للي يبي غزل

[السيف]

السلام عليكم


العين تسهر والعباد رقود @ والقلب الاقشر ويش اسويبه
وهموم قلبي كل يوم تزيد @ هاجوس يوديه ويجيبه
على الشقاوه والعنا محدود @ مالله كتب تصفي مشاريبه
قلبٍ تلاعبه هبوب النود @ ولا ذعذع النسناس يسريبه
له قصة منها يموت العود @ وتابس عروقه في دواليبه
قصه تشيب قصة المولود @ والي قبل جربه يدريبه
قصه حقيقيه عليها اشهود @ والشاهد الله في مراقيبه
اثر الغلا يصير ماله فود @لا صار ماتلحق مطاليبه
واثر الغلا يصير سم اكبود @ لا صار ماتبرى عواطيبه
واثر الغلا مثل اليال السود @ لا صار ماتامن عواقيبه
هذي ثمان اسنين ولا زود @ والقلب ماتطفي مشاهيبه
على وليف يبذل المجهود @ يقبل بقلبي ثم يقفيبه

[البدر]

اثر الغلا يصير ماله فود *** لا صار ماتلحق مطاليبه

واثر الغلا يصير سم كبود *** لا صار ماتبرى عواطيبه


صح لسانك يالسيف وبيض الله وجهك على هالقصيده الرائعه والمنتدى يتشرف بوجود شاعر مثلك ونتظر منك المزيد

اخوك البدر

[الهريظمي]

انا مدري وش اللي جابني يمه ومريته

طريق كل ماأشوفه يذكرني بخلاني


تذكرته الصباح اللي جمعنيبه ومسيته

تذكرته من أول يوم لآخريوم مساني


هويته طفل صغير وعلمته وربيته

عشقته لعنبو جده وسواها ورباني


لعيون السيف هالبيات ذكرناها

الهريظمي

[ابن شطيط]

قلبٍ تلاعبه هبوب النود @ ولا ذعذع النسناس يسريبه
له قصة منها يموت العود @ وتابس عروقه في دواليبه


كلامك رائع

ويعطيك العافيه اخوي البدر


بن شطيط

[السيف]

السلام عليكم

مشكورين على مشاركتكم معي في هالقصيدة وانا ماني شاعر بس اسوي بويتات ولا علم بها احد الا في هالمنتدى الجميل

[ابن جـــــــراح]

السيف بيض الله وجهك

ولا هنت على القصيده الرائعه

وصح لسانك يا الذيب لا تحرمنا من جديدك

تحياتي لك

ابن جراح

[smart]

ابيااااات جميله في مضموونها ياااالسيف صح الله لسانك


لكن هناك بعض الملاحظااات من ناااحية الووزن

ارجووو منك ان تقبل هذي الملاحظه من اخييك

والربع اللي ردووا عليك ماشاء الله عليهم اكثرهم شعار

واحسن مني واعرف مني لكن هذي الملاحظه تقرقع في خاطري:D

ومادامك في بداياااتك الشعريه

بدااايه رااائعه

بالنسبه لي ياالسيف تراني لانيب شاعر لكن احب الشعر الى مثل ابيااتك


تقبل أجمل تحيه من اخييييك

[البدر]

مشكور اخوي سمارت على المشاركه وبالنسبه للقصيده هي موزونه بس على طرق قصير ماهوب من الطواريق الطويله

تحياتي لك


اخوك البدر

[السيف]

احبتي في الله
السلام عليكم ورحمة الله وبركاته
اما بعد

الاخ سمارت المحترم اشكر لك المرور والمشاركة في المنتدى
اما بخصوص وزن القصيدة او ابيات من القصيدة بأنها غير موزونه فأن القصيدة موزونه وعلى افضل وزن . ولكن ان كان لك وجهة نظر في بيت من القصيدة فيمكن ان تكتبه والمشرفون على المنتدى يحكمون عليه من جهة وزنه
مع اعتقادي الجازم ان القصيدة موزونه


ومشكورخوي البدر على توضيحك لوزن القصيدة وطرقها
ولكم مني جميعا الشكر والتقدير

اخوكم السيف

[عــــــديم]

بسم الله الرحمن الرحيم


هلااااا بك اخوي السيف ويعطيك العافيه على المشاركه الحلوه وفي انتظر الجديد