المساعد الشخصي الرقمي

مشاهدة النسخة كاملة : طويق... محاورة .... نحية للجميع

طويق
12 - 05 - 2003, 16:38
السلام عليكم جميعا يشرفني أن أنضم إليكم في هذه الزاوية من المنتدى
ــــ ـــــ ـــــ ــــــــــــــــــــــــــــــــــــــــــــــــــ ــــــــــــــــــــــــــــ ـــ ـــــ ـــــ
سـلام تسليمة وفا واحتــراما
للي لهم في الطيب قدر ومقاما
آلاد عمي والــرجال الحشـــاما

عبر الجهاز النت ياعين ياللللللللللللللللللللللللللللللللللليل

موكر طيور الشياهين بان اليوم بان.......... فالك الترحيب والنار في راس العلم
واللـه انـي ماتـعنـيت ادور لي مكـان .......... انتفض ياذيب والنار في راس العلم
ابن جـــــــراح
12 - 05 - 2003, 16:47
طويق بيض الله وجهك على هالطاروق الطيب

يالله يا شباب وينكم عجلوا على طويق لا تاخرون

الف تحيه لك اخي طويق

اخوك بن جراح
راعي الأوله
12 - 05 - 2003, 18:13
يامرحبا يالطويق وحياك الله

استلم


يااا مرحبا بطويق يومنه لفانا اا

جاه العلم واقبل لا لاماتوانا اا

يامكرم الضيفان ذباح السمانا اا



وعبر الجهاز النت ياعين يالللللللللللللللليل

جازلي فعلك يالطويق ياراعي المعان *** علمك لفاني والنار في راس العلم
دارنا اليــــوم دارك يـــاذرب اليمــــان *** تعال ياصاحبي والنـــار في راس لعلم
مسعود الحويزي
12 - 05 - 2003, 18:30
يعطيكم العافيه

لكن ياخوي راع الاوله عندي ملاحظه والكل منا مرأة اخيه

واتمنى ان تقبلها بصدر رحب :

هذا بيت طويق :

موكر طيور الشياهين بان اليوم بان.......... فالك الترحيب... والنار في راس العلم

واللـه انـي ماتـعنـيت ادور لي مكـان .......... انتفض ياذيب... والنار في راس العلم

فاللك الترحيب ...... والشطر الثاني من البيت الثاني ..... انتفض ياذيب

وانت ياراع الاوله ذيب مايحتاج .... حبيت بس انبهك عليها مع العلم انها سهله عليك

ولا تكودك ان شاء الله .......

حاول تلعب الطاروق على لحنه وتراعي الشطر الثاني في وقفته .


وواصلوووو وحنا متابعين .... تحياتي لكم
طويق
12 - 05 - 2003, 20:04
مرحبا بالجميع : ابن جراح - راع الاولة - أبو فهههههد

يـامرحبــا يابـادع القــاف حيــاك
شفناك يمعرض على الناس مناك
ماني على بيبان الارزاق صـــكاك

مع الجهاز النت ياعيييييييييييين يالييييييييييييييييل

وان ذاك اللي يقول انت غاوي وان وان..........اهتوى التجنيب.. والنار في راس العلم
ماغويتك ياقطر ... ماغويتك يـا عمــــان ........ماش شك وريب..والنار في راس العلم
][ســ^ع^ــود][
12 - 05 - 2003, 21:09
يامرحبا والله بالطويق وبدايه قويه والى الأمام
طويق
12 - 05 - 2003, 23:46
ياجماعة وين صفوفكم مافيه ملعب ألا بشاعرين وصفين

هلاّ ... ساعدتمونا...
موصاحي
13 - 05 - 2003, 02:28
يـامرحبــا يابـادع القــاف حيــاك
شفناك يمعرض على الناس مناك
ماني على بيبان الارزاق صـــكاك

مع الجهاز النت ياعيييييييييييين يالييييييييييييييييل

وان ذاك اللي يقول انت غاوي وان وان..........اهتوى التجنيب.. والنار في راس العلم
ماغويتك ياقطر ... ماغويتك يـا عمــــان ........ماش شك وريب..والنار في راس العلم


اهلين وسهلين وابقاك

يا طويق دووم حياك

فى مجالسنا عسا نلقاك


مع الجهاز النت ياعيييييييييييين يالييييييييييييييييل


جاك فارسن عزالله للملاقى فنان **** وابتداء التعذيب... والنار فى راس العلم

سبيعى وللمعارك جاهز قبل الاوان *** من غير تكذيب ... والنار فى راس العلم


:rolleyes: ردها على ان استطعت
smart
13 - 05 - 2003, 22:44
معكم على الخط

الصفووف جاهزه :D


وهناك تدخل من شاعرنا وفارس القبيله:eek: