تسجيل الدخول

مشاهدة النسخة كاملة : كنت أتوقع غرام البيض ما يقهر = حتى عرفت الهواء وفتحت بيبانة

معدي المرقاب
10 - 04 - 2005, 20:25
كنت أتوقع غرام البيض ما يقهر = حتى عرفت الهواء وفتحت بيبانة
غرونا بسببها عرفت الليل والمسهر = سبحان رباً عطاها كامل احسانة
الخد برقاً تلالا في السماء يجهر = وورداً تفرعن من المبسم خذ الوانة
وعيون فيها المنايا وشوفها يبهر =وصدراً ليقبل يزيد القلب في اشجانة
هذا وغير الجمال وفتنة المضهر = ديننا وهبهاء عظيم الشأن سبحانة
بسبابها صرت مجنون الهواء واشهر =من حب عنتر لعبلا بين عربانة
يا لله يالي تعرف السر والمجهر = انك تحفظ ألغضي من كيد عدوانة
خالد الشماسي
11 - 04 - 2005, 00:05
رائعه يا معدي المرقاب



ترى هاليومين ما عاد فيه حب اخطب وتزوج خلال يومين :)




التكنلوجيا اثرت على الناس


لك تحياتي
سعد المحمدي
11 - 04 - 2005, 00:59
بيض الله وجهك يامعدي المرقاب ومطلوب منك اكثر لاثراء المنتدي .
بس فيه طلب اذا ماعندك مانع.
انسب القصيده ولا تجعلها مجهوله
تقبل تحياتي
معدي المرقاب
11 - 04 - 2005, 09:30
هلا ومرحبا ابو عمر اسعدني مرورك الكريم
بس الا الزواج
خلنا على حب وهذا يكفي
معدي المرقاب
11 - 04 - 2005, 09:32
المحمدي صح بدنك
ومشكور لمرورك الكريم
ومعدي المرقاب مهو مجهول وبالذات في منتدى سبيع
واذا الهدف انت وتبي تعرف معدي المرقاب فلك ذلك
محمد بن عبد الله بن هليمة السبيعي
سعد المحمدي
12 - 04 - 2005, 19:33
الا لف شكر لك علي القصيدة الطيبه مرة ثانيه والالف نعم يابن هليمه وبني ثور كلهم بس لاتفهمني غلط انا مقصدي نسبة القصده ولا اكثر اما ابن الهلايمه وبني ثور غنيين عن التعريف والالف شكر والسموحه ان كان زعلناك يامعدي المرقاب
smart
14 - 04 - 2005, 14:50
بيض الله وجهك اخي معدي


وصح الله لسااانك


وانا اقوول ليش جاالس في ذيك الديره:105317569


تقبل أجمل تحيه
عيسى السبيعي
14 - 04 - 2005, 15:35
الله الله يامعدي المرقاب

صححححححححح لسانك يالغالي

بيض الله وجهك على هذه الطيبه

تحياتي
السبع الحر
27 - 04 - 2005, 02:33
سلمت يمينك يامعدي المرقاب
CLICK10
27 - 04 - 2005, 12:30
الله..... الله يابو عبدالله
لي معك سنين وسنين .......... اول مره ادري انك شاعر لا وبعد حب وعلومأ ما ندري عنها.... بس لا تكون تعلقت هناك وما عاد بترجع لنا.
تكفى لا تكثر من ها العلوم ترا القلب خضر... وندور العذر والصيف قرب.
تحياتي.
معدي المرقاب
27 - 04 - 2005, 19:44
المحمدي ماعليك زود وانا خوك
والنعم بحالك وانت لاتفهمي من ردي
اني زعلان عليك لا حشاء
قدرك على الراس والعين
عزيز وغالي الله يطولي عمرك
تقبل فائق احترامي وتقديري

اخوك

محمد السبيعي
معدي المرقاب
27 - 04 - 2005, 19:48
يامرحبتين والله بسمارت
صح بدنك يالغالي
ومن جهة جلوسي في ذا الديرة
قرب الفرج وانا خوك جهز الذبيحة
تراني عازم نفسي عندك

تقبل تحياتي وتقديري

اخوك

محمد السبيعي
معدي المرقاب
27 - 04 - 2005, 19:49
هلا اخوي الواسطة
صح بدنك يالغالي
ووجهك ابيض لا عدمناك
اسعدني حضورك الكريم

تقبل تحياتي وتقديري

اخوك

محمد السبيعي
معدي المرقاب
27 - 04 - 2005, 19:52
هلا اخوي السبع الحر
وسلمت كلك من كل شر يالغالي

تقبل فائق احترامي وتقديري

اخوك

محمد السبيعي
معدي المرقاب
27 - 04 - 2005, 19:57
هلا والله ابو بدر
يامرحبتين والله والساعة المباركة
الي شفناك معنا بالمنتدى
اسعدني حضورك
ومن ناحية اعجبني الوضع من عدمة
خلاص انتهيناء من ذا الديرة
والسنين الجاية ان الله اعطانا وياك عمر
بيكون الصيف ان شاء الله في الديرة الي
انت خابرها

تقبل تحياتي وتقديري


اخوك

محمد السبيعي