معركة القمعه

[سعد السلطان]

قال الشيخ والفارس راكان بن حثلين في معركة القمعه وقد وقعت في فيضة أم معقلا بين العجمان وبني عمر ..






بني عمـر جونـا كمـا السيـل دفـار=وانـا لهـم نـشـدي لخـشـم الـزبـاره

يستاهـلـون الهـيـل والـبـن وبـهـار=وانـا السنـام مشلـخـن فــي فـقـاره

نردع شباهم دون حسكات الأوبار=بمـطـارق نـلـحـق بـهــن الـثـبـاره





والقصيدة اطول وكان راكان يمدح سبيع ويفتخر بربعه

المهم أضاف البطبوط من ال سليمان من العجمان قوله
:





ماهمني ناموس تسعين حمار=على فريقن طاح منهم سماره






فقال الشيخ ثنيان بن هديهد امير عجمان الرخم من بني عامر :





ياراكـب مــن عنـدنـا فــوق عـبـار=راعـيـه لــي ركـبـه يـجــود زواره

تلفـي لراكـان حمـى دون الامـهـار=ابـو فـلاح اللـي كمـا الشـمـع نــاره

يافضحـكـم مـاعــاد فـيـهـا تـسـتـار=راحـت عليكـم يالمعيضـي خسـاره

خليـتـو الخلـفـات والــدق وعـشـار=وخليتو اللي حط فـي الخشـم شـاره

وشيرو على البطبوط لايلبس الكار=الـلــي جـــواده مـاتـدانـي الـمـثـاره

بنـي عمـر مـاهـم بتسعـيـن حـمـار=أهـــل مـهــارن لبـسـوهـا غــيــاره

من حربهم كنك علـى واهـج النـار=ولاجـاك منهـم كـود مـقـدم شــراره

ساعة تواجهنا على قحص الامهار=كثرت عثايـا خيلكـم فـي الزبـاره .




وســــلامـــــتـــــكـــــم



تحياتي لكم

اخوكم/ سعد السلطان

[محمد بن سلطان]

لا هنت يا ولد عمي وقوّاك الله يالغالي ..

تقبل تحياتي ،،

اخوك
محمد بن سلطان الثوري

[الرايق]

شكرا ياسعد
على القصائد الجيده

[سعد المحمدي]

:taheyatay الله لايهينك علي هالقصيده الطيبه انشهد انه طيبه واهلها طيبين الله يرحمهم جميع

[سعد السلطان]

هلا بك يامحمد

العفو يارايق



ولايهينك يالمحمدي


اسعدني مروركم جميعا


تحياتي لكم

[مخايل الغربي]

وقد رد عليه عجران بن شرفي رحمه الله عندما اتى بسلاح وفرس ابن غصاب وغنى والقصيده موجوده في المنتدى وبيض الله وجه الشيخ ثنيان بن هديد رحمه الله يوم ثنا دون ربعه وبين الصملي والسلام

[مسلط 22]

بسم الله الرحمن الرحيم

قصيدة الشيخ الامير الشاعرعجران بن شرفي احد مشايخ ال علي من بني عمر

ياابوسعـد دوك العيـون أسهـرنـي وقلب الخطا كنه على كيـر شبـاب

أونـس همـوم بالحشـا ضيقـنـي كنـي علـى ملـه ونومـي تقـلاب

تداحـم القيفـان يــوم اخلفـنـي سيل مع البطحـا وحاديـه محنـاب

أكنهـن مــن خـوفـتي يزلفـنـي وأنا لحكي الـزور مانـاب حبـاب

ياراكـب هجـن الــى روحـنـي يشدن جول الربـد لـي ثار مرتـاب

ماتـوهـن بالمـشـي بيـدربـنـي هجن علـى قطـع المناهيـج دراب

يشـدن لسفـن بالبحـر يسبحـنـي والعصر فالديرة مـن البعـد قـراب

واللـي مهيضنـي علـوم يجـنـي ودي نقايضهـن بزينـات الأجـواب

سوالـف ابـن جحيـش ماونسنـي يوم سمي ........ للهرج مـا صـاب

يـوم اقبلـن جموعـهـم عزلـنـي جاء مشرب للطمع مـع كـل كسـاب

تجاولـن واقـفـن ثــم اقبلـنـي وجاء بينهن في مقطـع الجـو ملعـاب

وتصاقلن مـن حـر مـا يونسنـي من كـل قـرم فالملاقـاة معطـاب

ظنيت في ربعـي ولا خـاب ظنـي وانا احمد اللي يودع الظن ماخـاب

أفعالهـم يـوم الملاقـا اعجبـنـي عاداتهم فالكـون تفريـق الاحبـاب

كـم واحـد عقـب الملاقـا يونـي في وردنـا خلـي تعشـاه الأذيـاب

لعيـون بيـض فالظلـل فرعـنـي يزهن خط النيل والكحـل وخضـاب

لعيونهـن يـوم انهـن غطرفـنـي يرمن باصوات كما صـوت ربـاب

كسيـرة والذبـح فيـهـم مجـنـي يبرى لها مـن بـاذر الـدم صبـاب

حـريـبـنـا والله مايـرجـهـنـي والى رقد كنه علـى جمـر لهـاب

كـم هجمـة نجـي عليهـا نغـنـي ونجي لها من بين اهلهـا ومغـراب

لـون الجنـب فيهـا لهـا مستكنـي تغاوروه اللـي يـدورون الأوجـاب

بمخـيـرات فاللـحـم يرتـعـنـي بايمان من ضارين فيهـا بالأشبـاب

بايـمـان ربــع مايقرونـهـنـي رزانة لاحـل بالجيـش ضبضـاب

دافوا لهـن ملـح عليـه اشفهـنـي ودرج يصبونه على الحـش لا راب

صبوا رصاص الـدرج لبطونهنـي للكبـد والا ناهـب القـلـب نـهـاب

للساق مـع قلـب الفـرس يحملنـي مضرابهـن يـاوي والله مضـراب

بكبودهـم منـا جــروح جلـنـي ماعاد يبريهـن كثيـرات الأطبـاب

جاهن مـن القبلـه مـزون نشنـي يهتال منهـا راعـد البيـت والبـاب

رشاشهـن سوالبـلا لا امطـرنـي يشيب منهـن جاهـل مابعـد شـاب

يـوم ان منديـل عليـكـم يشنـي ولامنكم اللي ردهـا لابـن غصـاب

وعليـه زلبـات الرمك صفنـني واهلهن على عوج المناصيب قضـاب

ورماحنـا فـي ظهوركـم علقنـي في مقطع الدفه من الكتـف نشـاب

وراحـت بكـم عـزم ولا عودنـي والخيل من ضرب المزاريج هـراب

وراكان دين عقـب ماهـو يغنـي وعطى المطوعه عقب ماهوب حراب

يابـو فـلاح لحربـنـا لاتشـنـي مالك علينا نصـر والله لـه أسبـاب

واللـي باهلهـن فاللـقـا عثـرنـي ست وثمانين حسـاب بـلا قطـاب

وظعونكـم مـع الغلـس سربـنـي ولاينزلون الا قمر خمس قـد غـاب

وذيدانكـم عقـب الطنـا رددنــي مابيـن جـلال ومـا بيـن حطـاب

وانتم سالمين والسلام

[خيَّال الغلباء]

قال الشيخ والفارس راكان بن حثلين في معركة القمعه وقد وقعت في فيضة أم معقلا بين العجمان وبني عمر ..


بني عمـر جونـا كمـا السيـل دفـار=وانـا لهـم نـشـدي لخـشـم الـزبـاره

يستاهـلـون الهـيـل والـبـن وبـهـار=وانـا السنـام مشلـخـن فــي فـقـاره

نردع شباهم دون حسكات الأوبار=بمـطـارق نـلـحـق بـهــن الـثـبـاره


والقصيدة اطول وكان راكان يمدح سبيع ويفتخر بربعه

المهم أضاف البطبوط من ال سليمان من العجمان قوله
:


ماهمني ناموس تسعين حمار=على فريقن طاح منهم سماره

فقال الشيخ ثنيان بن هديهد امير عجمان الرخم من بني عامر :


ياراكـب مــن عنـدنـا فــوق عـبـار=راعـيـه لــي ركـبـه يـجــود زواره

تلفـي لراكـان حمـى دون الامـهـار=ابـو فـلاح اللـي كمـا الشـمـع نــاره

يافضحـكـم مـاعــاد فـيـهـا تـسـتـار=راحـت عليكـم يالمعيضـي خسـاره

خليـتـو الخلـفـات والــدق وعـشـار=وخليتو اللي حط فـي الخشـم شـاره

وشيرو على البطبوط لايلبس الكار=الـلــي جـــواده مـاتـدانـي الـمـثـاره

بنـي عمـر مـاهـم بتسعـيـن حـمـار=أهـــل مـهــارن لبـسـوهـا غــيــاره

من حربهم كنك علـى واهـج النـار=ولاجـاك منهـم كـود مـقـدم شــراره

ساعة تواجهنا على قحص الامهار=كثرت عثايـا خيلكـم فـي الزبـاره .

وســــلامـــــتـــــكـــــم

تحياتي لكم

اخوكم/ سعد السلطان

أخي الكريم / سعد السلطان السلام عليكم ورحمة الله وبركاته وبعد : فإن الشيخ / راكان بن حثلين رحمه الله يصف شجاعة قبيلة سبيع بن عامر الغلباء بعد معركة وقعت في فيضة الشملول معقلا حيث يقول :

بني عمر جونا كما السيل دفار
= وإنا لهم نشدي لخشم الزبارة

يستاهلون الهيل والبن وبهار
= وإنا السنام مشلخ في الفقارة

نردع شباهم دون حسكات الأوبار
= بمطارق نلحق بهن الثبارة

والمعركة حصلت في روضة معقلا بين قبيلة سبيع الغلباء وقبيلة العجمان العريقة ولم يعجب هذا المدح أحد فرسان العجمان المسمى بالبطبوط وليس له فعل يذكر فأضاف على هذه القصيدة بيت واحد قال فيه :

ما همني ناموس تسعين حمار
= على فريق راح منا سماره

فرد عليه الفارس الشيخ / ثنيان بن هديهد من عجمان الرخم من بني عامر وكان حاضر هذه المعركة التي انتصرت فيها قبيلة سبيع الغلباء على العجمان فقال ردا على البطبوط :

يا راكب من عندنا فوق عبار
= راعيه لا ركبه يجود زواره

تلفي لراكان حما دون الأمهار
= أبو فلاح اللي كما الشمع ناره

يا فشلكم ما عاد فيها تستار
= راحت عليكم يالمعيضي خساره

خليتوا الخلفات والدق وعشار
= وخليتوا اللي حط فالخشم شاره

وشيروا على البطبوط لا يلبس الكار
= اللي جواده ما تدني المثاره

بني عمر ماهم بتسعين حمار
= أهل مهار (ن) لبسوها غياره

ومن ضربهم كنك على واهج النار
= ولا جاك منهم كود مقدام شاره

يوم (ن) تواجهنا قحصنا على قحص الأمهار
= كثرت عثايا خيلكم فالزباره

وخير الفضل ما شدت به الخصوم ومعركة معقلا هي التي فيها الفارس الشيخ / بريكان بن نافل المديري أحديته المشهور :

يا حلو الماء يا برده
= ناقة الذليل ما ترده

وقد سأل شيخ المنتفق ابن سعدون الشيخ / حزام بن حثلين عم الشيخ / راكان بن حثلين من هم أشجع من واجهتوا على ظهور الخيل فتكلم شخص بجانبه يريد المجاملة وقال : المنتفق فالتفت عليه الشيخ / حزام وقال : طيط لا والله إلا بني عمر من قبيلة سبيع الغلباء . وكل عام وأنتم بخير منقول بتصرف يسير مع خالص التحية وأطيب الأمنيات واسلم وسلم والسلام .

http://www.sobe3.com/up/uploads/images/sobe3.com-ea6d1fc523.gif

[ابن عمكم]

ونعم فى بنى عمر...وفى لابتى سبيع الغلبا كلها...................

[نجم سبيع الغلبا]

لاهنت وكفوووو هم عز الله وبيض الله وجيههم جميعا وابن هديهد شيخ فخذنا

[عشير الغانمين]

اللي ورد سبيع يوم ام عقلا يسمونها العجمان يوم العدول ويسمونها سبيع قمعا لانهم قمعوهم عن


الماء جو سبيع واردين الا العجمان وردين على الماء ورجعوا سبيع قال الشيخ بريكان ابن نافل العرب وشجاهم

عودوا قالوله الماء مارود عليه العجمان نبيهم لين يشربون وذلفون مانبي نجيهم على فشله فقال بريكان

الماء عند خشوم قطنات وتبوني اردها عن الماء ونوخ ذلوله ولبس درعه وخذا شلفاه وركب فرسه فريجه

وقال لراع اباعر الحقني ابفتحلك درب ويوم اقبل على ذيك الخبرا الا عليها ال جبعر سبعه وثامنهم ابن دعمان

ذبحهم كلهم وقامة اباعره تشرب من الماء وهو يحدى ياحلو الماء يا برده ناقت الذليل ماترده

الله واكبر عليكم كيف تذكرون معركة قمعا ولا تذكرن فعل الشيخ بيكان بن نافل فيها

[مترك ثواب]

بيض الله وجيهكم والله لا يهينكم

[عشير الغانمين]

قاموا يتموارون اخويا الامير سلمان السبعان والعجمان كلن يقول انه اطيب من الثاني قالوا العجمان انتم يا سبيع

منتوب نددا لنا حنا نددانا ال سعود فرد عليهم الشيخ شمروخ بن ضويحي العماني قال جاكم واحدن من فرسانا

يوم قمعا والي جلد منكم ثمانية خياله ماقطع الدشه منهم واحد في ام عقلا قال الامير سلمان بن عبدالعزيز

انا عنكن سبيع اجواد والله لو ذا السالفه لقبيلتن غير سبيع ان يحطولها ديكورن كبير لكن سبيع من طيبهم

عندهم شي عادي

[خيَّال الغلباء]

أخي الكريم الفاضل / عشير الغانمين بعد السلام شكرا جزيلا لك ولا هي غريبة على شيوخ المدارية اّل براك فهم من أفرس من ركب الخيل من قبيلة سبيع بن عامر الغلباء ويكفي منهم الشيخ / مجلاد بن نافل رحمه الله وأسكنه فسيح جناته فارس الرضيمة أو الشيخ / بريكان بن نافل رحمه الله وأسكنه فسيح جناته فارس القمعة وبيض وجه شيخ نجد وأميرها صاحب السمو الملكي الأمير / سلمان بن عبدالعزيز أبو فهد والذي عرف قيمة قبيلة سبيع بن عامر الغلباء عند مهايط غيرهم والله يبيض وجهك وجزاك الله خيراً ولا هنت واسلم وسلم والسلام .

[عشير الغانمين]

بيض الله وجهك يا خيال الغلباء على كلام الطيب الي مايجي الا من واحدن طيب