أبوعبدالله
22 - 10 - 2005, 00:14
تبون الصراحه وين رحتي ودربك وين اسوق البشاير عند رجل يسنعها نصيفه مع اهل العرف وهل الوفاء والدين ونصيفه على ديار خلي بلاقعها تجافت بلاها من بعض جيلنا التا لين وهل الجيل الاول هلت الماء مدامعها انا اشوف لي ناس تمشى على وجهين عسى الله لبعض الناس يقلع قلا يعها ناس تحط العلم لسمعته لذنين ودايم على النمات ترخي مسامعها ناس تروح ايسار انا بروح ايمين والارزاق عند الله تجي من منابعها يقول المثل ما ضاقت الا على المسكين ترى نجد لهل العرف ربي موسعها انا والله اني ما تغير على الصافين ولا اردى مع الرديان واللي صفا معها احب الوفا وعطي البشاير على الوافين ترى رفقه الوافين مانيب اضيعها خذيت التجارب من زماني وشوف العين وتبهذلت با الدنيا العنا يوم اصارعها صديق الوفاء ماهوب ينسى مع الناسين يتسمع هروج الناس ولكنه يسمعها صديق الرخاء لشان وجه الزمان يشين تبين مواري هرجته قدم يطلعها اصاحب ميه ولا صفالي مغير اثنين لهم رفقه لا اعطي ولا نيب با يعها اذيع الخبر مبطي وذيع الخبر ذا الحين ومبادي غلاها ما تقطع توابعها وصلاه على المختار في كل سين وسين ابدي صلاه الله وكرر ورجعها قصيده للشاعر /هائف بن هادي ال محمد السبيعي