الضــــــيق والحــــــــــــــاجه

[دسمان بن مشلهب]

مساكم الله بالخير

اخواني مشرفين واعضاء وزوار منتدى قبيله سبيع الغلبا مبروك عليكم الشهر والله يجعلكم من صوامه وقوامه واليكم هذه المشاركه واتمنى ان تنال اعجابكم




منـولٍ لانصيـت الرجـل فــي حـاجـه
قـال اتشـرف مجيـيـك لـجـل تطلبـهـا

واليـوم جـار الدهـر وافتـرت المـاجـه
واهـل المصالـح معـي قـلـت مطالبـهـا

والمـال هـو قبلـة الـرجـال وسـراجـه
فـي ليـلـةٍ تـلـزم الـسـاري مناشبـهـا

يومٍ معـي مـال بحـري تصفـق امواجـه
والنـاس فـي وجهتـي تثـبـت مناكبـهـا

ويوم انتهـى المـال كـلٍ شفـت مخراجـه
فـي حالـةٍ تكـره الاصـحـاب صاحبـهـا

اقولـهـا والمـجـرب ينـفـع انـتـاجـه
فـي العـالـم الـلـي بهتبـنـا تجاربـهـا

والـرزق بأيـد الولـي حبلـه ومـدراجـه
والـنـاس ماتنفـعـك كـبـرة مناصبـهـا

ولاتعـرف النـاس قبـل الضيـق والحاجـه
وان حـدك الوقـت بيـن لــك مذاهبـهـا



وسلامتكم من قصايد الشاعر / بطي الاكلبي

[أبونواف{الثوري}]

][®][^][®][أخي العزيز {العـــاقـــل}][®][^][®][


أسعد الله أوقاتك أنت وجميع الإخوان

صح لساااااااااانك قصيدة إنسان مجرب وشاعر حكيم وكلها رائعة وجزلة ولكن أكثر ما أعجبني فيها هو هذا البيت

ولاتعرف الناس قبل الضيق والحاجه
وان حدك الوقت بين لـك مذاهبهـا


هذا ولك خالص تحياتي وتقديري

[النــادر]

صح لسانك هذي القصيده رائعه والي مزينها انها مقيوله من قلب وازين القصيد الي مثل هذي قصيد مواقف

[سعد المحمدي]

سلمت يمناك يالعاقل قصيدة معبره صحيح