يا الله ياربي عليك التوافيق

[دسمان بن مشلهب]

بسم الله الرجمن الرحيم

اخواني اليكم هذه القصيده للشاعر بطي الاكلبي ارجوا ان تنال اعجابكم




يـاالله ياربـي عليـك التوافيـق=عليـك يالله تكلتـي واعتمـادي

بديت بااسمك قبل بدع الطواريـق=قبل اتعمـق بالبيـوت الجـدادي

ياللي تفرج للصـدور المغاليـق=و قلوب جارحها الزمان العنـادي

دنيا معيشتها تصافـق تصافيـق=تصفق بااهلها مثل صفق الجرادي

من جورها سبع الخلا يطرد الريق=والضبع والخرتيت والبوم سـادي

دنيا حلاوتهـا لقطاعـة السيـق=اللي تبيـع وتشتـري بالـدوادي

واللاش لو ملكه ذهب يازن طويق=في اللازمه مااتعبت يمه جـوادي

موتي ولارفقـة ردي المعاليـق=اللـي حبالـه ماتربـط شـدادي

لو يخضر الحرمل زمانين ماذيق=مال الكبود الجايعـه فيـه زادي


وســـلامـــتـــكـــم

[أبونواف{الثوري}]

^&)§¤°^°§°^°¤§(&^أخي الغالــــي { العاقــل}^&)§¤°^°§°^°¤§(&^





أسعد الله أوقاتك أنت وجميع الإخوان الأعزاء



صح لساااااااان الشاعر الكبير {بطي الاكلبي} ولسااااانك يا أبو محمد وأشكرك الشكر الجزيل على نقل هذه القصيدة الرائعة والله يعطيك العافية ولا هنت يا الغالي



هـــــــذا ولك مني ولجميع الإخوان كل تحية وتقدير واحتراااااااااااااااااااااام

[جزل العطايا]

قصيده جزله واشكرك اخوي العاقل على النقله الطيبه ولا هنت