تسجيل الدخول

مشاهدة النسخة كاملة : الصيفية

الواسم
15 - 07 - 2005, 00:31
السلام عليكم جميعاً ورحمة من الله وبركاته
وين تنسيق القصيدة ارسلت قصيدة والضاهر انها انمسحت
الواسم
15 - 07 - 2005, 08:38
الـمـدارس عطـلـت والـصـيـف تـــوه بـــادي
وبـتــدت فـــي مملكـتـنـا العـطـلـة الصيـفـيـه
وقال لي بعض العرب وشفيك وضعك عادي
كـن مالـك شـف فـي روحــه ولا فــي جـيـه
خـذ جــواز وخــذ تـذاكـر والمـطـار يـنـادي
ثــــم سـافـرمـنـه لأيــــة دولــــة اوروبــيــه
دولــةً فيـهـا السـمـاء ممـطـر وجــوٍّ هـــادي
والـسـعـادة والـطــرب والأنـــس والـحـريـه
قلـت غـادي راي واللـي يقـتـدي بــك غــادي
المصـايـف فـــي ذرى آلـسـعـود وسـعـوديـه
ابـسـافـر وابـصـيـف فـــي ربـــوع بــــلادي
فــي نحـيـة وانــت والـلـي يتـبـعـك فانـحـيـه
المـصـايـف فالـشـمـال اتـكــض بــالــروَّادي
ومثـلـهـا مـوجــود بالـوسـطـى وبالـشـرقـيـه
ورحـت للطائـف مصيـف آبـاي والأجــدادي
ديــــرةً فـيـهــا لـقـيــت الــراحــه النـفـسـيـه
ورحـت للميقـات وحرمـت وتزلـت الــوادي
وجيـت فـي مـكـة وبالحسـنـه دفـعـت السـيـه
وطـفـت فيـهـا وستعـيـت بـجـد وستـجـهـادي
وارجـــي الـغـفــار يقـبـلـهـا ويـغـفــر لــيّــه
وانشـرح صـدري بـجـده واسـتـراح فــوادي
وقمـت كـم مـن يـوم فاجمـل مدنـنـا الغربـيـه
ورحــت منـهـا يــم دار المسـتـكـا والـكــادي
وزانــت الطـرقـه وزانــت خـطّـر الطرقـيـه
وجيـت فالباحـه وصـارت غايـتـي ومــرادي
ديـــرةً تـجــذب منـاظـرهـا واهـلـهــا حــيــه
ورحــت لـلـي فوقـهـا الـبــراق والـرعّــادي
والمطـر يمطـر عليـهـا الصـبـح والعصـريـه
ومـن بهـا ابهـا قـام يشـدي بالـحـون الـشـادي
في سمـاء خضـر المرافـق وارضهـا البريـه
الـجـمـال يـزيــد فـيـهـا والــغــلاء يــزتــادي
وجاتبـي منـهـا الـظـروف الحاكـمـه جبـريـه
جاتـبـي منـهـا وانــا لــي شـــف فالمـقـعـادي
واستجـبـت الـهـا وانــا مـاكـان عـنـدي نـيــه
فــي بــلادٍ خيـرهـا لــي وولــدي وحـفــادي
وزود مصلحـة الوطـن مـن مصلحـة راعيّـه
واستـظـل بـلأمــن فـالـروحـه وفالـمـعـوادي
الـحـكـومـة عــادلــه وحـكـامـهـا شـرعــيــه
خالد الشماسي
15 - 07 - 2005, 21:06
الله الله يالواسم


جزلة من راس جزل بيض الله وجهك



لك اطيب تحيه وسنقوم بتنسيقها بعد ان يعمل تنسيق الشعر



لكم اطيب تحيه
الواسم
15 - 07 - 2005, 23:43
ماعليك زود ووجهك ابيض ياابو عمر وشكراً لك على مرورك المشرّف ووجة نظرك المشجعة
لك اجمل التحايا من اخوك الواسم
ابن مشعب
16 - 07 - 2005, 01:47
الله واكبر يالواسم


ابداع في ابداع ونبي المزيد



لاهنت يالذيب
الواسم
16 - 07 - 2005, 09:52
من قال ماهان ياابو مشعب شكراً على مرورك للصفحة والله لايهينك
لك تحياتي / الواسم
مشعاب
29 - 07 - 2005, 13:52
ابيض وجه يالواسهم


على الملازيم انها جزلة وتستحق تنشر في صفحة كاملة في جريدة الرياض



تكفى ارسلها لهيئة السياحة بالفاكس


واكتب عليها عناية رئيس الهيئة صاحب السمو الملكي سلطان بن سلمان


نأمل تكرمكم بنشرها في الصحف والمجلات المتخصصة




اخوك : ................................




وإن شاء الله تلقى لها طريق :)



ولا ارسلها على صفحات الشعر




محبك مشعاب اخو عجراء


حرام تترك هالقصيدة في يدوانك فقط
عيسى السبيعي
30 - 07 - 2005, 01:31
ماشاءالله عليك يالواسم

قصيده جزلة بالحيل

وصح لسانك يالطيب

تحياتي
الواسم
30 - 07 - 2005, 01:54
ووجهك ابيض ياأخوي مشعاب والله لايهينك على تشجيعك الذي اعتبره أكبر دعم وأقوى دافع من أخويٍّ عزيز0
الشي الثاني : رايك يقتدأ به ولكن انا لاأعرف الفاكس فإذا تعرفه ارسله لي كرماً وليس أمر
هذا ولك اجزل التحايا وفائق الأترام
الواسم
الواسم
30 - 07 - 2005, 01:57
أخوي الواسطة صح بدنك وبارك الله فيك وأشكرك على مرورك المشرّف
تقبل تحيات أخوك : الواسم