المساعد الشخصي الرقمي

مشاهدة النسخة كاملة : مرحبابك ياخو ميثا

حمود الحقي
22 - 02 - 2012, 02:20
ارحب تراحيب المطر ياخو ميثا والله يحييك بسم الجميع في محلك وبين ربعك واخوانك غالي
ومن قبيله غاليه علينا ووجودك يشرفنا ....


هلا يامرحبا واقلط على سلم الوفاء ياضيف *** نــرحب والــوفا ماضـاع بين سبيع وعـتيبه

يـاخو ميثا حظـورك في محلك زادنا تشريف *** وراع الطـيب يلـقى عـنـدنا طيباً على طـيبه
اخو ميثاء
22 - 02 - 2012, 02:31
المرحب باقي يابو قاسي ويشهد الله ماجيت المنتدى الا محبتن فيكم


يدوم الك البقا ياصافي النيه عدو الزيف= نقوله والوفا ماضاع بين الذيب وصحيبه
حضورا مع هل الطالات يالحقي سوات الكيف=ياقومن تكسبون الطيب لاشكه ولاريبه
حمود الحقي
22 - 02 - 2012, 02:43
الا ياصاحب السرحان جاز الك البحر والسيف *** ثــلاث سنيــن ضاعت بين تشــريقه وتغريبه

ماعــينت الذهـــيب اللي يطــرا فالبـلد ماشيف *** عساك تجيب علمه وانت علم الخير تحريبه
اخو ميثاء
22 - 02 - 2012, 02:52
الا ياصاحب الضرغام نرغبها ونوب نعيف=لكن دنيا البنادم في حبال الذنب توميبه
سمعت علوم وعلوم العرب تشبه الـ لون الطيف=لكن بكره نبشركم ومن بعده تهنيبه
أبو حاتم محمد
22 - 02 - 2012, 03:18
لا ني من اصحاب الشعر فعذرا ان التطفيف """"""كان على الشعر أوهله من دخلتي العجيبة
أرجوا من أبو قاسي تقييمي ولا يحيف""""""على شرط التزامي وإن سوى ضريبه

دخيل عليكم لكن أحب أن أشارك
حمود الحقي
22 - 02 - 2012, 03:18
رمابك ذنبك الصايب وحطك مع خلف وخليف *** وانا ماني بقايل في عيال الناس والخيبه

ياكـثر اللي سمعنا مير يامقشر بروق الصيف*** وحنا في زمانٍ شين مـــاتومن عـــواقيبه
اخو ميثاء
22 - 02 - 2012, 03:26
رمابي حظي الطيب والامر من الملك تكليف=مدامنا ذراه اللي على شعبه يذريبه
ما عينت البريد اللي رحل من يمكم للجنيف=ثلاث اشهور يالحقي ما ندري ويش سويبه
حمود الحقي
22 - 02 - 2012, 03:27
يابو حاتم ترا ماني بقايل ليش والا كيف *** دخلت ومرحبا واهلين والطيب نحييبه

مرحبابك يابو حاتم شرفتنا بتواجدك ومتابعتك والله يحييك,,,,
حمود الحقي
22 - 02 - 2012, 03:51
تقــوله والـــبلا لاشبت النـــيران وسـط الليف *** اخــو ميثا نخاف انه يكــب التــمر والعيبه

لاتنشد عنه دام الوظع مزري والزمان مخيف *** يالين الله يعـــجل بالنهار الــزين ويجــيبه
اخو ميثاء
22 - 02 - 2012, 03:59
عسى الله يستر الاحوال وان خربت ذراي السيف=اسله واحتزم فالموقف اللي عاوين ذيبه
تمشى فالحويه والعرب هدت بيوت حنيف=لكن صبرك على الايام والمكتوب تدريبه
اخو ميثاء
22 - 02 - 2012, 04:08
صح لسانك يابو قاسي ويشهد الله اني تشرفت باللعب معك


والليل سرى لكن الجايات اكثر ان شاء الله


تصبح على خير
حمود الحقي
22 - 02 - 2012, 04:13
صح بدنك ياخو ميثا والشرف لي وللمنتدى ..

ماقصرت ابدعة ولاهي غريبه عليك...

اكرر الترحيب والله يحييك في محلك..

واتمنى التواصل دائماً.....

تصبح على خير.
ابومحمد11
23 - 02 - 2012, 23:59
اخو ميثا
الحقي
عزالله ابدعتوا الله لايهينكم