يانديم القوفي

[حمود الحقي]

صباح الخير


يانديم الــقوافي زان بدع القــوافي=والسوالف تجي وتروح منا ومنا
بين لفح السموم وبين جرد الفيافي=يتــعب اللي تمــنا مالقى ماتمـنا

[نديم القوافي]

صبا االنور والسرور

في حضورك يزين القاف والجو صا في :: لا صفا الجو راع العرف هدرس وغنا
ونت يا حمود قدلك مدتن ماتشافي :: بين هاذي وذيك الا زمنا زمنا

[حمود الحقي]

دام جوك صفا ليلك ضفا يالسنافي=هات مافالضمير ورد الاخبار عنا
الليالي عجاف وبيحن الخوافي=وانت ماتجهل الاحوال ليش اتعنا

[نديم القوافي]

بين لفح السموم وبين بحث الخوافي :: تتعب الي يبي يسن مالا يسنا
ماكذب من يقول ان فزمان اختلافي :: ونعايم ليا ذ لحبن مابيننا

[حمود الحقي]

الله
الله

[نديم القوافي]

يعطيك العافيه

[حمود الحقي]

جعل ربي على خلقه يديم العوافي=لاتبين النضوح للطامع يمتحنا
اكثر الناس صاحي جفن والقلب غافي=مير يالله من الاشرار تحمي وطنا

[نديم القوافي]

الله الله

[نديم القوافي]

الليالي تخوف ونا رجال اخافي :: والعجاف انتبه ياحمود لاياكلنا
كم شجاعن على قبره تذير السوافي :: وحمد الله كنن سود اليال امهلنا

[حمود الحقي]

صح لسانك ياكحيلان..

تشرفت باللعب معك واستفدت ..


تصبح على خير..

[ابن جمل]

كم شجاعن على قبره تذير السوافي :: وحمد الله كنن سود اليال امهلنا

ياصباح الخير والعشر مباركه يا نديم القوافي وينك يا رجل خلاص اختفيت ههههه
هلابك
وش فيك مارديت على المسج ياحمود يخوي سمعنا صوتك لو بفلوس كم تبي بس قل وهات رقم الحساب

[نديم القوافي]

صح بدنك وبيض الله وجهك ..
الوقت قصير وخيرها بغيرها والشرف لي طال عمرك

تصبح على خير

[نديم القوافي]

ارحب يابن جمل تراحيب المطر

وياصباح الرضا والعافيه

ابدن طل عمرك موجود بس ارتباطات شوي ولا انتو في القلب فبل البال ....

[حمود الحقي]

ارحب يابو ناصر تراحيب السيل..

والله انه على عيني وعلى راسي لكن تراني مالقيته الا بعد يوم..يعني راح وقته..

مير ابشر بالحق وابشر باللي يطيب خاطرك. واما بالنسبه للفلوس مانختلف انشا الله..