دفع الجزية لابن رشيد

[الزناجه]

سؤال تداركني في مجلس كنا فيه البارح
وارجو من من يعرف القبيله التي لم تدفع الجزيه لبن رشيد
من هي قبيلته من قبائل سبيع
ارجو الرد ولو بالمعرفه البسيطه
من هي القبيله ارجو التفاعل وعدم العنصريه
التي تداركت بن رشيد وهو ضان انهم قادمون ليعطونه الجزيه وتفاجئ بنهم قد اغارو عليه
وهدموا خيمة بن رشيد على راسه
هذ ماسمعه من الشيبان واريد تفاعل ابنا القبيله
ودمتم ولكم مني جزيل الشكر

[العويد]

اهلا بك اخي الزناجه

كل القبائل اعطت الجزيه لأبن رشيد الا ثلاث قبايل هي سبيع والسهول ويام وكثير من قبائل نجد اعطت الجزيه لأبن رشيد والدليل على ذلك هو قو شاعر بن رشيد :


كل قد ذاق حرب سيفه وطاوع = الا سبيع والسهــول ويام
وكان ذلك بعد ان غزا بن رشيد سبيع في الوقعه المعروفه الحنو وهزم في تلك المعركه هو ومن معه من شمر وحاضرة حايل والدليل على ذلك قول شاعر بن رشيد

وقد قال شاعر ابن رشيد على لسانه :


جيت ابي لحيات بالماريه =قيل مامثله مع العربانـي
تشبهه مع زايد الريشيه= خردن في روشن السلطاني
هو كرت فوق الميه شويه= روحت مع سايح الريضان
اشهد ان لحيبات بالماريه = فوق وصف يقوله العتباني
مير دونة شذره الهنديه =واربع جموع من السبعانـي
وياهل الوديان ياحورية =احذرو علـم يجيكـم ثانـي

ولحيات هي ابل القريشات ( ابل جري بن هملان ) وقد شاركت اغلب قبائل سبيع في هذه الوقعه سواءا من الخرمه او رنيه.. ومن المعروف الذي مدح ابل بن هملان لأبن رشيد هو واحدن من عتيبه والدليل على ذلك القصيده اعلاه

وقد رد عليه شاعر القريشات :



ما تركتوهـا لنـا ماويـه =لين ذقتوا ضربت السبعاني
وان رجعتوا عندنا مثنيـه =ضربت تقضي على العدواني
دون لحيات الف واربع ميه = بين ابن ناصر وابن هملاني
والعسيلي عزوةٍ مسميـه = من سمعها غادر الميـداني
يحسبنا الضيغمي شاويـه=مادرى انّا نيتـم الوغـداني
وإنتمنى صيد راس الحيـه=يومها اللي توفي الديـاني

ان شاءالله اني افدتك

اخوك العويد

[الزناجه]

بيض الله وجهك اخوي العويد
وماقصرت على المعلومات القيمه
اخوك الزناجه

[محمد بن سلطان]

بيض الله وجهك اخوي العويد .. وصح لسان الشاعر ..

هاذي سبيع وهاذي عوايدها ..

تقبلوا تحياتي ،،

اخوكم
محمد بن سلطان الثوري

[اعزيزي وافتخر]

صح لسانك وهذي عوايد الغلبا

[بعيد الهقااااوي]

صح لسانك وهذي سبيع الغلبا



اخوك بعيد الهقااااوي

[راعي الوضح]

الله لا يهينك ويعطيك العافية

[العـــــــــارض]

السلام عليكم ورحمة الله

اولا اجابه على سؤال الاخ الزناجة .. فهي قبائل سبيع كافة

اما بيت الاخ العويد فهو لعجران وليس لابن رشيد .. ولعله يبحث فيتاكد.

وعلى كل حال سواء كان لعجران او لغيره فقد عرف من قديم الزمن ان قبايل الجزيرة كلها كانت تدفع الجزية او الاتاوة لابن رشيد الشمري في حايل ماعدا ثلاث قبائل .. سبـــيع وبني عمهم الســـهول وقبيلة اخرى العجمان .

[العويد]

العارض ياخي لا تاخذك العزه بالاثم انت تناقض نفسك بنفسك,وسواءا البيت لبن شرفي ولا لشاعر بن رشيد ,,الشي الثاني الظاهر ان عندك عمى الوان لأني ماقلت البيت لبن رشيد الله يصلحك

الشي الثالث مهوب مهم قائل البيت بكثر ماهو مهم معناه والظاهر معناه واضح للجميع !!!!

بن رشيد ماله الا كم سنه والشيبان جميعهم مافيهم اللي قال ان سبيع دفع الجزيه لأبن رشيد ,,ولو دفعوها على الأقل بيكون ذكرها واحد وهذا شي طبيعي ,,العرب كانوا يدفعون للأتراك ومن ضمنهم بن رشيد الله يصلحك

اذا عندك اثبات هاته ولا تقعد تبوبي وسبيع مهيب في حاجة دفع الجزيه لأبن رشيد لأسباب كثيره منها ان ديار سبيع بعيده كل البعد عن بن رشيد وبينهم ديار وقبايل كثيره وبن رشيد حاول انه يضم ديار سبيع ولو يكسرهم مره وحده وغزاهم في موقعة الحنو االمعروفه وارجع لتفاصيلها ولكنه رجع مع حاضرة وخضيرية حايل لديارهم وبعدها تهدد وتوعد سبيع لكنه مارجع بعد معركة الحنو لديار سبيع !!!!

[تركي المشعبي]

الأخ العويد عسى ربي يطول حياتك وحيات شيبانك الغالين
أشهد بالله إنك ماقصرت في ردك على سؤال الزناجه أنت على الأقل أشوى منا عندك دلايل في ردك
أماغيرك أيهرج مايعرف عن الموضوع شي .
على العموم ماقصرت وأتمنى لك دوام الصحه والتوفيق يالذيب ...........................................


وتقبلو تحياتي /تركي المشعبي .

[العـــــــــارض]

السلام عليكم ورحمة الله

يالعويد العميان انت مهوب انا

((والدليل على ذلك قول شاعر بن رشيد : ))
((وقد قال شاعر ابن رشيد على لسانه ))

واركد جعلني مابتسيك .. اقرا السطر الاخير زين !

وانت ياتركي مدري انت تقصدني ؟
على كل حال انت حالك كحال المطبل .


سلام عليكم

[تركي المشعبي]

العارض قبل أن تقول الكلام أوزنه وتأكد منه ولا يوجد تلك الحاجه الضروريه لبعض الكلام لأنه شرهه على قايله أنا لم أقول أنت بأسمك ولا كن إذا كنت تريد الكلام هذا فيك فتستاهله
وأنت ينطبق عليك المثل اللي يقول
(( وجنت على نفسها براقش ))

أصلح الله حالك ..................

[العـــــــــارض]

اصلح الله حالنا وحالك .. وحال العويد .

[العويد]

العارض الظاهر انك راسب في الهجاء والقراءه الله يهدينا وياك ؟؟؟

هناك فرق بين قال بن رشيد وقال شاعر بن رشيد

واذا انت شمري فمرحبابك في محلات سبيع الغلباء

واذا انك جيت بس عشان خذتك العزه بالأثم فهذا مانريد منك إثباته

وخلنا الحين من البيت وياليت تثبت صحة كلامك اللي ذكرته فوق بأن سبيع كانت تدفع الجزيه لأبن رشيد وخل عنك الخنبكه

وسبيع مادفعت الجزيه لا لبن رشيد ولا حتى لبن سعود ..وسبيع هي اللي ترسي حكومه وتنزل حكومه الله يصلحك ..!!!

أتمنى منك إثبات كلامك ولا فكنا من المهاترات اللي ماتودي وتجيب..

في إنتظار ردك وأتمنى يكون مثبت مهوب كلام إنشائي قال فلان ولا علان ( يعني مثبت بقصيده ولا مصدر كتاب معترف فيه )

---

الأخ تركي وسع صدرك وانا اخوك بتشوف من هالنمونه واجد

أخوكم