أغلى مواليفي

[عقاب البرازي]

مساكم الله باالخير جميع قصيده جميله متألقه للشاعر الكويتي /محمد بن هندي البرازي سبق أن نشرة بأحد المطبوعات الكويتيه أتمنا تعجبكم أنشا الله


يا اغلى مواليفي اقرى في عيونك كلام=
والكلمه اللي تـدور بخاطـرك قولهـا
انا عليّ ما تعدّى حـد سلـم الغـرام=
وانته عليك الخزايـن تفتـح اقفولهـا
ابديت لك عن عظيم الحـب والاحتـرام=
لعلّ نفسي تحصّـل منـك محصولهـا
البارحه ما اهتنت عيني بحلـو المنـام=
ليله وعدّت على طول السنـه طولهـا
ما كنّي الا غريقٍ في بحـور الظـلام=
يا كبر جور الليـال ومثقـل احمولهـا
تأثيرها بان في حالـي علـي الحـرام=
الله يستر مـن الليلـه ومـن هولهـا
وان قيل وش مشغلك قلت الغلا والهيام=
والعين والخـد والشفـه ومعسولهـا
والصبح والليل والسيف وهلال الصيام=
والضحكه اللي لمع مرجانهـا ولولهـا
والنظره اللي حرسها يرسلون السـلام=
تطرد همومٍ تصافق فالحشـى جولهـا
والقامه اللي خذتني في ربوع الحـلام=
سجلّنـي بدفتـر العشّـاق مذهولهـا
والبسمه اللي سوات البرق وسط الغمام=
اشوف فيها البشايـر عنّـت خيولهـا
والكلمه اللي تنّسيني شـروط النظـام=
اغيب مـن كبـر معناهـا ومفعولهـا
لو ان شعري يجيبك بالوصايف تمـام=
تلقـى كثيـر الاوادم تفقـد اعقولهـا
والغايه اللي عروقي من سببها حيـام=
عسى يدين الحظـوظ اتمـد وتطولهـا
اجهدت من شانها والمجتهد مـا يـلام=
اليا قصر دون شف النفـس وميولهـا
يصبر لو ان الصبر خلاّه جلد وعظـام=
ياليـن تصفـي لـه الايـام وينولهـا
والله لولا الصبر والجهـد والاهتمـام=
ما كان شفنا السعـاده بـان مدلولهـا
عذبات الاحلام للعاشق شراب وطعـام=
يعيشهـا والحقيقـه ماهـو بحولهـا
والكل مخلوق في دنياه غايـة مـرام=
يشعب ركاب الغرام العـذب لوصولهـا
يشقى ويلقى ليا حظه مع الوقت قـام=
يشوف الافراح فوقـه هلّـت اثعولهـا
الحب فطره وتزرع في قلـوب الانـام=
عانـوه عقّـال خلـق الله وخبولهـا
احدن بنى حبه بشيمه وقـدر ومقـام=
واحدن معاه الحقيقـه غايـبٍ زولهـا
محبتي لك لها بيـن الضلـوع احتـدام=
زودٍ علـى دورة الايــام وفعولـهـا
تقول ديـنٍ يجـدّد كـل يـومٍ وعـام=
اقضيه كان الجزيـره جـف بترولهـا
بعدك يعنّيني وقربـك يزيـل السقـام=
معاك اعيش الحياه اللي على اصولهـا
قولة خلاص انتهينا وابتدينـا الختـام=
والله لا ابطي عظم وامـوت مااقولهـا وسلامتكم،،،،،،،،،،،