بهلواني
كان راع الطرقة اليا راح ماغلق صميلة= مايبي فزعت فلان ولايبي فزعة فلاني

[حمود الحقي]

سيّـر امورك على كيفك ونوخ للثقيله *** والله انـك مــاتمــشيها كــذا يالعــقرباني

مغتــنين ولانبيلك لافـزوع ولاجمـيله *** فزعة الله خير من فزعة محطمة الاماني

[ابو زيد الهلالي]

لاتشكك في الامور انا من اصحاب الفضيلة= ولاتغير مافرقنابك على خط المحاني
كان ماودك بفزعتنا معك كت المسيلة= يمكن انك تاصل اهدافك وازفلك التهاني

[حمود الحقي]

صح لسانك يابو زيد

وش اقول شاعر لا والله اكبر من شاعر

تصبح على خير والجايات اكثر انشا الله

[ابو زيد الهلالي]

ابو قاسي صح بدنك وصح لسانك وليلة شعرية رائعة
كل مرة العب معك استفيد منك الله يوفقك
اشكرك وأشكر ذيب المجامعة على متابعته وتشجيعة
وتصبحون ع خير

[حمود الحقي]

اخوي ذيب المجامعه

لاهنت على المتابعه والتشريف

وتصبح على خير وانتقابل على خير بآذن الله