حمود الحقي
08 - 10 - 2012, 00:05
بسم الله الرحمن الرحيم
الا يالله يامثبت حزوم الارض بالاوتاد=تثبتناعلى النهج السلم بطبع وعباده
نجود بجودك وكلٍ بجودك يوم جدنا جاد=نباهي بالقصيد وغيرنا فالناس قصاده
بدينا والله يثبت خطانا والبيوت جداد=وحنا فاللزوم اللي يجملنا لنا عاده
ترا ليلٍ جمعنا يالنشاما ثالث الاعياد=على عز وعلى علمٍ يبيّض وجه رواده
عسى ربي يبيض وجه من ساهم وساد وفاد=لو انه ماتقدم طامعٍ في مدح وايشاده
هلا يامرحبا بآسم الجميع بدون ذكر اعداد=واخص ضيوفنا وشيوخنا والروس والساده
اقوله عن محافظنا واهالي موطن الاجداد=وطن من ساند معزي بمحداره ومسناده
يالين الجهل ولى واندثر والامن عم وساد=يعيش ابه السعودي رغم عدوانه وحساده
وهالحينه بعد عم الرخى تنعم به الاحفاد=عسى الله مايغير نعمته ويواخذ عباده
نوصي بعضنا واليا تواصينا ضفرنا زاد=خصوصاً فالامور اللي تطلّب حزم وايراده
نقوم الها جميع الداعيه والشيخ والقصاد=على قول العوارف كل واحد حسب ميراده
واذا الشاعر ماساهم في مجال النصح والارشاد=ينوخ سابقه بخطامها وينزل شداده
بدت بعض الضواهر والضواهر تهدم الامجاد=لكن الجاهل ينبة على عمياه وعناده
انا اشوف السلاح اصبح بسيط وشي سهل وعاد=ولايصحى الغشيم الا ليامن ثور زناده
على اتفه شي جاك امن الحماقه ماسح العداد=بلاله مسلمً واومى عليه ويتم اولاده
تضيق ابه الوسيعه وين يلقى فالبلاد بلاد=وقع وبليس مع باب الحماقه حصل مراده
هنا يدرك خطاه ويلعن الشيطان والاحقاد=قتل نفس ابن عمه والندم والوجد مافاده
وبعضهم يقلب افراحه عزى وقت الفرح وحداد=ذبح خوه وصحيح انه قدر مير السبب صاده
وانا ماجبت لي هرجً يقولونه بدون اسناد=يكم واحد نعرفه فالسجون يسحب قياده
واكيد النفس والشيطان تبغى فالحياه جهاد=لجل هذا يجب ننصح شباب الجيل ورشاده
رسول الله هدانا لطريق الواضح المنقاد=ولو سارت عليه الناس شفت الناس منقاده
فنا اوصي خواني قبل تبدي شرهت النقاد=تعاليم الشريعه مالها فالخلق نقاده
عسانا نستمد النهج من نهج الرسول الهاد=من الخلق ومن الحلم الوسيع وشربه وزاده
وانا من هالمكان اصدح بصوتً لج فالاطواد=لبو متعب مليك قلوب شعبة قايد القاده
ترانا للوطن درع وذرا وقت الوغى وعتاد=لنا بيعة ولا.. يشهد بها التاريخ وامجاده
متى مانبنا صوت الوطن مترامي الابعاد=تلاحمنا ولبينا المنادي شعب وقياده
حمود بن قاسي السبيعي
الا يالله يامثبت حزوم الارض بالاوتاد=تثبتناعلى النهج السلم بطبع وعباده
نجود بجودك وكلٍ بجودك يوم جدنا جاد=نباهي بالقصيد وغيرنا فالناس قصاده
بدينا والله يثبت خطانا والبيوت جداد=وحنا فاللزوم اللي يجملنا لنا عاده
ترا ليلٍ جمعنا يالنشاما ثالث الاعياد=على عز وعلى علمٍ يبيّض وجه رواده
عسى ربي يبيض وجه من ساهم وساد وفاد=لو انه ماتقدم طامعٍ في مدح وايشاده
هلا يامرحبا بآسم الجميع بدون ذكر اعداد=واخص ضيوفنا وشيوخنا والروس والساده
اقوله عن محافظنا واهالي موطن الاجداد=وطن من ساند معزي بمحداره ومسناده
يالين الجهل ولى واندثر والامن عم وساد=يعيش ابه السعودي رغم عدوانه وحساده
وهالحينه بعد عم الرخى تنعم به الاحفاد=عسى الله مايغير نعمته ويواخذ عباده
نوصي بعضنا واليا تواصينا ضفرنا زاد=خصوصاً فالامور اللي تطلّب حزم وايراده
نقوم الها جميع الداعيه والشيخ والقصاد=على قول العوارف كل واحد حسب ميراده
واذا الشاعر ماساهم في مجال النصح والارشاد=ينوخ سابقه بخطامها وينزل شداده
بدت بعض الضواهر والضواهر تهدم الامجاد=لكن الجاهل ينبة على عمياه وعناده
انا اشوف السلاح اصبح بسيط وشي سهل وعاد=ولايصحى الغشيم الا ليامن ثور زناده
على اتفه شي جاك امن الحماقه ماسح العداد=بلاله مسلمً واومى عليه ويتم اولاده
تضيق ابه الوسيعه وين يلقى فالبلاد بلاد=وقع وبليس مع باب الحماقه حصل مراده
هنا يدرك خطاه ويلعن الشيطان والاحقاد=قتل نفس ابن عمه والندم والوجد مافاده
وبعضهم يقلب افراحه عزى وقت الفرح وحداد=ذبح خوه وصحيح انه قدر مير السبب صاده
وانا ماجبت لي هرجً يقولونه بدون اسناد=يكم واحد نعرفه فالسجون يسحب قياده
واكيد النفس والشيطان تبغى فالحياه جهاد=لجل هذا يجب ننصح شباب الجيل ورشاده
رسول الله هدانا لطريق الواضح المنقاد=ولو سارت عليه الناس شفت الناس منقاده
فنا اوصي خواني قبل تبدي شرهت النقاد=تعاليم الشريعه مالها فالخلق نقاده
عسانا نستمد النهج من نهج الرسول الهاد=من الخلق ومن الحلم الوسيع وشربه وزاده
وانا من هالمكان اصدح بصوتً لج فالاطواد=لبو متعب مليك قلوب شعبة قايد القاده
ترانا للوطن درع وذرا وقت الوغى وعتاد=لنا بيعة ولا.. يشهد بها التاريخ وامجاده
متى مانبنا صوت الوطن مترامي الابعاد=تلاحمنا ولبينا المنادي شعب وقياده
حمود بن قاسي السبيعي