تعال ياحمود ابن قاسي

[ابو زيد الهلالي]

تعال ياحمود ابن قاسي طويل الذراع=ولاجاك مني كلامٍٍ في الصميم اسمعه
وش جلسك في قطاعٍٍ غيره مية قطاع= بعض القطاعات خله مامنه منفعه

[حمود الحقي]

اهـرج وانا دوري الانصات والاستماع *** وحـــمود يقنــعك يابـو زيد ماتقـنعه

اكــيد واجد واعرف الامن غير الدفاع *** واليا تهيا طريق الخير نمشي معه

[خالد الشماسي]

صح لساااااااااانك يا ابو زيد

وصح لسانك يا حمود


وانا بصف حمود الليله

[حمود الحقي]

مرحبا والله ومسهلا يابو عمر

اقول

دندن وغن دامك بصفي

اعتبر ابو زيد انتهى

[ابو زيد الهلالي]

مادمت منصت وانا أمري لآومرتك مطاع= فأنصت لأبو زيد لامنه ومرك وطعه
لاصار تعرف فجوج الله تعالى وساع= في الوقت وش قعدك والعالم مربعه

[ابو زيد الهلالي]

ارحب يابو عمر

لاكن مادامك مع حمود فالله ماهوب مخليني والنشاما واجد

والله يجيب النشاما اللي يشعللون الصفوف

[حمود الحقي]

امرك على بنت حوا خل عنك الشجاع *** تراك في رهــن يابو زيد راس اصبعه

الــوقت ضد السـفينه والهوا والشراع *** يعني بحر يصطفق و ضروف متجمعه

[ابو زيد الهلالي]

الله الله الله

[ابو زيد الهلالي]

الطيب اليا ومرته يبذل المستطاع= واليا خدمني بخدمه خدمته ترفعه
والله ما أرضى عليك البهذله والصداع= وركوعٍٍ لغير رب البيت لاتركعه

[خالد الشماسي]

امرك على بنت حوا خل عنك الشجاع *** تراك في رهــن يابو زيد راس اصبعه

الــوقت ضد السـفينه والهوا والشراع *** يعني بحر يصطفق و ضروف متجمعه


يا سلام عليك يا بطل

عليك ببو زيد الهلالي

خله يجلى ورى ربعه اللي راحو يم تونس

[حمود الحقي]

قد قلــت مالك ومال التهـلكه والضياع *** مير انت لضيق شفق وضايقتك السعه

لـو انك صادق بعلمك مـاذخرت الفزاع *** فـــزعة حـــميه تــزيد حمود وتشـجعه

[خالد الشماسي]

قد قلــت مالك ومال التهـلكه والضياع *** مير انت لضيق شفق وضايقتك السعه

لـو انك صادق بعلمك مـاذخرت الفزاع *** فـــزعة حـــميه تــزيد حمود وتشـجعه

كلنا نشجعك يا حمود

[حمود الحقي]

بيض الله وجيهكم يابو عمر

[حمود الحقي]

ابو عمر

والله مدري عن الهلالي الليله متحزم له بحزامين واضن الله بينصره علينا على شان مامعه احد

مير الله يخارج منه

[ابو زيد الهلالي]

ياحمود ماودنا ندخل معك في صراع= تترك طريق السنع وتروح للمقطعه
لو أن ماني بحولك قد كلتك السباع= لاكن خلك سبع لاجيت في مسبعه

[حمود الحقي]

امصارعي صعب مير ارتح ولافيه داع *** ان المغــــفل يزايمنا على مــصرعه

ياســـبع هيبة حمــــانا ماعلـــيها نزاع *** كم سبع قدامنا ياسبع صف اربعه

[حمود الحقي]

صح لسان يابو زيد وتصبح على خير ومايحتاج كعادتك

ودنا نكمل مير الوقت متآخر وورانا صلاة جمعه

[حمود الحقي]

ابو عمر

بيض الله وجهك شرفتنا بتواجدك وتشجيعك

تصبح على خير

[خالد الشماسي]

ابو زيد الهلالي

حمود الحقي

شعراء كبار كعادتكم

[حمود الحقي]

اخوي ابو محمد
واخوي اعلامي سبيع

لاهنتم على المتابعه والتواجد وتصبحون على خير

[ابو زيد الهلالي]

صح بدنك يابو قاسي وشهادتي فيك مجروحه

والوقت ضيق وتصبح على خير

[ابو زيد الهلالي]

ابو عمر صح بدنك واشكرك على متابعتك

والشكر موصول لجميع من تابعنا