يوم كل (ن) لابن عمه عصب راسه وشاش = شش يا راسي لا رحم رحم أبو مجناك شش

[ناصر المديري]

هذه القصيدة قيلت بمناسبة اقامة مزاين سبيع
وبعد تسليم الجوائز:104404311 .. تهيض الشاعر ناصر الفراعنه وكتب هذه القصيدة بمدة قياسيه!!:eyecrazy: :eyecrazy: :eyecrazy:

تعبر عن شاعريته الفذة فهو ظاهرة لن تتكرر ..وأنا من أشد المعجبين به :thumbup: ..



يوم كلن لابن عمه عصب راسه وشاش **:applaudit ** شش يا راسي لا رحم ابو مجناك شش



واترككم مع شاعر :104404311 عدنان:104404311 ناصر الفراعنه

http://www.sh3r.net/Sh3r/alfra3nah/shash.ram


للتحميل كلك يمين وحفظ باسم:104404311

هـنا (http://www.sh3r.net/Sh3r/alfra3nah/shash.ram)



ولمحبي ناصر الفراعنه هذه صفحة بها 14 قصيدة له بالصوت لعيونكم:yarab: ..

اظغط هنا (http://www.sh3r.net/modules.php?name=Content&pa=showpage&pid=175)

تحيات المديري:thumbup:

[ابن سلامه]

بيض الله وجهك اخوي وانا اشوف ان المنتدى قايم على الله ثم عليك ولايهونوا عيال عمي الباقين.
فتكم بعافيه.....................................

[ناصر المديري]

حياك الله أخوي بن سلامه

مالك لوا وانا اخوك المنتدى مهب قايم علي .!.....قايم برجال الغلبا والنشامى مثلك وشرواك

لا عدمناك

تحياتي

[عايش ابوليل]

لا هنت يالذيب على النقل المميز ..


سلمت يمناك .. وصح لسان الفراعنه .. تحياتي

[ناصر المديري]

عايش ابوليل يا مرحبا بك ومسهلا ..

الله يسلمك ولا هنت على المرور

[smart]

تسلم يمينك على هذا النقل


وصح لساان الشاعر الكبير ناصر


تحياااااااااااتي

[ناصر المديري]

أخوي سمارت الله يسلمك

ومشكور على المرور

[جري بن هملان]

تسلم يمينك على هالقصيده
وصح اللسان الشاعر
الاخ /السبيعي123
الى مزيدا من الابداع

تحياتي

[المفيلحي1000]

الله يبيض وجهك
موضوع متميز جدا
وصح لسان الشاعر (فرعون الشعر) ناصر الفراعنة على هذي القصايد المميزة

ولو سمحت لي بسؤال:هل يوجد موقع الكتروني يضم جميع قصايد(ناصر الفراعنة)


وشكرا ..........

[ناصر المديري]

هلا بك يا جري بن هملان ويا مرحبتين

[ناصر المديري]

هلا بك يالمفيلحي ..

والله الظاهر توه ما سواله موقع لكن أتمنى ذالك لأنه سيرضي جماهيره الواسعه ..

تحياتي

[ابو راجس]

بيض الله وجهك علي هذة القصيدة



تقبلوا خالص تحياتي
أخوكم\ابوراجس

[ابن جعوان]

http://sobe3.com/up/uploads/images/sobe3-fdc4bfd37b.gif (http://sobe3.com/up/uploads/images/sobe3-fdc4bfd37b.gif)
http://www.almillion.net/media/web/salam.gif
http://sobe3.com/up/uploads/images/sobe3-6e0f60d4e1.gif (http://sobe3.com/up/uploads/images/sobe3-6e0f60d4e1.gif)
http://sobe3.com/up/uploads/images/sobe3-fdc4bfd37b.gif (http://sobe3.com/up/uploads/images/sobe3-fdc4bfd37b.gif)
:أخي: ناصر المديري : بارك الله فيك :

صح السااااان الشاعر
وبيض الله وجهك ماقصرت طال عمرك
اصفقلك على نقل القصيدة الراااائعه
والله يجعلها في ميزان حسناتك
http://www.sarkosa.com/vb/uploaded/26714_pinkhand.gif (http://www.sarkosa.com/vb)
تستاهل
تقبل مروري لاهنت
http://sobe3.com/up/uploads/images/sobe3-fdc4bfd37b.gif (http://sobe3.com/up/uploads/images/sobe3-fdc4bfd37b.gif)
أخـوك
أبن جعوان

[خيَّال الغلباء]

ناصر المديري مشكور وما قصرت وصح لسان أبو فارس

[lion1430]

جزاك الله خير

[عواكيس]

مشكور يالمديري

[حزم الجلاميد]

جزاك الله خيرا

[خيَّال الغلباء]

يوم كل لابن عمّه عصب راسه وشاش=شش ياراسي لارحم رحم ابو مجناك شش
يوم جينا للمزاين وغاض الماء وطاش=بانو اهل البل وبان الاصيل من الغشش
يوم جاكر ذودنا ذود الاجناب استغاش=ذودنا يفرق بفرق البصير من العمش
طقّ للذيدان باصبع وهيض الجاش =جاشجعل ابو من يجحد الحق يشرى له نعش
اربع الذيدان سيقت على ريع مشاش=كنّ خّّدّه زبرقان الحريراليا انبرش
بين صفرا واشعلا كنّها طش الغراش=بين ملحا وبين وضحا تقل وجه امغبش
ولّّ قلب دقّته كنّها طلقة كلاش=يوم صيّّح"عامري""لعمري" والديم رش
كن تنظّام الجماهير وغترها تباش=طقم لولو في ثغر حلوة المبسم بهش
زبدة الاربع ثلاث رقشناهن رقاش=يافهد والرابعه جالنا فيها امخمش
ولو لفونا من هل الوادي الاقصى هتاش=وادي سبيع المقدس لفانا من هتش
كان اخذناالاربعه حاضر بحاضر وكاش=ورثنا هي ورثنا دونها لطم الخشش
يا بن علوش البل البل ربوعي يا بلاش=هم هل البل دونها ورّدوا خضر النمش
يافهد حنا هل البل مدلهة البواش=دونها ما ينتفخ راس شيخ الا ويفش
دونها كم روس قوم على الرقه تطاش=دونها سوق الرصاص الحمر جيناه دش
دونها كل اشقر بالشبيلي ما يحاش=للنحر رمح مدبّب وللعلبا مقش
دونها حشنا السلاطين بالبيض الحواشّ=ولا انفهقنا لين عوّّد غضنفرهم (...)
دونها ملعون ابو من يبيها له معاش=غصب ولا بالرضا تفدي( دغيش) و(دغش )
دونها شهب المعارك دفشناها دفاش=مثل يوم (عريق )و(طويق) و(دوارة نعش)
وغير وقعة (حنو) وقعة (غراميل الفراش)=وهية في (جو ساقان) بارقها رهش
يا فهد يا ما حلا تدريجهن يوم للسيل ادّحاش=في مداحي عثعث حطه الوسمي منشّ
في رغد قاع زماليق جيّّانه تجاشاش=هرين وادهم الغيث فوقه يمتحش
يلعب الزملوق في خايعه لعب الفراش=وام سالم تطلب وابو سالم يبرهش
غادي كنه زواليف سجاد تهاش=من عقب ماهو مثل خدّة الوجه الخرش
كن صوّّاك الغضا فيه بوّابة قراش=كن زهر ورده طرابيش ترك تدّهش
كن زبيديّه ليا صلّعت روسه وكاش=روس حجّاج عقب حلّقوا سود القشش
اول الاربع جهامة مجاهيم تناش=كنهن سهّاب نوّ على القمرا غطش
لا نثعن كنهن سبيب ادهم غاد طشاش=وان تتالن كنهن من طوابير الحبش
من زبار (الخاطبيه) ليا (حزم الرقاش)=في عروق سبيع نزو المجاهيم ايهقش
مثل ممشى الحافيه خايفه وطي الخشاش=لا امهلن وان عجّّلن يلعبنّ الطرقعش
قطف ما في اوبارهن لأمّّ ريحانه عراش=والمذيّّل مثل ريش النعام المنفرش
كنهن روس تحاذف غترها في هواش=لا نحوهن عن هواهن وضاميهن جهش
كن بين عيونهن ضوح نار في قشاش=وكن وبرهن يمرخونه بماء عين iلوحش
كن فحلهن بينهن يوم جاء يدقش دقاش=وهنّ من حوله صفوف تجش القاع جش
حاكم يهتف له الشعب كله عاش عاش=كبّروا راسه ولا عاد يحتّشه محش
ول يا ملحا تحت ظل السبيعي ماتناش=كنّها لاشفتها يافهد ترعى المشش
بنت شيخ لبسوها اسود الخامه قماش=في حداد وعمرها ما تعدى اربع طعش
وثاني الاربع شرارة مغاتير بشاش=كن وبرهنّه برشّّ من الفضّه يرش
كن مرافضهن صياني سلاطين غباش=كن قريش اثفانهن سنديان منقرش
وصف قبّة مسجد سقّفت بالبيلكاش=وصف مردودم سنام على العطّّف وقش
كن حسّ ارغيّهن قرقشة طفل بقاش=وتضحّّك خفرة غازلت راعي بكش
كن بلهان الفحل بينهن يوم استهاش=ثم هدر واضحن خشيع خضيع ماتهش
ضابط افراد لقى وقفة الطابور ماش=فار دمّه ثم عطى الامر "ثابت يا حوش"
ول يا وضحا كنّها قطنة تربط بشاش=فوق اصيبع جاهل طشّ دمّه ثمّ نش
كنّها تحت الذرى من عقب طق الرشاش=جادل دوبه خذاله يابن علوش دش
كنّها لا فرّّعت مع ظهر حزم نكاش=خفرة ضاقت وذبّت عبايتها طفش
لا اختفى بدر الظلام اكشحت مثل الفلاش=وان تبدى زادت النور نور وارتهش
وثالث الاربع من الصفر حلوات الرهاش=كن سمار ازوالهنّّه قصور في جرش
تقل ساعة يفترشن ابيض الارض افتراش=روس اصابع حرّّة بأخضر الحنّا تمشّ
كنّ حسك ظهورهنّه ذواليق العشاش=بينها القمري بنى له مية عشّ وعش
كن علابيهن ورزّّات الآذاني هواشّ=قبّّعة جندي خفر صوّّتوا له وانخرش
ووصف قاعة برلمان تلاقوا للنقاش=وصف دمث اردوفهن لا تبدّن عقب طشّ
كن لعوب اذيالهن لاغدى يرعش رعاش=قرن مملوح بليلة زفاف اخته رعش
كنّهن نسوة شريف تلاقن بالمقاشّ=يوم غارن من بعضهن تلاقطن الشوش
ورابع الاربع من الشعل حلوات المهاشّ=في الدحى كنهن شيوخ مذهّبة الجمش
كنّ وصف الشعل فوق ابيض الخد الحراش=عقد سلسال على صدر ابورمش عكش
كن غواربهن محاريب رهبان نواشّ=جرّة الميسم عليهن تقل جرّة حنش
كنّهن ضوح الشفق يوم بارقهن تواشّ=او كسر ياقوت حدري مصابيح توشّ
وكن حدرهن يخت ملياردير فوق طاش=وكن اذانيهن مزامير عبّاد الدبش
كنّهن حدر المطر خرّد بالما تراشّ=والحويّر تقل ورع يدوّر له مخش
كنّهن برشوم وجّّ المذهّّب في القراش=تغري الضد المناحر والى هّدّ ابتلش
يا فهد هذي وصوف البل جاشت بجاش=شاعر له فوق عرش الشعاره مدّّقش
يافهد جاني على سبكة المعنى خراش=كنّ بين اضلع حشاي الف جنّّيّ غوش
افرق (النقطه) عن (الفاصله) بثنين (داش)=لا أبو حشّ الردي لا أبو واليه حش
لا أبو عين عن الشوف لاحقها عماش=لا أبوها اذن عن السمع لاحقها طرش
ذا وتالي القول مثل اوّّله واللاش لاش=شش ياراشي لا رحم رحم أبو مجناك شش

http://www.sh3r.net/Sh3r/alfra3nah/shash.ram

للتحميل كلك يمين وحفظ باسم : 104404311

هـنا (http://www.sh3r.net/Sh3r/alfra3nah/shash.ram)