الجو في عينه قليل المساحه

[ابن جمل]

سلام يرقا فا الطويلات ويحوم = والجو في عينه قليل المساحه
والله ما يبقى على طول ويدوم = الا المعزه فوق سا س الصراحه

[حمود الحقي]

يامرحبا ترحيب ينقاد ويعوم=والبحر في عينه بسيط السباحه
لاشك مير الوقت ضيّق ومحكوم=اجرح وعالج ياطبيب الجراحه

[ابن جمل]

يا حمود كم يقبل ويقفى من انجوم= وانته وانا نمشي مع ارضاااا براحه
وين الرجال اللي صبورين وقروم= اهل النقا والمرجله والسماحه

[حمود الحقي]

انته تنشّد كن في صدرك علوم=والكل منى في يمينه سلاحه
حنا معك حدد لنا الليل واليوم=انصبح الشاوي ونقرش مراحه

[ابن جمل]

انا اتنشد والبلد حوله ارسوم = تثبت على ( مر) الزمان وقراحه
كانك من اللي عندهم جهد وعزوم = اللي لهم خطوه ونظرة رجاحه

[حمود الحقي]

والله ما اطيع الوقت واطيح واقوم=دام ان طبع الوقت مافيه راحه
يابن جمل صاحبك للصعب زيزوم=عقّب ضعيفاً حك راحه براحه

[ابن جمل]

انا ادري انك سيف ما ناشه اثلوم= مير البلا من مدعين النصاحه
وانا على خوة هل الطيب ملزوم = يلقى بها قلبي ليا ضقت ساحه

[حمود الحقي]

انكان ودك تعتلي كل مزموم=اتبع نصايح صاحبك واقتراحه
والله وسبع انعام ياترثة القوم=مافيه طيباً ماخذيتو وشاحه

[ابن جمل]

خلاص


ووووو تصبح على خير

[حمود الحقي]

وانت من اهل الخير