من أبيات الشيخ / عجران بن شرفي رحمه الله

[ابن مشعب]

عجران بن شرفي من الشخصيات البارزة في قبيلة سبيع بحكمته وفروسيتة وانا اورد له بعض الابيات التي اتمنى من الاخوان اتحفنا بالقصيدة كاملة وهي من عيون الشعر والفخر
يقول عجران


حتيش يابو عبيد لو صار كشاف = بارق خريف(ن) يم دار مصدة
جعل الحيا يسي لنا ديرة الغاف = من روضة التنهات لخريم حدة
دار(ن) خذينها بحد الاسياف = يوم (ن) كل حافظ(ن) ورث جدة

اتمنى ممن يحفظ القصيدة ان يوردها مشكورا

[محمد بن سلطان]

لا هنت يا بن مشعب وقوّاك الله يالقرم ..

وصح لسان شاعرنا عجران بن شرفي ..


تقبل تحياتي ،،

اخوك
محمد بن سلطان الثوري

[عبدالله الحضبي]

الفارس عجران بن شرفي
له قصائد كثيره موجوده في مخطوطة الصويغ
ولكن أكثرها عن ابن رشيد
لأنه عاصره
ويوجد قصائد عند أحفاده


كما يوجد له كتاب بعنوان عجران بن شرفي
ألفه الزميل عبدالله الخثلان
بمساعدة الشيخ سعود بن عجران
وموجود في الاسواق


وقد التقيت بالشيخ سعود وقال لدينا عدة قصائد
لم تنشر للشاعر العمى عجران بن شرفي
وسوف اسعى لإضافتها الى ديوانه

[الراعي]

بيض الله وجه السائل والمجيب
لكن ييا تين أعطنا القصيده
من الشخ سعود بن شرفي

[عبدالله الحضبي]

يقول عجران بن شرفي عندما قال له ابن فهيد انه رأى برقا
في جهة ديار بعض القبائل :

حتى ايش يابن فهيد لو كان كشاف = بارق خريف يم دار مصده
عسى الحيا يسي لنا وادي الغاف = ومن روضة التنهات لخريم حده
عساه ياعيد النضا غب الانكاف = عساه يسي المربع اللي نوده
حدر على الصمان للبرق رفراف= لا بكر الوسمي على مستعده
المربع اللي تدهله سمر الاشعاف= قدامها الصقار طيره يهده
ياماحلا العشب فالقفر لا زاف = وجني الزبيدي في عذا كل خده
دار لنا فيها مقيظ ومصياف = ومشتى ومرباع وكل نضده
دار وليناها بضرب بالاسياف = يوم ان كل حامين ورث جده
منها العتيبي نرفعه فوق يطاف= والدوسري عنها جنوب نحده
وراكان عنها نقلعه يم الاسياف= ولا المطيري عارف راس حده
لا جاء نهار فيه زوغات الاسلاف = ثم كل بد قام يظهر لبده
لي لابة ركبوا على كل مزغاف = وتحيزموا من فوقهن بالاعده
ياجاهل في لابتي مانت عراف =حريبهم يمسي وكبده مضده
كم شيخ قوم لا نوى الله له اتلاف = من ضرب ربعي ياكل الرمل خده
في ضف ابو تركي ذرى كل من خاف =عز الرفيق ومذهب المسترده

[ابن مشعب]

بيض الله وجهك يالتين هذي الي ادورها من زمان


الله لايهينك شف لنا ابياته الي يقول فيها

لاصرت انا قصاد وعبيد قصاد .............................. مال العمى عند المفتح بصيره

[ناصر المديري]

~*¤ô§ô¤*~*¤ô§ô¤*~بيض الله وجيهكم يالغلبا..

الله يعافيكم على القصيدة الحلوه

تقبلو تحياتي~*¤ô§ô¤*~*¤ô§ô¤*~

[ملجلج الخرمه@]

مشكووووووووورين وما قصرتو بس ابفهم ابن فهيد من هو ؟

[البيدق]

بيض الله وجهك يالتين هذي الي ادورها من زمان


الله لايهينك شف لنا ابياته الي يقول فيها

لاصرت انا قصاد وعبيد قصاد .............................. مال العمى عند المفتح بصيره

هذا البيت اعرف انه قاله عندما جاء ياخذ الهدية التي ياخذه كل عام من محمد ابن رشيد وكان يامر له كل عام له بها ولكن حين جاء كان عبيد هو الحاكم مكان اخو محمد بعد مامات فقال له عبيد ان كنت تبغي قصيد حنا قصاصيد *** وان كنت تبغي مال مامن عطيه فرد عليه عجران بهذا البيت وضحك عبيد وامر له بعطيته الدائمه ذلول وبها كل زهابها وعندما اخذاها عجران اخذ يتلمس شعافها واذا بالعبد يقول له اشفيك اخبره ان محمد يحط صرة فسمع عبيد وامر له 0 واسف على سوء الترتيب لقلة المهارة (مبتدي) وشكرا

[مسلط 22]

بسم الله الرحمن الرحيم
الاخ البيدق بعد التحيه عبيد توفي قبل ابن اخيه محمد بن عبد الله ابن رشيد والذي حكم بعد محمد ابن اخيه عبد العزيز بن متعب الذي قتل في روضة مهنا وانت سالم والسلام

[sam74]

انا اسف عارف ان هذه المشاركة قديمة لكن اود منكم التكرم بوضع القصيدة لو سمحتم

[منصور الحري]

عجران بن شرفي من الشخصيات البارزة في قبيلة سبيع بحكمته وفروسيتة وانا اورد له بعض الابيات التي اتمنى من الاخوان اتحفنا بالقصيدة كاملة وهي من عيون الشعر والفخر
يقول عجران


حتيش يابو عبيد لو صار كشاف = بارق خريف(ن) يم دار مصدة
جعل الحيا يسي لنا ديرة الغاف = من روضة التنهات لخريم حدة
دار(ن) خذينها بحد الاسياف = يوم (ن) كل حافظ(ن) ورث جدة

اتمنى ممن يحفظ القصيدة ان يوردها مشكورا


السلام عليكم..
عندي تعديل بسيط على الأبيات..

وهو أن شعراء سبيع بعد عجران بن شرفي قالوا أن حدود سبيع من حومة النقيان.. ورى روضة التنهات..



حتى ايش يابن فهيد لو كـان كشـاف=بـارق خريـف يــم دار مـصـده
عسى الحيا يسـي لنـا وادي الغـاف=ومن حومة النقيان لخريـم حـده

[ابو مساعد]

الاخوان اشكركم

اما بخصوص البيت المختلف عليه وهو من روض التنهاة لخريم حده

فالبيت واضح جعل الحيا يسي لنا وادي الغاف - من فيضة التنهات (او حومة النقيان) لخريم حده .

فهذي مهيب حدود سبيع .يمكن انه يقصد الغاف

واي عاقل لايمكن ان يقنع بهذا الكلام والواقع ايضا يخالف الكلام

اين ذهبت الحاير ومناطقها التابعه لها والضبيعه وغيرها

والمحمل واللذي باديته من ديار سبيع والسهول .