جزل العطايا
02 - 01 - 2006, 06:54
حنا الغلبا كسابة الطيب ++ تشهد لنا العدوان قبل القـرابه
حنا هل الميقاف وقت المواجيب ++ تاريخنا من عصر دور الصـحابه
حنا هل التقدير بين الاجــانيب ++ عند العرب نحضى بقدر ومهابه
حنا ليا هلت دموع الرعـابيب ++ نقدم على المـوت الحمر ما نهابه
حنا ليا صارت حـقوق ومطاليب ++ نأخــذ ولا نؤخـــذ نهـــار الطلابه
حنا ليا عكر لصافي المشاريب ++ نطفى ضماالعطشان مثل السحابه
حنا ليا هبـــت سموم اللـواهيب ++ ربيــــعنا يا بخــت منهو حـضابه
حنا ليا من كشر أنيابه الذيــب ++ ما نحسب حساب لقـــنيب الذيابه
حنا حماة الخيل والفطر الشـيب ++ يوم الليال الماضيه ينـــــغزابه
حناالدواء لجروح عطب المضاريب ++ لا طاح بالمــيدان ينزف صوابه
حنا مـقر الرأي عـكـف الاشانيب ++ صغيرنا فالرأي يحـسب حسابه
حنا ليا صاح المنادي له انجيب ++ يفرح ليا سـمع المنادي جوابه
حنا لضيف الجـار عـز ومعازيب ++ انجــود بالماجــود حــزت غيابه
حنا سيوف الحق بين الاصـاحيب ++ تــزداد فيـــنا بالشــدايد صــلابه
حنا وهبــنا عــالم السر والغيب ++ شــــــــجاعةٍ ما هي مع كل لابه
والنعم فى كل القبائل عن العيب ++ افعـــــالهم بالمـــجد حـافل كـتابه
اقولها من دون شكه ولا ريب ++ شــــاعر وامــجد لابـــتي بالنيابه
حنا هل الميقاف وقت المواجيب ++ تاريخنا من عصر دور الصـحابه
حنا هل التقدير بين الاجــانيب ++ عند العرب نحضى بقدر ومهابه
حنا ليا هلت دموع الرعـابيب ++ نقدم على المـوت الحمر ما نهابه
حنا ليا صارت حـقوق ومطاليب ++ نأخــذ ولا نؤخـــذ نهـــار الطلابه
حنا ليا عكر لصافي المشاريب ++ نطفى ضماالعطشان مثل السحابه
حنا ليا هبـــت سموم اللـواهيب ++ ربيــــعنا يا بخــت منهو حـضابه
حنا ليا من كشر أنيابه الذيــب ++ ما نحسب حساب لقـــنيب الذيابه
حنا حماة الخيل والفطر الشـيب ++ يوم الليال الماضيه ينـــــغزابه
حناالدواء لجروح عطب المضاريب ++ لا طاح بالمــيدان ينزف صوابه
حنا مـقر الرأي عـكـف الاشانيب ++ صغيرنا فالرأي يحـسب حسابه
حنا ليا صاح المنادي له انجيب ++ يفرح ليا سـمع المنادي جوابه
حنا لضيف الجـار عـز ومعازيب ++ انجــود بالماجــود حــزت غيابه
حنا سيوف الحق بين الاصـاحيب ++ تــزداد فيـــنا بالشــدايد صــلابه
حنا وهبــنا عــالم السر والغيب ++ شــــــــجاعةٍ ما هي مع كل لابه
والنعم فى كل القبائل عن العيب ++ افعـــــالهم بالمـــجد حـافل كـتابه
اقولها من دون شكه ولا ريب ++ شــــاعر وامــجد لابـــتي بالنيابه