نديم القوافي الدور عليك [الأرشيف] - منتديات سبيع الغلباء

خالد الشماسي

27 - 01 - 2005, 23:01

نادو لي حمود يعطينا هناديبه
وان كان يبغا ودب يازين تأديبه
والفاضي إليا فضاء يازين تسحيبه
ودي نجرب معك شد الحبل مره

سلام تسليمة وفاء تكبر مع الراي السديد = وشررواك يا حمود المعاني لا يبين سدها
نبغا انتونس بالشديد ولا نبي طريا الشديد= لكن جاك القاف يزحف والمعاني قدها

ابن بداح

27 - 01 - 2005, 23:08

طيب

طيب

أكيد راح نستمتع بمحاوره ساخنه

ابو عمر

ونديم القوافي

موفقين ونحنوا متابعين

تحياتي .

نديم القوافي

27 - 01 - 2005, 23:19

يامرحبا ونت يالقاضي تعرف القضاءة

لاوكان بعض العرب منهم يودى الصفاءة

هذاء الكلامي وكلٍ عارفن وجزاءة

وترا العرب تعرف الحلوة من المره

هلاً هلا باشاعر اللي ماتحرى للمديد = هاذ الكلام اللي يبرهن مزحها من جدها

مادام أبو زيد الهلالي قادها هل من مزيد=والمعرفة يابو عمر وش صاعها وش مدها

البحيح

27 - 01 - 2005, 23:21

يا سلام ياسلام واصلوا االليلة ابو عمر مصيوح في راسة بس ما قصرتوا ( ابو عمر وابن بداح)

اخوكم الفارس

smart

27 - 01 - 2005, 23:25

ياااسلااااام سلم على الشعر والشعاار

بدااااايه قووووويه وهجووووووم مبكر :017:

لاهنت يااا شااعرنا ومديرنا ابووعمر :|

وشااعرنا الفذ نديم القووافي

الصف جاااهز

اكيد محاااورة شعاار لهم حضوورهم الجميل

بأأأأأأأأأنتظاار الحماااس :| :|

لكم أجمل التحاااااااايااااااا

خالد الشماسي

27 - 01 - 2005, 23:39

الله وأكبر عسى قيفانك السالب
اللي يصلح لها في المخرطه قالب
نبغا أنتوس معك في مقدم القارب
ولا المودة ترى ما هيب منضره

ليامني بغيت ادرسك في الفقه و التجويد = تلزم في المعاني والبيوت الوضح جودها
وليا منك خذيت البندقيه فأحفظ التسديد = ترى ليلك طويل ومغنمك منها زهايدها

نديم القوافي

27 - 01 - 2005, 23:48

آليا سراء الليل كلٍ ٍ يا عميلي سراء

ما ودي أطلع ولا نزل مع ملاوي كراء

وآنا أدري الجمع أب قا فيتنا خبراء

والعارف لله سامع دبة الذرة

الله يا فعل ما يشاء والله يفعل ما يريد=والقافلة يأبوعمر أن كان تسمح هدها

أشيد في عرفك وغيري فأملا منهو يشيد =نبغاء السوالف بننا بالعرف يقدح زندها

smart

27 - 01 - 2005, 23:57

خالد الشماسي

28 - 01 - 2005, 00:05

يا ذيب أنا خابر انك شاعر ماكن
نبغا الذهب يرتهش ما نبغي الساكن
الشعر بين الرجال امزوح وإمزاكن
مشي السهل ما يساوي مشية الحره

إن كان تبغا غيرها عطنا من الجعبة جديد = ولازانت الطبخة على الحضار عندي مدها
كل السوالف يا حمود قدام من عصر القديد = وانت المخير جب لنا وإنا علينا عدها

البحيح

28 - 01 - 2005, 00:06

ترى ليلك طويل ومغنمك منها زهايدها
شجعتونا وحمستونا الله يونسكم في جميع اوقاتكم

الفارس

نديم القوافي

28 - 01 - 2005, 00:13

لالا تعجل ياوسع العرف خل بالك طويل

تراء البقاء لله ودنيا ومافيها يزيل

مهيب هيه ياعميلي لاتحط ولا تشيل

أبيض من الجوهرة ووضح من الدرة

يا معلم الأجيال نبغاء من معرفتك المفيد = والمعرفة يابو عمر لا ما وصلنا حدها

يأستاذ زدنا معرفة أن كان لك بنك أو رصيد = والمعرفة لاتستمع فلي يدور لدها

خالد الشماسي

28 - 01 - 2005, 00:36

نبا ننسق مع الجدول لكم وقفه
ميقافكم عندنا يسوى مية وقفه
عطنا ولو من تمركم يا ولد شقفه
وإن غبت عنا نبا نقتص بالجره

المنتدى للأهل الوفاء ماهوب في زيد وعبيد= وأنت العمود اللي ليا وخذت بسيفه ردها
شارك مع أهل الطيب وأنته خابرك منتب زهيد=و هذي معانينا مع الشعار لا ترتدها

شكرا لك على هذه المحاوره وتصبح على خير

صح لسااااانك ملايين يا شاعرنا الكبير وترانا بنحطك في الجدول :)

نديم القوافي

28 - 01 - 2005, 00:52

المشكلة يابو عمر لاجتك من عند المدير

ماقول أنا يابو عمر الى عسى فالمر خير

بس أعتبرها ماشيه ويقودهاسلك الحرير

ونا تعجب وسيع العرف وش غرة

مانيب أبيها بيننا ضد الحديد الاالحديد= نبغا السوالف بيننا دايم يذعذع ندها

ونا معك فطيبه في حر ولا في جليد= ويمناك لامديتها يابو عمر لي مدها

وصح السانك وصح بدنك وشكراً للخوان جميع

ويكون خير ان شالله أن كنت موجود

ولا عليك زود والله يبيض وجهك

تقبل فاااااااائق تحياتي

خالد الشماسي

28 - 01 - 2005, 01:09

بيض الله وجهك

ولي الشرف اني جاريتك يا ابو مشعي في هالطاروق

تقبل تحياتي

عيسى السبيعي

28 - 01 - 2005, 01:58

الله الله ابو عمر الليله ماشاءالله عليه

الله يعطيكم العافيه وصحت السنتكم ياشعارنا

والعذر والسموحه على التاخير كنت اسوي للجهاز فورمات ولا خلص الا الساعه 12

تحياتي

نديم القوافي

28 - 01 - 2005, 16:52

ووجهك أبيض

أخوي أبو عمر

والله يعطيك العافية

وتقبل فائق تحياتي

نديم القوافي

28 - 01 - 2005, 16:58

الأخوان

أبن بداح

الفارس

سمارت

الواسطه

الله يعطيكم العافية

على تواجدكم وتعليقكم

الجزل والرائع

تقبلو فائق تحياتي وحترامي

مشعاب

30 - 01 - 2005, 02:22

ما شاء الله عليكم

خلاص يا بحر شد على الشعار خلهم يطلعون لنا شعر

صحة السنتكم يا شعارنا
ابو عمر × نديم القوافي