ياسبيع أهل الوفاء

[عناد المزيني]

هذه القصيده مهداه الى الاخ العزيز نواف بن عبد العزيز بن عبدالله الشماسي السبيعي اخ عزيز ومن قبيلة عزيزه....



اتصل بك ليه ما ترد اتصالي = رغم اني ما اتوقع منك صده
انت معرب من عمام ومن خوالي = وإن حصل مني خطأ لازم تعده
راكب اللي ما يوصّف بالخيالي = للوكيل مسلمه ميناء جده
واشتراه اللي يبي الطرق الطوالي = صنعتن للخط دايم مستعده
ماضي(ن) له بالبلد قطعة ليالي = لكزس (ن) بين المواتر مين قده
من القصيم يهم مشيه بالعجالي = مع طلوع الشمس من عندي ممده
والضحى بالعاصمة من طيب فالي = ماحصله مايعوق وما يلده
شوف برجين(ن) تجي عنك شمالي = والعروبه والوشم بسرع عده
ثم وجه للبديعه لا تبالي = لين تاصل بيت رجال(ن) نعده
بيت ابو نواف كريم السبالي = كان جاء بالوقت عسر وزود شده
يا سبيع اهل الوفاء واهل الكمالي = ضد صعبات الزمن لا شان خده
تلقى الترحيب وزحول الرجالي = طاب ساس اللي كسب من طيب جده
ولا شربت البن من صفر الدلالي = مد خطي من يديك وبوسط يده
سلمه نواف يا نعم المجالي = قله ان عناد قال الخط وده
ولو هو غيره كان ما يشكل ببالي = ان زعل ولارضى يا ويش نده
يا صلاتي عد همال الخيالي = وعد جزر(ن) بالبحر وعد مده
على رسول(ن) مرسله رب الجلالي = نصرة(ن) للدين والعاصي يضده

الشاعر/ عناد غزاي المزيني السالمي الحربي

[حمود الحقي]

صح لسانك يابو غزاي..
ماعليك زود والله يحييك في محلك..

[عناد المزيني]

صح بدنك والله لا يهينك اخوي حمود وشكراً عالمرور ..

[السيف]

صح الله اللسانك وجمل الله حالك

حياك الله يابو غزاي في منتداك وبين ربعك

[عناد المزيني]

صح الله اللسانك وجمل الله حالك
حياك الله يابو غزاي في منتداك وبين ربعك








صح بدنك يا السيف والنعم وشكرا على المرور