ما يوفي بالمواقف غيـر وافـي = يوم ولد الـلاش محـدٍ يلتفت لـه

[دسمان بن مشلهب]

بسم الله الرحمن الرحيم


قصيده اعجبتني للشاعــــــــــــر / بطي الاكلبي

قال من فكره تحكـم بالقوافـي
والقوافي لااشتغل فكـره سمتلـه


شاعر جرب بذا الدنيا وشافـي
والتجارب عن مدى الواقع حكتله

والدهر ورده مقابيـل ومقافـي
والطريق اللي يوصل فيه شتلـه

مايوفي بالمواقف غيـر وافـي
يوم ولد الـلاش محـدٍ يلتفتلـه

مايسد اللازمـه كـود السنافـي
لو رصيده صفر دورها وجتلـه

للحمول رجال والتعبيـر كافـي
كل حبل ينعرف نقضـه وفتلـه

من يبي يشرب زلال الجم صافي
مايوردها بـدون زنـود عتلـه

والزمان امان والدنيـا عوافـي
والله الدايـم وغيـره ماصفتلـه

والتجارب بينت لي كـل خافـي
تتضح واللي جهلهـا وضحتلـه

قالها اللي جرب الدنيـا وشافـي
والتجارب عن مدى الواقع حكتله


وسـلامـتــكــم





.

[مسعود الحويزي]

صح لسان الشاعر

وسلمت انامل الناقل

فعلا قصيده تحتاج الاشاده بها

وتعبر عن شاعر علم ومتمكن

تحياتي لك العاقل

[جعد الوبر]

مشكور وما قصرت والله لا يهينك

[محمد بن بطاح]

صح لسانة

وسلمت يمناك

وبيض الله وجهك ووجهه

[الله يجيب الخير]

يعطيك العافيه على نقل المميز
وصح الله لسان الشاعر