تعال يا حمود بنسولف معك ساعتين

[خالد الشماسي]

تعال يا حمود بنسولف معك ساعتين = ندرس بعلم الفلك ولا بعلم الحساب
انته معلم ولك في المنتدى بصمتين = ولك مقدرية وتقرأ زين خط الكتاب

[حمود الحقي]

حياك الله يابو عمر..
والمعذره تو مادخلت المنتدى..


عزالله اني حريص لدعوت الطيبين=سولف ياخالد وانا افضل سؤال وجواب
يابو عمر ماعليكم زود فالحالتين=والطيب ماهو غريبٍ من عزيز الجناب

[خالد الشماسي]

ما غاب من جاء وحنا تونا مبتدين = واحفظ ترى الشاره العليا بروس الهضاب
الشايب اللي على عصاه ماله عوين = ريس على المنتدى لكن مركاه غاب


هلا بك يا ابو قاسي

[حمود الحقي]

شارتك يالذيب شرهتها على المارتين=وانكانها فشلتني جعلها بالذهاب
الله يساعد على الايام والله يعين=لاكن وش خانت الشايب بليا شباب

[خالد الشماسي]

شايبك حط المعمه فوق راس وثين =ما يمشي الا بلكز وضربتين صواب
وحط اخطبوط البحر سايس وله راتبين =واسطبل خيل البدو صكه بسوط العذاب

[حمود الحقي]

من يقنع الشايب الاصوك طويل اليمين=ليته يحاسب ضميره قبل يوم الحساب
اهروجكم فالسعه وافعولكم ماتبين=مير انتهض يالشماسي واحتزم لاتهاب

[خالد الشماسي]

لو تنشد اشاعة الدكتور ذات الرنين = بتقول خرف واخذ ماله لغيره زهاب
ما بعد صار التحام الجيش في القبلتين = لجل نقيم فعولك يوم قطع الرقاب

[حمود الحقي]

الله
الله

[ابو زيد الهلالي]

سلام عليكم

مساكم الله بالخير يالربع

صحت السنتكم واصلوا ومتابعين لكم

[خالد الشماسي]

اقتباس:
المشاركة الأصلية كتبت بواسطة ابو زيد الهلالي http://www.sobe3.com/vb/images/Sobe3-Style/buttons/viewpost.gif (http://www.sobe3.com/vb/showthread.php?p=315481#post315481)
سلام عليكم

مساكم الله بالخير يالربع

صحت السنتكم واصلوا ومتابعين لكم



يا مرحبا يا ابوزيد الهلالي

صح بدنك ومتابعتك شرف

[حمود الحقي]

ليه انشده والحقيقه شفتها شوف عين=والعايب اللي رضى بالعايبه ماآستعاب
الصبر غلق وحنا كلنا صابرين=وان لم تكن ذيب ياخالد كلتك الذياب

[ابو زيد الهلالي]

ياسلآآآم ياحمود

[حمود الحقي]

سلام عليكم

مساكم الله بالخير يالربع

صحت السنتكم واصلوا ومتابعين لكم


ارحب يابو زيد تراحيب المطر..

صح بدنك ياكحيلان..

(( من طول الغيبات جاب الغنايم ))

[خالد الشماسي]

ما اخفيك انا في الزمن هذا تراني حزين = وراسي من الي وصلنا له من الحزن شاب
حنا نتحرى البشاير والكلام السمين = واليا دعاء الداعي ابشربي بيوم الحراب

[ابو زيد الهلالي]

الله يبقيك ويطول مهاليك

الغنايم مشاهد النشاما شرواكم

[حمود الحقي]

ابشر بيومً يجلي عنك حزن السنين=والا بيومً عبوس يشيب منه الغراب
يابوعمر موجز الموضوع في كلمتين =عسى الرعيه يابن عمي تكمل نصاب

[خالد الشماسي]

صح لسانك ودام لنا ابداعك

ختمتها بهذا الموجز لاهنت

وخلصت الساعتين وتصبح على خير

[حمود الحقي]

صح بدنك يابو عمر..

الحقيقه ساعتين عن سنتين الله يطول عمرك ويعافيك...

تصبح على خير

[ابو زيد الهلالي]

صحت السنتكم شعراء كبار ولافيكم حيله

تصبحون على خير

[حمود الحقي]

[CENTER]صحت السنتكم شعراء كبار ولافيكم حيله

تصبحون على خير

صح بدنك يابو زيد ولا عليك زود..

ولاهنت شرفتنا بحظورك ومتابعتك..

تصبح على خير

[الشماسي]

صحة السنتكم

تسلمووون

ابداع

[نديم القوافي]

بيض الله وجيهكم جميع

[حمود الحقي]

صحة السنتكم

تسلمووون

ابداع

صح بدنك اخوي الشماسي

لاهنت

[حمود الحقي]

بيض الله وجيهكم جميع

وجهك ابيض اخوي نديم القوافي

لاهنت