اسمع ياخو ميثاء

[حمود الحقي]

ياخو ميثاء نبي قاف تصفيت الحسابات=تعال ولا على الرجل لا صفى حسابه
نويت انقض حبال الزمان وكل مافات=بعد ماصار في روق ميله وانقلابه

[اخو ميثاء]

مرحبا يابوقاسي

يابن قاسي سلامات وش صابك سلامات=ترى خالد مسوي على مثلك رقابه
تقدم هات حجتك يارجال باثبات=اخافنك تراجع ليا ثار المجابه

[حمود الحقي]

ابن عمي ولا يلحق ابن العم شكات=علامك بين الاخوان تسعى في حرابه
الا ياضيف للضيف واجب واعتبارات=لاكن وش واجب الضيف في ضيافة عتابه

[اخو ميثاء]

وسبع انعام وانته كفو لكن نوبات=وبيت العز والله ما اسعى في خرابه
يابن قاسي تعرف العرب دايم مقامات=وضيف عتيبه يعيش محفوظن جنابه

[حمود الحقي]

لابالله انت يابو عوض مافيك حيلات=لاجات لنعم مافيه مثلك في شبابه
اكيد ولاينقص مقامات البشاوات=ياكود اللي يقول المثل مضروب بابه

[اخو ميثاء]

مادام الطيب له في رضى وجهك علامات=لواني قلت والنعم مافيها غرابه
تقوله وانت يمناك كم راحت وكم جات=جحدها صاحبي عقب شلنا في زهابه

[حمود الحقي]

انا خابرك زيزوم سبع المستحيلات=على كل المناهيج فعضامك صلابه
ترا للخبل مده وللشيخان مدات=وكلٍ مدّ يمناه من شياً ضرابه

[اخو ميثاء]

وانا خابرك وافي مركبلك شنبات=ومثلك مايخيب هقاوي من هقابه
انا ماكنت احسبنك اتحب التشمات=لوان ايجك همال من وبل السحابه

[اخو ميثاء]

صح لسانك يابوقاسي

والليل سرى وبكره ورانا دوامات

والجايات اكثر

وانت

شاعر علم ومافيك حيله

ومثلك استفيد من اللعب معه

وتصبح على خير

[حمود الحقي]

صح بدنك ياخو ميثاء
وبيض الله وجهك طاروق يجيب العافيه..


الا ياضيف للضيف واجـب واعتبـارات=لاكن وش واجب الضيف في ضيافة عتابه


يابن قاسي تعرف العرب دايم مقامات=وضيف عتيبه يعيش محفوظن جنابه

والله انه من اقوى النقض اللي مر علي ...
لاكن الله يحييك ويعطيك العافيه..
تصبح على خير..