هزيمة سبيع الغلباء لحاكم قطر ( ابن ثاني )

[راعي الوضح]

هزيمة سبيع لحاكم قطر ( ابن ثاني ) ومعة قبايل ( المرة , بني هاجر ، ويام ، وقحطان )
وذبح اربع مية رجال من القبايل المذكورة غير القلايع ( صارت المعركة مع سبيع هل الوديان )
يقول شاعر سبيع ( قويفل بن ناصر )

يا البيض كان الغبن من ذبحة وريك *** أربع مية غير القلايع طرحنا
يوم المـرة و الـهواجر مدابيـك *** وياماً وقحطاناًُ وعبلي سنحنا
ياليت هـادي ما نعثر عقب تبريك *** أغواة شيطان العراد ونطحنا
خلي بتالي القوم يندب كما الديك *** ولامنهم اللي عنة يقمح دمحنا
من دونكن يا لابسات السماويك *** أمثوريناًُ بالثني في ملحنا
عشرين من يمنا حجاب مصـويك *** يقلع سمار القوم لين استرحنا
ياذيب عان محمد أجة ويعشيك *** سود الجنازع في مطاوي برحنا
أبن ثاني حول بهم لتهاليك *** ونا لهم دون العدامة نصحنا
لعيناك يا وريك فرق ونعطيك *** وياكثر ما زيزوم قوماً ذبحنا
أولاد على لمن عدو بالمشاويك *** أبشر لو أن الموت جمراً لفحنا
وسبيع ربعي محتمين المعاريك *** الي صلح ولد الردى ما صلحنا

[محمد بن سلطان]

لا هنت على القصه يا بن العم .. بس ممكن تعطينا قصة المعركه كامله ..


اخوك
محمد بن سلطان

[عيسى السبيعي]

الأخ راعي الوضح

مشكور على النقل ولكن يلزمك

تدوين القصه كامله من اجل التوثيق

تحياتي

[قطري]

الأخ راعي الوضح مشكور على النقل وانا اول مرة اسمع بالقصة ممكن التوضيح اكثر ونشر القصه .. تحياتي ..

[محمد بن سلطان]

والله شوقتنا لمعرفة القصه يا راعي الوضح :-)

[ابن مشعب]

مشكور ياراعي الوضح ونتمنى ذكر القصة واين وقعت هل هي بقطر ام بديار سبيع ؟؟

نحن بانتظارك

[راعي الوضح]

بسم الله الحمن الرحيم
محمد بن سلطان
الواسطة
قطري
ابن مشعب
مساكم الله بالخير الي اعرفة من القصة وعلى ماسمعت ان حاكم قطر غزى على سبيع ومعة بني هاجر و المرة
وعندما وصل الي ديار سبيع فزعو قحطان لبني هاجر بحكم القرابة وفزعو يام للمرة بحكم القرابة وعلى ماسمعت ان حاكم قطر هو الي غازي يعني المعركة في ديار سبيع
ونا يا خوان مثلكم ودي اعرف القصة كاملة لاني سمعتها باشكل هذا بدون لا زود ولا نقص مني
وسمحو لي على عدم ذكر تفاصيل أكثر لاني ماحب اكتب شي من راسي بدون مرجع
وتقبلو تحياتي يابني عمي
ياقطري كانك من قطر ترانا ربعك اقرب لك وهذى فعل ابوك وجدك

[مبارك]

السلام عليكم

اخي الكريم

بما انك ذكرت القصيده عليك بذكر القصه

والاهم ذكر وقت الوقعه"تاريخ"

نحن بانتظار الادله لان هذا موضوع حساس ولا يقبل النقل

وفقك الله

[راعي الوضح]

أخوي مبارك
أدلة المعارك قصايدها والقصيدة موجودة وهي الأهم
لا كن التاريخ و المكان لا أعرفها لاني سمعتها بهذا الشكل ونقلتها لربعي
ولى يعرف منكم يزودنا مشكور

و يعطيك العافية

[مبارك]

السلام عليكم

بارك الله فيك

وانا بانتظار من يمدنا بالمعلومات الكافيه

لاهميه الموضوع

وفق الله الجميع

[راعي الوضح]

ومن يقول
و مشكور على المداخلة
ون لقيت معلومات عن سبب المعركة ومتى صارت
الله لا يهينك
للمعلومية المعركة صارت مع الزكور من سبيع

[مبارك]

السلام عليكم

عرضت الابيات على احد وجهاء القبيله

وكان رده

"بتمحيص ألأبيات أعتقد أن القصة مفبركة"

وانا كذلك لان لايوجد اي ذكر لها عند ال ثاني

ولا عند سبيع

فمان الله

[راعي الوضح]

اخوي مبارك مساك الله بالخير
الله العالم انك من سبعة عنزة منت من قبيلة سبيع
تحياتي
يالقطري

[مبارك]

مرحبا اخوي راعي الوضوح

ماشاء الله عليك

ولكن اخطيت

لاني ليس من عنزه

انا عبد لله ومن ثم سبيعي

شدني الموضوع لان صاحبي من ال ثاني ومن شيوخ قطر

وحبيت اتحقق من الموضوع

وحقك علينا

على العموم بارك الله فيك والله يسدد خطاك

[راعي الوضح]

حياك الله يا مبارك
اسلوبك هو الي خلاني اكتب الي قريت
انا سمعت القصة والقصيدة ونقلتها لكم
واذا كانك تبي تسئل ابن ثاني اكيد يبي ينكر قليل من الناس يبي يذكر الحقيقة خاصة اذا كانت تسئ لة مثل هذى الهزيمة
الي اربع قبائل مع حاكم
وتهزمهم بعض فخوذ قبيلة سبيع

[مبارك]

بيض الله وجهك ونعم في ربعنا سبيع

وهم والنعم با ال ثاني

فمان الله

[محمد بن سلطان]

راعي الوضح قال :
" انا سمعت القصة والقصيدة ونقلتها لكم
واذا كانك تبي تسئل ابن ثاني اكيد يبي ينكر قليل من الناس يبي يذكر الحقيقة خاصة اذا كانت تسئ لة مثل هذى الهزيمة
الي اربع قبائل مع حاكم
وتهزمهم بعض فخوذ قبيلة سبيع "

صح لسانك اخوي راعي الوضح ..

ولا هنت يالقرم وانا معك في اللي قلته .. كثير من الناس لا يتعرف بالحقيقه ..

القبائل في الهيّات والمعارك تَهزم وتُهزَم ..

والنعم بالجميع ..

اخوكم
محمد بن سلطان الثوري

[ناصر المديري]

والله والنعم في سبيـع سقــم المعـــادي‘’ صعــــــــوط المجــــــانيــن’‘

وهذي بعد نفيلة تميزنـا بهـا عن بــاقي القبــيل ((هزيـمــة أربع قبــايل بالأضافة الى أمير دولة ))

كفو والله يا ربعــي كســابة الطـيــب ومــاهي غريبـ علينا

[سعود الصندلي]

اخوي راعي الوضح
بيض الله وجهك على نقل الموضوع والقصيده
وسبيع لها تاريخ ومجد من عصور زلت
والى الان
مع اجمل التحايى
أخوك/سعود محمد السبيعي

[مجنون سبيع]

مشكور اخوي بس ممكن تقول وش القصه

[محمد بن سلطان]

اخواني آل ثاني والنعم فيهم ومانبي نغلط على احد يا بني عمي ..

وبعدين مايصير نقول ان قبيلة قحطان كلها ومعها بني هاجر وقبيلة يام كلها ومعهم آل مره .. مافي امل ان تكون هالقبائل كلها حاربت ضد سبيع في معركه وحده ..

اجزاء فقط من هذه القبيله شاركت في المعركه .. والنعم فيهم جميع .. في قحطان كلها وفي يام كلها ..

ودمتم سالمين با بني عمي ..

اخوكم
محمد بن سلطان الثوري

[محمد بن سلطان]

اخوي راعي الوضح ..

تقصد بان ابن ثاني بغى الخرمه ورنيه .. والا تقصد ديار الحداريه .. لان عالية نجد صعب عليه الوصول لها ..

[الحلم القادم]

بعــد التحية ...............

أنتم خرجت عما هو مألوف في هذا المنتدى الراقي ، فأرجوا منكم أخواني عدم التعليق بكلام يجرح مشاعر

الأخرين سواء من قبية سبيع أو من القبائل الثانية .

لان هنالك من يدخل هذا المنتى بحثا عن الحقيقة لا عن المهاترات الضائعة .

وإلى الأن لم نسمع ردود من لهم الشأن ومن يرد لهم في توثيق مثل هذه المواقع التاريخية ،

وأرجوا تبيان الحقيقة ولا شي غيرها ................................(( وأسلوا أهل الذكر إن كنتم لا تعلمون ))


ودمتم سالمين ................................. الحلم القادم

[نداوي]

السلام عليكم ورحمة الله وبركاته...

أخي الكريم كاتب الموضوع ...

لحفظ حقوق القبائل والمعارك المشهورة في التاريخ...

انا من يام وللعلم كل قبيله وفيها حقها من الشجاعة...

ولكن أخي الكريم ياليت مثل ماقالوا لك الاخوان عطنا مصدر القصة...

وانا من سكان قطر واجدادي عاشوا في قطر وعمري ماسمعت منهم بهذه الوقعة لا على مجال حروب ال ثاني او بني هاجر او المره ...

وللعلم الواحد اللي عنده امانه راح يعطيك الحقايق كامله بدون تزييف ...

وبارك الله فيكم ...

[محمد بن سلطان]

صدقت ياليامي .. ومرحبا ومسهلا والله بـ يام كل ابوها ..

وهذا البيت اهداء لك ياليامي ،، يقول ابن رشيد :

كلن ذاق حرب سيفه وطاوع /// الا سبيع(ن) والسهول ويام

وهذا دليل على عظم هذه القبائل التى لم يستطع ان يطوعها ابن رشيد .. طبعا من غير قصور في باقي القبايل ..

تقبل تحياتي ،،

ومرحبا ومسهلا يا ذيبان ،،

تقبل تحياتي ،،

اخوك
محمد بن سلطان الثوري

[نداوي]

ابو سلطان صح الله لسانك ولاهنت وانا اخوك...
بيض الله وجهك ......

[المعضادي]

اخي الفاضل كاتب المقال اعتقد ان المقال فيه خطا وليس غيرصحيح اولا ان قطر بعيده عن ديار سبيع اللتي ذكرها المقال ثانيا ان القبائل التابعه لقطر وال ثاني ليس منها قحطان والعجمان القبائل التابعه لقطر هي المعاضيد والقبائل القطريه الاخرى وبني هاجر وال مره وبعض المناصير اماقحطان فهي بعيده عن قطر ثالثا ان الحروب المشهوره في تاريخ قطر وقعت بين قطر وجيرانها المجاورين وانا متاكد من ذالك لاني متخصص في قراءة تاريخ المنطقه وآبائي ممن اشترك في هذه الوقائع وقد ذكرت هذا الموضوع لاحد الرواة المتخصصين لتاريخ قطر فنفى حدوث هذه المعركه ثم اخبرني انه قرأ ان هناك معركه حدثت بين ابن ثنيان ال سعود ومعه هذه القبائل المذكوره وبين سبيع وانا في صدد التاكد من المصدر نسال الله ان يديم علينا وعليكم نعمة الاسلام والامن وان يجمع هذه الامه كما جمعها رسول الله على عقيده واحده وهدف واحد ودمتم سالمين

[محمد بن سلطان]

مرحبا ومسهلا والله يالمعضادي ..

حي ذا الشوف يالتميمي ..

انشالله تفيدنا اكثر عن هالموضوع وغيره وتستفيد من المعلومات الموجوده في طيّات المنتدى ..

تقبل تحياتي يالقرم ،،

اخوك
محمد بن سلطان الثوري

[ابن جراح الثاني]

القصة غريبة وغير متواترة ولانعلم لها اصلا, ولاننفي صحة شيء اذا ثبت بالقطع هذا اولا

ثانيا اليقين عندي واعرفه ان ال ثاني ليسو اعداء بل هم يميلون لسبيع ويحبونهم والمقام لايسمح بالاطالة في ما يثبت هذا


يابن الغلبا لاتقول عن الرجال الالفاظ الهابطة وانا اخوك ولاتجري وراء الشائعات اللي مالها ساس وهذي وانا اخوك ماهي من شيمنا وعاداتنا وارجوك امسح ماكتبت


ال ثاني هل الباب المفتوح وملفى الضيوف والشكالة وظليمة الاجواد ماترفع البخت وترجع على راعيها حسرة



سبحانك اللم وبحمدك

[قلب لاسد]

المعركه قد لا تكون لسبيع ان صدقت الروايه بل قد يكون للجيش السعودي ومعهم سبيع


لان التاريخ القطريه يشهد بان ابن ثاني لم يغزوا صوب نجد ولا الاحساء ولا المملكه

مغزيهم كلها صوب لامارات بحريه وبريه والبحرين

[الحيادي]

السلام عليكم ورحمة الله وبركاتة

اسعد الله مساكم جميعا .........
اولا :
ارحب فيكم قبل ماترحبون في لانها اول مشاركة لي (لاني ماني راعي خبرة في طقطقة الازرار وطولت مره وانا اكتبلكم هالمشاركة ) .....الله يحيي الجميع من سبيع اهل المنتدى ومن ضيوفهم الكرام الحاضرين والغايبين .

ثانيا :
اكرر واخص الترحيب بالاخوان الضيوف الكرام من القبائل الاخرى اللي حدوني على هالمشاركة التي كانت مؤجلة من غير قصور في بني عمي ومنتداهم الطيب اللي ودي اشارك فيه من زمان لكن مثل ماذكرت لست بخبير نت وايضا مشاغل الدنيا الله يكفينا واياكم شرها .... ياخوان مااحضرت اكذب رواية ولااصحح رواية سواء المتحاور عليها اوغيرها ..... حضرت ارحب مع بني
عمي في ضيوفهم النشاما العزيزين الطيبين واحب اقولهم اصالة عن نفسي وباسم قبيلتي (يااخوان تاكدوا وثقوا تمااام الثقة ان اي مشاركة اوعبارة او راي ينتقص او يسيئ لأي عائلة او قبيلة اخرى انه لايمثل قبيلة سبيع الغلبا وانها
بريئة منه براءة الذئب من دم يوسف فسبيع تقدر القبائل وتحترمها و تعرف مالها وماعليها ))واعلم كما تعلمون ايها الكرام ان هذا وارد على المستوى العالمي بين القبائل والشعوب بل حتى الدول فلا غرابة ان يحدث مثل هذا في عالم النت الذي يصعب التحكم
في مايدخل ويخرج منه.لذا فاننا نعتذر ان حصل شي من ذلك .. نسأل الله ان يجمعنا واياكم والمسلمين اجمعين على عز الاسلام في الدنيا ....... والسعادة التي لاتفنى ..في دار قرار لاتفنى ...انه ولي ذلك والقادر عليه ... وصلى الله وسلم على اشرف خلق الله اجمعين

.

[المنتبه]

أخوي/

راعي الوضح

أشكرك على إيراد هذه القصة المعروفة ولا غبارعليها...................................

وهي من أكبر معارك سبيع المشهورة ومن خاضها هما الزكور من سبيع بقيادة الشيخ/ محمد بن ضاري وموقعها برنية

ضد القبائل المذكورة وصحيحة وغير قابلة للجدل لأنها من القصص التي لا تخفى عن أحد::

فلك مني وجميع من شاركك المساندة الشكر الجزيل.

المنتبه

[محمد بن سلطان]

ابن العم الراويه المنتبه ..

هل من الممكن ان تزودنا بمعلومات اكثر عن هذه الوقعه وتفاصيلها ان وجد .. ومن هي قبائل الزكور التى شاركت فيها ..

[ذيب الجبور]

[
( ناصر )



ونعم بك أخـــــــــوي راعي الوضح
ونعم ومليـــــــــــــــــــــون بسبيع الغلبا العامريه

[المنتبه]

أخوي/

أبو سلطان

أشكرك جزيل الشكر على إهتمامك بتاريخ قبيلتك سبيع ومجدها العريق وإن دل هذا إنما يدل على طيب أصلك ومحبة

قبيلتك وهذا ليس غريب على كل رجل شهم غيور مثلك وشرواك وهذه المعركة معروفة من المعارك المشهورة قادها إبن

ثاني ومن حالفه من القبائل القحطانية الموالية له مثل قبائل يام وآل مرة وقحطان وقد يكون معهم من القبائل الأخرى

أعيان وإتجه بهم إلى سبيع أهل رنية وبعد ما قطع أسفل وادي بيشة مقبل على جبل سلي وعريق الوزران شاهدوه

سبور سبيع فأبلغوا قبيلتهم وتصدوا لهم الزكور من سبيع لأنهم هم اللي في الواجهة وبقيادة الشيخ/ محمد بن ضاري

بن مشهاب وردوهم على عقابهم لم يوصلون رنية ولم يأخذون الحلال وقتل من قتل بين الطرفين وأصيب من أصيب

و الإنتصار حليف سبيع.

قيل فيها من القصائد لاكن لم يحفظ منها سوى قصيدة الشاعر/ ناصر بن بويتل الفراعنة سبيع علماً أن الشاعر ذكر

قتلت الفارس/ وريك بن راقي الروبة سبيع ولكن قتلت رويك هي في المعارك التي دارت بين بن هادي وبن ضاري قبل.

ولكن من الطبيعي أن يذكره لأن المعركة التي نتكلم عنها فيها من قحطان قوم مع بن ثاني فمن الطبيعي أن يقول

شاعرنا هذا القول.

سألتني يا أبو سلطان من هم الزكور التي عليهم المعركة؟؟

الجواب/ هم الزكور أهل رنية كلهم.

أما الفخذين الموجودة في الخرمة وهم/ القريشات وبني ثور.

لم يذكر لي أنهم شاركوا ماعاد الذين منهم في رنية بسبب أن الوقت ضيق وأنهوه بني عمهم بسرعة ولو طولت المعركة

شاركوا وشاركوا بني عمهم سبيع الآخرين لكنها إنتهت في فترة وجيزة.......

(القصائد موجودة في الطرح السابق مع قصيدة الهاجري في وريك في المعركة السابقة) والقصيد هو الدليل.

المنتبه

[ذيب الجبور]

السلام عليكم

عرضت الابيات على احد وجهاء القبيله

وكان رده

"بتمحيص ألأبيات أعتقد أن القصة مفبركة"

وانا كذلك لان لايوجد اي ذكر لها عند ال ثاني

ولا عند سبيع

فمان الله

مرحبابك أخوي مبارك . أعتقد كلام راعي الوضح كان واضح روى القصه ورى قصيدتها . لم ينفيها أو يؤِِكدها

مرحبابك يالغالي عند ربعك . وصح لسانك ياراعي الوضح ياكحيلان

[خالد الشماسي]

مرحبا أخواني المشاركين .


الأخ راعي الوضح والمنتبه أوردوا قصيدة وقصة وشهدو لها بالصحة .



إن كان لديكم علم بقصة القصيدة غير ما ذكر في مناسبتها فنامل ايرادها .



و حتى لو انهزمت هذه القبائل العزيزة على رأس قائدهم فهذا لا يقلل من شأنهم و لا يعتبر من باب السب أو التهجم .



لأن قبيلة سبيع كانت في ديارها وهم أعلم من الغازين بالطرق وموارد المياه .


وهناك شواهد من التاريخ دلت على هزيمة الجيوش الجراره بعدد قليل من المقاتلين .


فقد هزم سبعة بيوت من القريشات وسابعهم صالح بن طهماز الشماسي غزية كبيرة على رأس فاجر بن شليويح .


وقد هزم ذيب بن شالح بن هدلان غزية كبيرة لبن سعود وهو فارس واحد فقط .


فلا غرابة اذا هزموا الزكور وهم كثير ابن ثاني وجيشه .


ونحن عندما نتكلم عن تاريخ عالية نجد فنحن أعلم بها ،، لأننا أهلها

[المحتار 2006]

إبن

ثاني ومن حالفه من القبائل القحطانية الموالية له مثل قبائل يام وآل مرة وقحطان وقد يكون معهم من القبائل الأخرى [/quote]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

اخي المنتبه ارجو ان تكون منتبه بحق وحقيقة

ذكرتك بالرد السابق والذي تم حذفه من إدارة المنتدى مع بعض المشاركات واللي هي من ارغمني على التطرق لما تطرقت إليه وأقول فعلت الادارة خيراً لآن هذا هو ماكنا نتمناه من قبل ولكن لاباس حتى لو اتى متأخراً عموما هذا موضوع انتهى بخيره وشره إلا انه مازل في خاطري شئ ما نحوك فأنا وانت كلنا من اهل رنية ومتقاربين بالعمر وربما تجمعنا احدى قبائل الزكور بدون ذكر الاسم ولم نسمع سوى من رواة القبيلة أو غيرهم ان بن ثاني غزا سبيع اهل رنية وبهذه القبائل المولفه ولا اعتقد ان يصدقك احد فيما ذهبت إليه إلا اذا كنت تطبق مقولة ((شاهد ماشافشي حاجة)) اخي أرجو ان تراجع معلوماتك وان لا يقال الكلام على عواهنه فإنه لايصح إلا الصحيح.ختاما: آمل ان تتقبل ردي بصدر رحب ،، مع تحياتي للجميع

[المنتبه]

اخي/

المحتار 2006
أرجو الا تحتار في المعرفة،،،،،،،،،،

فأنا لست باول من روى هذه المعركة بين سبيع وبن ثاني وقومه ولكن قبلي من رواها ومن ألفها في كتب معروفة

ولو انها غير معروفة لم تروى ولم تنسب لسبيع واخصامهم ولكنه حصيل حاصل وفعل معروف بما صار فيه وعليه من

قصيد سبيع ما اثبت ذلك فانت يبدو لي انك تبحث عن احراج لكن لن تنال مقصودك الذي تريده لانك تصادم جبل راسي

بالحقائق والدلائل والبراهين في خدمة قبيلة سبيع وخدمة الآخرين وهذا حق مشروع ونور وهاج لايظلله تظليل مظل وليس

نقص في حق احد فانت تعدد اسمائك والشخص ،، واحد ،، ولكن لا جدوى لمن تنادي وهذا شانك ونحن ثقتنا بالله

والصدق نور قلوبنا ولم يأخذنا الحقد والكراهية الى اسقاط الحق او غط النور لمن يكون.

وختاماً أقول لك انت نقرك في صفا.

المنتبه

[محمد بن سلطان]

بيض الله وجيهكم جميعا ،،

[الكوكب السيار]

الاخوان القصه صحيحه وسمعتها من سيبان الزكور
الكبار في السن

وفيه قصة ثانية فيها اللي يقول ( يا ضبعة باقصى ربوع العماير

الى اخر القصيدة


والسالفه لأهل رنية دون اهل الوديان ولأهل الوديان دون اهل العارض واللي يكذبها عقب قصايدها يا حاسد يا حاقد


لأن لها قصايد وعلامات ولا علينا من عيال ابو حفاظة اذا كذبوها عقب 200 سنة


وسببها ترى ان حاكم قطر في ذلك الوقت تهاوش هو وسبيع واذبحوا اخوه في الحج

وجاء


اهيب يا بعض اشباه الرجال اللي يكذبون سالفة بني عمهم وكله حسد للي عليهم السالفه

اما انت ياللي مسمي نفسك مبارك وابرا الى الله مانت سبيعي ولا قاله الله القصه صحيحه وصارت في العماير وسلي ولا علينا منك لو يصدقك بعض ابناء العمومة العملاء واللي وجيههم مثل اذنابهم

[راعي الوضح]

الحين كلن ينكر محد يقول الحق والعياذ بالله كلن بطل وكلن شيخ ولا يهزم وهو السنافي وهو الشجاع

حنا نذكر فعول قبيلتنا لعيالنا الي بعيد عن القبيلة ويقراء المنتداء على شان يعرف فعائل ربعة ولا حنى نتحراء من يجي يكذب لانا ولله الحمد ما ناكل حلال الضعوف
سبيع هزمت حاكم قطر
سبيع هزمت ابن عريعر وخذت منة الدهنا
سبيع نصرت ابن سعود
سبيع سبيع سبيع سبيع سبيع .................................................. .................................................. .................................................. .................................................. ............................سبيع سبيع .................................................. .................................................. .................................................. ....................

ذكرتني في واحد من القبائل دخلت عليهم في الدوام لقيتهم ياكلون قالو لي تفضل

قلت والله انا سبيعي ماكل ( الفجوة )

قال كل الناس ما تاكل الفجوة

قلت الحين حتى الصلبي ما ياكل الفجوة بس يوم الجوع والرجال جاين على ذلولة من مسافة يومين يمشي

كان اذا جالة ناس قالطين قعد يزاحمهم

والسبيعي اذا جالة ناس قالطين وهو ذابحة الجوع ماقلط ونام وهو جوعان ولا الحين الله يعز الأسلام

انا اشهد اني قبيلة الي فعايلها ترفع الراس

[lion1430]

هزيمة سبيع لحاكم قطر ( ابن ثاني ) ومعة قبايل ( المرة , بني هاجر ، ويام ، وقحطان )
وذبح اربع مية رجال من القبايل المذكورة غير القلايع ( صارت المعركة مع سبيع هل الوديان )
يقول شاعر سبيع ( قويفل بن ناصر )

يا البيض كان الغبن من ذبحة وريك *** أربع مية غير القلايع طرحنا
يوم المـرة و الـهواجر مدابيـك *** وياماً وقحطاناًُ وعبلي سنحنا
ياليت هـادي ما نعثر عقب تبريك *** أغواة شيطان العراد ونطحنا
خلي بتالي القوم يندب كما الديك *** ولامنهم اللي عنة يقمح دمحنا
من دونكن يا لابسات السماويك *** أمثوريناًُ بالثني في ملحنا
عشرين من يمنا حجاب مصـويك *** يقلع سمار القوم لين استرحنا
ياذيب عان محمد أجة ويعشيك *** سود الجنازع في مطاوي برحنا
أبن ثاني حول بهم لتهاليك *** ونا لهم دون العدامة نصحنا
لعيناك يا وريك فرق ونعطيك *** وياكثر ما زيزوم قوماً ذبحنا
أولاد على لمن عدو بالمشاويك *** أبشر لو أن الموت جمراً لفحنا
وسبيع ربعي محتمين المعاريك *** الي صلح ولد الردى ما صلحنا


وفي هية شيلي مع حاكم قطر عندما ذبح وريك الروبة من سبيع يقول الشااعر بويتل من الفراعنه :

يالبيض كان الغبن من ذبحة وريك
= أربعميه غير القلايع ذبحنا

يوم آل مره والهواجر مدابيك
= ويام (ن) وقحطاان وعبلي سنحنا

ياليت هـادي ما نعثر عقب تبريك
= أغواة شيطان العراد ونطحنا

خلي بتالي القوم يندب كما الديك
= ولا فيهم اللي عنه يقمح قمحنا

من دونكن يالابسات السواميك
= مثورينن بالثنادي ملحنا

عشرين من يمنا حجاب مصاويك
= يقلع سمار القوم لين استرحنا

يالذيب عان محمداجه يعشيك
= سود الجنادع في مطاوي برحنا

ابن ثاني حول بهم للتهااليك
= وإنا لهم دون العدامه نصحنا

لعيناك يا وريك مفرج ونعطيك
= ويا كثر من زيزوم قومن ذبحنا

أولاد علي لا عدوا بالمشاويك
= أبشر لون الموت جمرن لفحنا

وسبيع ربعي محتمين المعاريك
= إليا صلح ولد الردي ما صلحنا