المساعد الشخصي الرقمي

مشاهدة النسخة كاملة : زبن....... اقرب جاي

طويق
27 - 05 - 2003, 13:27
قالوا زبن في المنتدى عضو فعال
قلت الحقيقة حان لي بـدع الامثال
ألـعـب مـع الــمـوال يــالال يــالال

هذا الصحيح وقـــــــــــــــــــــــــولوا اللي تقولون

لاواللـه الا جــيت يعــتيبــي :::::::::::: ادورك والنية النية

باجودك وان رحت من طيبي::::::::::::أقلطك في دكّة الفيّة
زبن العتيبي
27 - 05 - 2003, 14:18
يامرحبا بطويق واعذرني على الانشغال

يامرحبا بطويق من قلب ولسان
ان كان تبغى عندنا بدع الالحان
ابشر ترى جو الشعر تو مازان

هذا الصحيح وقولوا اللي تقولــــــــــــــون
جيتك وانا لنداك باجيبي .................واقول عندك زانت الجيّه

ان قلت وينك قلت تدري بي ............. دربي بعيدولا وطا السّيه
مسعود الحويزي
27 - 05 - 2003, 18:12
ياســلام ياســــلام


زبن العتيبي----- طويق


تقبلو ا الاعجاب والتقدير وواصلوا لاهنتوا

وسجلوا حرصي على متابعتكم


ابـــو فـــهـــد
قاهر الظلام
28 - 05 - 2003, 00:09
زبن..........وطويق

الله يعطيكم العافية

واصلو كي تطربونا
طويق
28 - 05 - 2003, 01:29
ألشكر لك ياقاهر الظلام الشكر لك يابو فهد

مراحب بالشاعر زبن واستلم

أنـته قريـب مـير منت بقـريب
تبان ليلة والف ليل(ن) تغيب
ازهم على مستور والا حبيب

هذا الصحيح وقولوا اللي تقولون

تعرف ولي العهد والليبي :::::::: بغت تقـنبع بـيـنهم هـيّة
أعاتـبك وتـقـول ياطـيـبي ::::::::::مدام كل الوضع عزميّة
زبن العتيبي
28 - 05 - 2003, 04:05
الأخ أبو فهد والأخ قاهر الظلام شكرا لكما على متابعتكما

طويق اسمع
اسمعك لوانك بعالي الشوا هـيـق
واعرف جبل يدعونه الناس بطويق
واقول حنا حافظين المــواثــيـــق

هذا الصحيح وقولوا اللي تقولون

ياصاحبي ماتعلم الغيبي ........... لاتاكل اللحمه وهي نيّه

اللي مرض نسقيه ويطيبي ......... والا بعدها نحمي الكيّه
ابن شطيط
28 - 05 - 2003, 05:04
طويق )()( زبن العتيبي


بيض الله وجيهكم


امتعتونا

وحنا ننتظر ابداعكم

تحياتي لكم

ابن شطيط
مسعود الحويزي
28 - 05 - 2003, 13:23
طويق


تعرف ولي العهد والليبي :::::::: بغت تقـنبع بـيـنهم هـيّة
أعاتـبك وتـقـول ياطـيـبي ::::::::::مدام كل الوضع عزميّة


زبن

ياصاحبي ماتعلم الغيبي ........... لاتاكل اللحمه وهي نيّه

اللي مرض نسقيه ويطيبي ......... والا بعدها نحمي الكيّه


الله الله الله

هنا يكون الابداع بين شاعرين في هذا المستوى

تحياتي لكما واصلووووووو ... ترانا فالصفوف
طويق
28 - 05 - 2003, 14:18
سلام ياصفوف والشكر لكم (مااااااااااااااااانسيناكم ... لاهنتوا )

استلم ياعتيبي

اسـمي جـبـل وانـا جــبـل ماتــزحــزح
ياللي تعرف الضرب والجمع والطرح
لـكـن هــد الـلـعب لايــزرق الـــــرمـح
هذا الصـــــــــــــــــــــــــــــــــــــــحيح وقولوا اللي تقولون
وفر علاجـك لــلزمن عـيــبي::::::::: احرص من الزاروق والحيّة
بصرف لك المعذار من جيبي:::::::::يامعـارضـين الـقـار رجــلــيّة
زبن العتيبي
29 - 05 - 2003, 02:19
الشكر للجميع والله لايهينكم

خذ ياطويق
ياصاحبي جانا رجــال عـواريف
وحنا لنا عادات للجار والضيف
مير انتبه والوقت كله صواديف
هذا الصحيح وقولــــوا اللي تقـــولون

ياللي تنادي مالك مجيبي ........ مدام ما لـلـصوت مـاريّــه

لاتنصدم وتقـــول واشيبي ........ نفس تضيق اليوم مرضيّه
طويق
29 - 05 - 2003, 18:08
استلم لا هنت :



ضيعـتـني في زحـمـة الناس يافلان
مـاكـنـنا مـن بــدة الـنـاس جــيـران
احـفـظــك مـريـم وطــه ولــقــمــان

هــــــــذا الصــــحـــــــــيـــــــــح وقولوا اللي تقولون

الجمس قدمك وزنه الجيبي***** لاتقول معرف ذي من ذ يّه
ان قلت شايب قلت لي بيبي***** وان قلت شامي قلت كورية


الموال كافي .
زبن العتيبي
29 - 05 - 2003, 20:38
اسمع ياطويق:
ياصاحبي باسألك وابغى الإ جــابه
من هو بدا الموضوع من هو بدابه
من دق باب النــاس ينــد ق بــــابـه

هـــــذا الصــحـيح وقــولـوا اللي تقــولــون

اللي قنص مايجهل الذيبي ........ مادام كل الارض ما طيّه

لكن علومك كلها غــيـبي ........ وضّح لنا ونقول وش هيّه
مسعود الحويزي
29 - 05 - 2003, 20:51
الجمس قدمك وزنه الجيبي***** لاتقول معرف ذي من ذ يّه

ان قلت شايب قلت لي بيبي***** وان قلت شامي قلت كورية

اللي قنص مايجهل الذيبي ........ مادام كل الارض ما طيّه

لكن علومك كلها غــيـبي ........ وضّح لنا ونقول وش هيّه



الله الله الله الله الله

اخواني الشعار / طويق وزبن العتيبي
لقد توشح المنتدى بوسام هذه المحاوره
التي سوف تكتب بخط ٍ من ذهب في تاريخ
هذا المنتدى

واااااااصلو هذا الابداع وازهلووو الصفوف

اخوكم

ابو فهد
طويق
29 - 05 - 2003, 23:29
مرحباً يا أبافهد عموماً وصلت وأتاك الرد ومشكور.

الأخ زبن العتيبي الله لايهينك على كل حال وما قصرت , في الحقيقة يبزغ الشعر نوراً بحضورك وتواجدك في المنتدى .
زبن العتيبي
30 - 05 - 2003, 01:30
الشكر كل الشكــــــــــر للجميع وخصوصا الاخ ابو فهد


وشكرا لك ياطويق على المحاورة الجميلة وأتمنى ان نتعرف عليك اكثر

تحياتي للجميع زبن العتيبي
مسعود الحويزي
30 - 05 - 2003, 01:37
بيض الله وجيهكم اخواني

الشاعر / زبن العتيبي

الشاعر / طويق

على اثرى هذا المنتدى العريق بكم وبشرواكم
بهذي المحاوره .

ولكم كل الشكر والتقدير

اخوكم

ابو فهد
عيسى السبيعي
30 - 05 - 2003, 05:58
لاهنتوا

الأخ زبن العتيبي

والأخ طويق
على هذي المحاوره الطيبه
ابن جـــــــراح
30 - 05 - 2003, 15:32
الاخ زبن العتيبي

والاخ طويق

بيض الله وجيهكم على هالمحاوره يا شباب

عز الله انها جزله من شعار جزلين لا هنتو

ونترقب منكم محاوره جديده ان شاء الله

الف شكر لكم اخواني

وتقبلو خالص تحيات اخوكم بن جراح