وقعة بين سبيع ومطير على الماء...

[المراغين]

السلام عليكم...

هذي أول مشاركة لي وارجو ان تقبلوني...

هذي سالفه بين سبيع ومطير سامعها من واحد من الجماعة

السالفه تقول:

كان حول الماء أو البير رجال من سبيع يسقون أبلهم وجاتهم قبيلة مطير يطلبون الماء وردوهم سبيع وقالوا مطير ( معنا نسوانا والحلال والوراعين عطاش ونبي نرويهم ) وردوهم سبيع ولا عطوهم شئ رجعو مطير لديرتهم وقالو ( يانموت عطش ولانموت غزا ) قالو ( نموت غزا ) وغزوهم في الديرة سبيع علشان يلهونهم بالقتال والنسوان يملون الصميل بالماء وصارت الغلبة لمطير وخذوا ابلهم وحلالهم ونسوانهم ورجعو لديرتهم .
راحوا سبيع لمطير وقالو نبي حلالنا ونسوانا قالو مطير هذي كسبناها بالغزو وحنا مانب نرجعينها بس خذو نسوانكم وتوكلوا.
رجعوا سبيع لديرتهم وكان ضمن الحلال الي خذوها مطير فرس طيبة وقام راعيها وحط قصيدة فيها معناها يرثيها ويوعد مطير بالغزو في ابيات ماهيب واضحة وفهموها شعّار مطير أن سبيع بتغزاهم وجهزو اعمارهم على انهم بيقنصون وهذي خدعة لسبيع وهم راجعين من القنص واجهتهم قبيلة سبيع ومطير قدامهم وجيش من وراهم وحاصرو سبيع وقالو وش عندكم قالو سبيع حنا نبي نغزاكم علشان عندكم فرس طيبة لنا قالو مطير خلاص العشاء عندنا الليلة ولا يصير الا كل خير راحوا سبيع للعشاء وتعشوا وخلصوا قالوا مطير تبون الفرس قالو ايه قالوا عانها في بطونكم
اثرهم تعشوا على الفرس .

وهذي السالفة لها قصائد والي عنده لا يبخل علينا علشان نتاكد من صحتها.

[مشعاب]

هههههههههههههههههههههه


يا زين هروجك .... أكيد انك مكثر من لحم العيد



لا جبت مكان القصة ولا أسماء أهلها ولا زمانها


ولا علمتنا باللي راوي لك القصة



يعني بالأصح كلها خثاريد ودوادي ضايعة

[الودهي]

أقول شهر ابريل توه باقي له شهرين عشان انظم قصتك في كذبة ابريل

القصة من اولها لما اخرها كذب في كذب

ذكرتني في عراقي يقول الواحد لما يبي يكذب لازم يكون الكذبه مرتبه
هذا يسمى كذب مخربط

بس حلوه خذو حريم سبيع أقول حبل الكذب قصير

بس والله عيب أول مشاركة لك كذبه

الله يستر من الجاي اخاف تهد المنتدى علينا من الأكاذيب

[خالد الشماسي]

أخي المراغين

أنت من أي قبيلة ؟


ننتظر جوابك

[اخو شما]

خرابيط :whistling

كأنك تقرأ الف ليلة وليلة

[بن جميع]

الكلام هذا غير صحيح ولايقبل ان يقال في سبيع الغلبا مثل هذا الكلام .والله اللي عزنا ما لاحد منه . اتمني من ادارته المنتدى حذف هذا الموضوع . وعدم وضع اي موضوع مستقبلاً الي بعد التاكد من صحته .

[اعزيزي وافتخر]

السالفه غير صحيحه

[النمر]

يالربع عطوا سداح فرصه

كل قصه ولها مايدل على صحتها مثل :

1ـ قصيدة شاعر بالأسم ان وجد .

2ـ القرائن الموجوده مثل البير في القصه وين موقعها .

3ـ ذكر بعض الأسماء لمن شارك في القصه.

4 ـ زمن القصه .

5ـ مرجع الراوي في القصه.

ولا لو القصص بهذا الشكل مبهمه كان المحششين شيوخ وفرسان

لايشق لهم غبار وأخيرا" سامحونا على التشبيه لأن بعض البربسه نتنه.

[سعد المحمدي]

وراحو سبيع هاه ولقوا مطير هاه
قل غيرها بس

[ناصر المديري]

أقول لانت مرغاني ولا قالها الله .. والظاهر انك حاقد من الحاقدين اللي يحاولون ينتقصون من تاريخ سبيع

لكنهم ينفخون في جربه مشقوقه وانا عمك ويا جبل ما يهزك ريح ربعي هل الطولات وان كان مادريت عزالله ماقعدت عند رياجيل يا اللاش!!

ولا يهونون بني عمي

[ابن وندان]

اخوي انت طالع من المريخ بالسالفه سبيع تاخذ ماتنهب
كمل نومك وترك اسبيع في حالها

[الواضح]

اين الراعي

اوترفع عن الرد

[راعي الوضح]

أخاف سبيع صارو هتيم
توخذ حريمهم وهم يشوفون
الله يهديك بس نسيت انك تتكلم عن أعز قبيلة على وجة الأرض
يا أخي العزيز لو تشوف طبايع القبائل كلها وتشوف طبع قبيلة سبيع كان تمنيت ان تكون سبيعي ولا ان ربي ما خلقك
الفروسية و الشجاعة كل قبيلة فيها حقها من رجالها وكل قبيلة لها ديارها
بس وين الصفات الحميدة هل هي في كل القبائل
لا والله لا والله
لو تجاور السبيعي يوم واحد وتوخذ ابلك ونت شاد من عندة ردها لك
وجميع قبائل نجد لو تجاوهم عشر سنين وتشد من عندهم لحقوق وحذو ابلك
لا يقدرون جيرة ولا يعرفونها
اتق الله في نفسك بس انا عاذرك تدري لية
لانك تتمنى انك تكون سبيعي بس ما حصل لك وتبي تعز قبيلتك على حسابنا
اشهد أن لا ألة ألأ الله وان محمد رسول الله
وأن قبلة سبيع أشرف العرب وأعزها

[الزناجه]

اقول يالربع هذ فاضي جاين يذكن عندي علم
والله ان علمه سنه مقفاه ولا تهينون يالربع
بعدين داخل بسم المراغين عزالله انك نقص ماتسوى هاالاسم
ياخي اذ عندك علم انصحك تجيب الوالده من جمبك علشان اتصححلك
ماخبر به قبيله تطرد جيرانها يالخبل
وبعدين سبيع معروفة بانها تحمي الجار حتى المره منا تحمي وتدخل المستجير

[المتوهج]

هذا سفيه

يامشرفين احذفوا موضوعه اللي كنه وجهه البارد

[polepop]

السلام عليكم

[polepop]

:darkbardo السلام عليكم
اضن اني اعرف طرف علم بالموضوع والسالفه طقه ما هي ذبحه المهم هذول ناسن من الاخوان وينتمون لمطير وكانو يبون الما وكان عند الما عدن وولده والله مذكر وش سبب محاولته لمنعهم ولا كنهم ضربو العود ووردو الما المهم انهم تحروهم وضربوهم وكانت حول رماح واستدعى عبدالعزيز محمد بن مفرج ابو ثنين بشكوى من الدويش بصفتهم تابعين للاخوان
ولما دخل مفرج على عبدالعزيز كان فيصل البشري الدويش مع فيصل الدويش وفيصل ذابح ابو فيصل البشري الدويش وخذى الاماره المهم انه سال مفرج وينكم عن منزلكم الي تطقون به الضيفان رد عليه مفرج يا مكرم الضيف لو فيك خير ما تبعت ذباح ابوك ولبسته كنادره المهم المنزل تفركش طلع عبدالعزيز والدويش و مفرج وطلب عبدالعزيز مفرج واول ما شافه سأله تهقاه يذبحه ورد والله ما يذبحه الى انت المهم والله انا اسف على طرف العلم بس هذا رد على طرف علم يعني انا معذور انتها.
:darkbardo

[محمد بن سلطان]

مدري وش صاير ..

الافلام الهنديه اكثرت في المنتدى عندنا ..

لا حول ولا قوّة الا بالله العلي العظيم ..

[رنيه المفيلحي]

الموضوع كذب في كذب ليه جد يعرف جميع وقائع وغزوات سبيع ماذكر هذه القصه وكيف يغزون عليهم ويتعشون عندهم

هههههههههههههههههههههههههه