نادوا الحقي

[اخو ميثاء]

سلام الله سلامن فيه لسبيع الثناء مردود=سلامن ينسكب مثل المطر لاماع ربانه
توكلنا على الله نادوا الحقي سمي الجود=بعد مازان بدع القاف والمعنى على شانه

[حمود الحقي]

ارحب ياخو ميثا تراحيب المطر..

هلا يامرحبا بسما سبيع ومن لسان حمود=بخو ميثا وربعه من ضمير حمود والسانه
انا موجود ياضيفً حظرة ولاعليكم زود=تبيها جد والا يالعتيبي ضحك وميانه

[اخو ميثاء]

ثلاث سنين راحت يالسبيعي نبذل المجهود=وعينن تطلب الامجاد للامجاد سهرانه
تحزمنا نبا علم السعد ماودنا المنقود=نبا نلبس ثياب العز ونشيد ببنيانه

[حمود الحقي]

دروب المرجله حرب وتعب ماهي سهود مهود=وانا اشوف العضياني ترك شلفاه وحصانه
الا ياذيب ياسرحان لاتنسى الليالي السود=ترا قافيك وقتاً تستوي شاته وسرحانه

[اخو ميثاء]

دروب المرجله حنا لها لاهب لفح النود=وعقب واحدن يرجع وهو ماخضب سنانه
لاجبت السيف ابو حدين هاكلحين يامحمود=تركت اللي يجمع فالهلل ويديه مليانه

[حمود الحقي]

عسى ربي يعينك وانت وارد والرجال ورود=واكيد كبود ترجع راويه وكبود ظميانه
تقوله وانت تركض للهلل تحسبك جايب فود=بعد حظك رمابك في بلد رابغ وجهنانه

[اخو ميثاء]

لادار الوقت يالحقي وحك العود راس العود=تعرفن العتيبي ثابتن قوله ببرهانه
تركت اللقمه اللي فوقها جاء للذباب وفود=ونفسي عن بعض الاشياء عيوفيه وقنعانه

[حمود الحقي]

اعرفك زين ماتقدر تعدى حدك المحدود=عتيبين تدربيلك علومن مالها خانه
عسى ربي يعوضك جنته في يومه الماعود=تراه اللي يجود ويعلم النيات سبحانه

[اخو ميثاء]

صح لسانك يابوقاسي وتشرفت باللعب معك ويعلم الله اني استفيد من اللعب معك

ولنا لقاء اخر ان شاء الله


تحياتي

[حمود الحقي]

صح بدنك ياخو ميثاء مبدع دائماً ....

الشرف لي طال عمرك .. والله يحييك في محلك..

تحياتي

[ابن جمل]

طاروق رايع
يستحق نرجع له للستفاده من بعض ما تخلله من الابيات الابداعيه نشكر الشعراء الذي اصاغو هذا الطاروق
وشكر موصول لشاعرنا الغالي حمود الحقي الذي لا يتوانا دايمااااا بثراء قسم القلطه بحظور شعراء يستحقون التقدير
ويمتعون المتابع المتذوق وكا العاده المبدع يجذب الابداع والمبدعين
للجميع فايق تحياتي

[حمود الحقي]

طاروق رايع
يستحق نرجع له للستفاده من بعض ما تخلله من الابيات الابداعيه نشكر الشعراء الذي اصاغو هذا الطاروق
وشكر موصول لشاعرنا الغالي حمود الحقي الذي لا يتوانا دايمااااا بثراء قسم القلطه بحظور شعراء يستحقون التقدير
ويمتعون المتابع المتذوق وكا العاده المبدع يجذب الابداع والمبدعين
للجميع فايق تحياتي

مرحبا ومسهلا يابن جمل..

انت الرائع وانت المبدع ولاشكر على واجب..

اشكرك على مرورك وتعليقك ..

تحياتي

[اخو ميثاء]

طاروق رايع
يستحق نرجع له للستفاده من بعض ما تخلله من الابيات الابداعيه نشكر الشعراء الذي اصاغو هذا الطاروق
وشكر موصول لشاعرنا الغالي حمود الحقي الذي لا يتوانا دايمااااا بثراء قسم القلطه بحظور شعراء يستحقون التقدير
ويمتعون المتابع المتذوق وكا العاده المبدع يجذب الابداع والمبدعين
للجميع فايق تحياتي

ابن جمل هلا ومرحبا

نورت المتصفح

والرائع هو حضورك ومتابعك لما نقد وشهادتك وسام طال عمرك

تحياتي