الشعراء مطلوبون هنا في ديوانية مشعاب

[مشعاب]

أنا ذالليل حاضر والمعاني بابها مفتوح= ومن يقدر يشيل الحمل يقبل والشحم فاله
خلقك الله يا مشعاب كنك في سفينة نوح = وكم من شيخ قوم طاح وسط البحر واشتاله





مشعاب اخو عجراء

[خالد الشماسي]

هلا يا مرحبابك والمعان الطيبات سروح = وكان أنك تبي الشيخ الكبير فدوك فنجاله
خلقك الله وسط الخير يا حالم بظهر اللوح =تعوذ من بليس ولا تجي مع صفة إعيالة




أبو عمر جاك يا مشعاب

[مشعاب]

هلا يا مرحبا بك يا كبير طاح وسط الفوح = تركد والمعاني ضوها في الهيش شعاله
أنا خابرك معنا ما نسيتك يا طويل الشوح = تعوذنا من الشيطان واللي معجبة حاله





حياك يا سنايدي

[خالد الشماسي]

ترى مالك على شب المقابس في الوهد مصلوح = تبي تجلس لحالك لا نحرق بيتك ومخياله
أدور حضرتك بين الفريق اللي توال الصوح = تغيب ولا تبين الا نهار الكون وأعماله

[مشعاب]

وهذي مدرسة مشعاب ما فيها كلام مزوح = بعجراي اتعكز والغشيم اصحى تشكاله
أنا هذا مكاني وأعتبره أعز مال الروح = وغيره لا نزلته شفت حال الشعر يرثاله

[خالد الشماسي]

دروسك نستفيد بها ونقرأ درسك المشروح = معلم لكن أن عجراك تهوى اللي يوراله
وليت إنك مدير عندنا في مرتبة ممدوح = وتجيب الصيد في الشبك الكبير وتفتح اقفاله

[مشعاب]

عسى الله ما يواجرهم ثعوا فيّه وأنا مشفوح = أحب الزين يا خالد وحال اخوك عزاله
موافق لكن اللي بعملة في شعبنا مسموح ؟= ابطرد ذالهوامل كلها وأجود احباله

[خالد الشماسي]

نبي نجند مباحث ربعنا ونشوف وين تروح = وسوق تشتري به لازم نراقب على ماله
عسى الله يحفظك واللي يجي من حضرتك مدموح = خطأ مثلك عسل عندي وما يفعله يحماله





شكرا لك أخي مشعاب


وتشرفت باللعب معك


أخوك ابو عمر

[طالب الغفران]

شكراً لشااااااااااااااااااااعرين
مشعاب @ أبو عمر
على هذى المحاوره الجميله وبيض الله وجيهكم

ولاهى غريبه منكم الشعر وانتم منبع الشعر ومدرسته



اخوكم // طالب الغفران

[عيسى السبيعي]

الله الله

مشعاب وابو عمر

محاوره منتازه بالحيل

من شاعرين كبيرين

تحياتي

[عيسى السبيعي]

الصفووووووووووف يالعيال

[خالد الشماسي]

طالب الغفران والواسطه شكرا لحضوركم


لو كنت داري ان حولنا احد كان واصلنا مع اخو عجراء


الله يحيكم والدور عليكم

[مشعاب]

بو عمر ما قصرت يا سنايدي والشرف لي طال عمرك

طالب الغفران شرفتنا بزيارة الطاروق ودنا انك تدخل في جدول المحاورات :)

الواسطه الله حيه مرورك اسعدني يا الغالي وإن شاء الله نعوض الصفوف بطاروق جديد


وين الجداول وين المحاروات تراك دايم معودنا بالعلم الغانم

[البدر]

الله

الله

لاهنت يامشعاب ولاهنت يابو عمر طاروق جميل جدا من شعراء كبار

نتمنى منكم الاستمرار ومنا التفاعل ....

اخوكم البدر

[محمد بن سلطان]

صح لسانك اخوي مشعاب وصح لسانك يا بوعمر ..

طاروق جميل وودنا لو انكم كملتوا عليه ..

تقبلوا تحياتي يا بني عمي ،،

اخوكم
محمد بن سلطان

[السيف]

الله الله ويش المحاورة الروعه

مبطين والله عن المحاوارات الجميلة

لاهنت يامشعاب ولاهنت يابو عمر طاروق جميل جدا من شعراء كبار


تحياتي