تعال يالحقي

[ذيب المجامعه]

سلام الله على الحقي ولد قاسي رفيع الشان=زعيم المنتدى مافيه لا شكه ولا ريبه

اعزه واعرفه دايم يدور راحه الشيبان=عسا الله يحفظه ويثبته بالحق ويثيبه

[حمود الحقي]

هـلا يامرحبا يـاذيب والمـــيدان ياحمـيدان *** شهــــادة مثلــكم تاجً يشّـرف من يمــاريبه

هذا الواجب مدام انك تعرف البر والاحسان *** عسى ربي يغصبك بالصــلاح اللي تناديبه

[ذيب المجامعه]

شهدنالك شهاده حق نبغا الفعل والبرهان=تقدم وانت علم الخير والاحسان تحريبه

مادام البيت مبني والبنا ثابت على سيسان=وش الي يجبر العالم على هده وتخريبه

[حمود الحقي]

فــعولي ثابته ومـوثقه ماتقبل الجحدان *** وراك اتشك فالفعل الموثق وانت تدريبه

هدفنا معتبر قصد الخبير ايطور البنيان *** لاكن انته مصمم والمصمم وش نسويبه

[ذيب المجامعه]

نعرفك شاعر اًً فلته ولكن كان ياماكان=زمان فات قبل الذيب تاصلكم مكاتيبه

اكيد ان العور باشه ليا جا ديره العميان=لاكن الي تغنيبه يابو قاسي نغنيبه

[حمود الحقي]

لك الله ماعليكم زود فاللي قلت ياسرحان *** ولايــفرقك عـن سرحان ذاك الا مخـاليـبه

الاياذيب دور غيــرها والمـسلمين اخوان *** بعد ماجيت فالضلع المنيف اللي عوا ذيبه

[ذيب المجامعه]

شاعر متمكن يابو قاسي ولا فيك حيله ولكن الوقت متأخر ورانا دواااام والجايات اكثر من الرايحات
تشرفت باللعب معك

[حمود الحقي]

ماعليك زود ياذيب المجامعه والشرف لي طال عمرك..

فعلاً الوقت متآخر ماقصرت وتصبح على خير