مفيلحي وعتز
16 - 02 - 2006, 21:30
يا لله اللي ما خشى غير خوفي منه خــوف
لأشـريكٍ له بـــملكه ولا يـــــعبد سواه
فيك تشخيص البصــاير ولك مد الكـفـوف
يا كــــريمِ يكرمون الاكارم من عطاه
عالم اللي ما اعلمه شايف اللي مانشــــوف
خـــافيِ سره والإسرار ما هيب تخفاه
لاجفانا القـــل واللي روابــعهم ضــعــوف
جــــعل ربي ما يرينا غضبه ولا جفاه
ولانقفل بابِ من الرزق حراسه وقـــــوف
فتحــــت بيبان الأرزاق من كل اتجاه
والله إني شره وان هقوتي تــــرقا الطفوف
مير عيا يستحي الفقر من وجه الغناه
كم تعبنا نحسب الجهد يـــــثمر ومخـــلوف
وكل ماغرزها على قوز ينطحها حصاه
راكب اللي مثل نصبٍ غبش قدم القـــــنوف
شاص (لاند)ألفين تشفي على شوفه شفاه
لاعترض روس الشطرطون قدام معطــوف
كالشفق الاحمر على حد نوٍ من صحاه
فالطعوس البيض يزمي على روس الطنوف
مثل ماتزمل سحال الحليب من الرغاه
لاانقرش من عالي العرق لاكنه محـــــذوف
مثل حيدٍ موميٍ من علوه لا وطـــــــاه
مثل شغمومٍ على خدمة الخـــوة ولـــــــوف
ايتغانم شبة النار قــــــــــدام أخــــوياه
وكن سبيره حبة الخـــال في خد الهنــــوف
لا لقت خطوا عشـــــــــيرٍ تبين له غلاه
دق سلفه يركب الزيت من فوق البلــــوف
لاقضيت الفرض الأول وفضت من الصلاه
وامش من بطن الشقيقة سلمت من الصدوف
ونحره بيت ابن درعان في بطن الغضاه
بيت شرهين الهقاوي مدلهة الضـــــــــيوف
ومســند اللي طالبٍ عونـــــهم وجهٍ وجاه
عند أبو فارس تريح على بن وخـــــــروف
وان نشــد مفلح وش العلم قل علمي عـــفاه
الرجال تقول ما ينصى عند الظــــــــروف
كود رجالٍ يسد الــــــــــــلزوم لمن نصاه
ولا يصيد النعم ويصير له بالمــــــدح نوف
كود رجـــالٍ يعشق الــمراجل من صباه
لانشرح وضعي لمثلك سلمت من الحسوف
إن قدر وان ما قدر ما ينقص مـــن غلاه
ان قدر يدرك لزومي ملكني بمـــــــعروف
وان تعذر عن لزومي عســـى الدنيا فداه
لأشـريكٍ له بـــملكه ولا يـــــعبد سواه
فيك تشخيص البصــاير ولك مد الكـفـوف
يا كــــريمِ يكرمون الاكارم من عطاه
عالم اللي ما اعلمه شايف اللي مانشــــوف
خـــافيِ سره والإسرار ما هيب تخفاه
لاجفانا القـــل واللي روابــعهم ضــعــوف
جــــعل ربي ما يرينا غضبه ولا جفاه
ولانقفل بابِ من الرزق حراسه وقـــــوف
فتحــــت بيبان الأرزاق من كل اتجاه
والله إني شره وان هقوتي تــــرقا الطفوف
مير عيا يستحي الفقر من وجه الغناه
كم تعبنا نحسب الجهد يـــــثمر ومخـــلوف
وكل ماغرزها على قوز ينطحها حصاه
راكب اللي مثل نصبٍ غبش قدم القـــــنوف
شاص (لاند)ألفين تشفي على شوفه شفاه
لاعترض روس الشطرطون قدام معطــوف
كالشفق الاحمر على حد نوٍ من صحاه
فالطعوس البيض يزمي على روس الطنوف
مثل ماتزمل سحال الحليب من الرغاه
لاانقرش من عالي العرق لاكنه محـــــذوف
مثل حيدٍ موميٍ من علوه لا وطـــــــاه
مثل شغمومٍ على خدمة الخـــوة ولـــــــوف
ايتغانم شبة النار قــــــــــدام أخــــوياه
وكن سبيره حبة الخـــال في خد الهنــــوف
لا لقت خطوا عشـــــــــيرٍ تبين له غلاه
دق سلفه يركب الزيت من فوق البلــــوف
لاقضيت الفرض الأول وفضت من الصلاه
وامش من بطن الشقيقة سلمت من الصدوف
ونحره بيت ابن درعان في بطن الغضاه
بيت شرهين الهقاوي مدلهة الضـــــــــيوف
ومســند اللي طالبٍ عونـــــهم وجهٍ وجاه
عند أبو فارس تريح على بن وخـــــــروف
وان نشــد مفلح وش العلم قل علمي عـــفاه
الرجال تقول ما ينصى عند الظــــــــروف
كود رجالٍ يسد الــــــــــــلزوم لمن نصاه
ولا يصيد النعم ويصير له بالمــــــدح نوف
كود رجـــالٍ يعشق الــمراجل من صباه
لانشرح وضعي لمثلك سلمت من الحسوف
إن قدر وان ما قدر ما ينقص مـــن غلاه
ان قدر يدرك لزومي ملكني بمـــــــعروف
وان تعذر عن لزومي عســـى الدنيا فداه