حاولت لكن..

[لفــظ المعـانـي]

السلام عليكم ورحمة الله وبركاته.. هذه اول مشاركة لي في هذا المنتدى واتمنى ان تكون مشاركتي هذه تليق بكم وتحوز على اعجابكم ..


ياملتهي بغيري غرامك نسيناه = ماعاد لك في داخل القلب منزال
انت السبب في هد حب بنيناه = طاوعت ناسٍ همها قطع الاوصال
ماكل كسرٍ ينجبر لو جبرناه = ولا كل ميلٍ ينتعدل الى مال
حاولت لكن من تجاهل جهلناه= يلي تحسب ان الهوى لعب جهال
افرح معاهم وانس شيٍ بديناه = جربي هواهم والعبي لعب الانذال
ياخاينه خنتي بعهدٍ قضيناه = كان العهد نبقى على كل الاحوال
من باعنا ياخاينه ماسألناه = ولانلتفت لو دمعها بخدها سال
ياكاذبه كذبك علينا كشفناه = حبل الكذب يقصر ولو حبلها طال
والله ان يموت اللي غدر مارجيناه = مانرتجي من عامل الحب بهمال

[الهداف]

لفظ المعاني

صح لسانك يالغالي وحياك الله بين ربعك ونشكرك على هذه القصيده (الممتازه) من حيث الوزن والقافيه (الجيده ) من حيث المعنا وليس تقليل من معنى القصيده ولكن
يأخي (ماكل مايطري على البال ينقال) ---الله يعطيك العافيه وتقبل تحياتي

[عويد المجمعي]

صح لسانك ياخوي ومشاركة فعالة بس انصحك من الهوى ودروبه وخذ هذا البيت بالإعتبار
من راح من كيفه وكيفه موديه خله على كيفه وكيفه يرده

[+*رمح العنــا*+]

ماكل كسرٍ ينجبـر لـو جبرنـاه ولا كل ميلٍ ينتعـدل الـى مـال


اخوي لفظ المعاني


صح لساااااااااانك والى الامام دائمآ




اخوك رمح العنا