ومن ساقته نفسه وهو ما بعد سيق = لأجل الجميل يزين الله فاله

[جزل العطايا]

الطيب فرصه والجمايل توافيق
ومن لاتوفق ماكتب له جماله

ومن لارقى للطيب روس الشواهيق
ومازان له وقته على مابداله

ومادام لفعول الجمايل عشاشيق
كسب الجمايل مايجي بالسهاله

ولو انها تشرب مع فكه الريق
كلن خذاله كل مااصبح بياله

والطيب منوه للقلوب المشافيق
كلن يتوق ومنوته راس ماله

والمدح مايزهى على الرجل ويليق
الا لا صارت وافيات خصاله

يستاهله رجلن يفك المزانيق
اللي يقال ونعم لاجا مجاله

ومن ساقته نفسه وهو مابعد سيق
لأجل الجميل يزين الله فاله

والمرجله ماهي بتحتاج تنسيق
من بين اللي عشقها وباله

ومن عاده الدنيا تخون المواثيق
تفتر مكرتها سوات المحاله

ولولا اللوازم ماعرفنا المخاليق
مانعرف الرجال لين انعناله

والكفو تظهر فزعته حزت الضيق
وينشاف في الشده بعين العداله

نسل الرجال متعبين الملاحيق
متوسطن من بين عمه وخاله

واللي يطيق ولا بغى قال ماطيق
تحرم عليه المرجله والشكاله

والهينه تكبر على اللاش والهيق
له في الرخا قاله وفي الضيق قاله

والطيب شاره والضماير صناديق
واللاش طيبه ماتعدى ظلاله

وانا اسير قلوب الرجال المغاليق
والصامت اقطع غايته من مقاله

ومادام بالدنيا رجال ومطاليق
نصيتهم واللاش مالي ماله



وســــــــــــــلامتكم

[أبونواف{الثوري}]

الله , الله , الله ,



http://www.w6w.net/album/35/w6w200504230221432b611b37.gif



صح لسااااااااااااانك يا جزل العطايا قصيدة جزلة ورائعة من شاعر جزل ورائع http://www.w6w.net/album/35/w6w20050421015812cf1974d0.gif وما نيب سائل هل هي لك أم منقوله

على العموم أسجل إعجابي بالقصيدة وقائلها سواء لك أو ناقلها بيض الله وجهك







http://www.w6w.net/album/35/w6w2005042100215073c0551e.gif وتقديري لك ولجميع الإخوااااااااان

[جزل العطايا]

لاهنت يابو نواف على المرور الطيب ومو غريبه عليك وبالنسبه للشاعر وانا نوه الله يعطيك العافيه اني اذا كنت اعرف الشاعر بكتبه واشكرك مره ثانيه يابو نواف




اخوك/ جــــــــــــــــــــــــــ.ل العطايا

[مشعاب]

وينكم يا سراقة القصيد عن هالجزلات



على الملازيم ان كلمة جزله فيها قليله



و كلمة جزل العطايا قليله في حقك يا جزل العطايا


يا لبى قلبك على هالمعلقات الجميلات

[جزل العطايا]

لاهنت ياكحيلان على المرور ويمالعافيه

[البدر]

لاهنت ياجزل العطايا

سلمت ينمااااك وصح لسان الشاعر ملااااييين

اختيار اكثر من رائع تشكر عليه

اخوك البدر

[وافي السبـيعي]

اسجل احترامي للقصيدة وراعي القصيدة نعم نعم نعم جزل



مع تحيات وافي -- وذكرتني بالقصيدة لواحد من الشعار البارزين ويقول


الطيب كنه قرظتن تقترظها مردودها طيبا على راعي الطيب

والسالفه عنوان للي حفضها وتنومس الرجال وسط الاجانيب




:004:

[جزل العطايا]

تسلم يالوافي على المرور ولاهنت وصح السانك

[جزل العطايا]

لاهنت ياخي البدر على المرور الطيب وصح بدنك يالسنافي

[سعد المحمدي]

صح لسانك ياجزل العطايا وعز الله انها قصيده جزله ورائعه من روائع الشعر

ومشكوررررررررررررررررررررررررر من الاعماق

[ماضي المديري]

لاهنت ياجزل العطايا

سلمت ينمااااك وصح لسان الشاعر ملااااييين

اختيار اكثر من رائع تشكر عليه

[فـــالح السبيعي]

جزل وعطاياك جزله
ومانعرف الرجال لين نعناله
القصيده تتكلم عن شخصية شاعرها
وهو بحق شاعر يشار له بالبنان فبالتوفيق
ياجزل العطايا وتقبل خالص التحيه

[الحميدي السويدي]

الاخ جزل العطـايا أســـم على مسمى بيض الله
وجهك على نقل هذه الــدرر لمنتدانا والقصيدة
للشاعر الكـبـيــر سـعــد بن مناحي بن شفلوت
ويلقب (( بأبن حبشان) ) شاعر مبدع وله العديد
من القصايد الرائعه لاهنت وتقبل تحيااااااااااتي

[ابن عفتان]

:darkbardo :darkbardo صح لسانك ياجزل العطايا وعز الله انها قصيده جزله ورائعه من روائع الشعر

[خيَّال الغلباء]

أخي الكريم / جزل العطايا السلام عليكم ورحمة الله وبركاته وبعد : شكرا جزيلا لك على نقل هذه القصيدة الرائعة والجميلة والمعبرة للشاعر الكـبـيــر / سـعــد بن مناحي بن شفلوت الملقب ( بابن حبشان ) :

الطيب فرصه والجمايل توافيق
= ومن لا توفق ما كتب له جماله

ومن لا رقى للطيب روس الشواهيق
= وما زان له وقته على ما بداله

وما دام لفعول الجمايل عشاشيق
= كسب الجمايل ما يجي بالسهاله

ولو إنها تشرب مع فكه الريق
= كل (ن) خذاله كل ما أصبح بياله

والطيب منوه للقلوب المشافيق
= كل (ن) يتوق ومنوته راس ماله

والمدح ما يزهى على الرجل ويليق
= إلا لا صارت وافيات خصاله

يستاهله رجل (ن) يفك المزانيق
= اللي يقال ونعم لا جاء مجاله

ومن ساقته نفسه وهو ما بعد سيق
= لأجل الجميل يزيّن الله فاله

والمرجله ما هي بتحتاج تنسيق
= من بين اللي عشقها وباله

ومن عادة الدنيا تخون المواثيق
= تفتر مكرتها سوات المحاله

ولولا اللوازم ما عرفنا المخاليق
= ما نعرف الرجال لين انعناله

والكفو تظهر فزعته حزت الضيق
= وينشاف في الشده بعين العداله

نسل الرجال متعبين الملاحيق
= متوسط (ن) من بين عمه وخاله

واللي يطيق ولا بغى قال ما طيق
= تحرم عليه المرجله والشكاله

والهينه تكبر على اللاش والهيق
= له في الرخا قاله وفي الضيق قاله

والطيب شاره والضماير صناديق
= واللاش طيبه ما تعدى ظلاله

وأنا أسير قلوب الرجال المغاليق
= والصامت اقطع غايته من مقاله

وما دام بالدنيا رجال ومطاليق
= نصيتهم واللاش مالي وماله

هذا وتقبل فائق الشكر والإمتنان مقرونا بجزيل المحبة والإحترام مع خالص التحية وأطيب الأمنيات واسلم وسلم والسلام .

[فهد أبــــوثنين]

صح لسانك قصيدة جزله من شاعر جزل

والله يعطيك العافيه

وماقصرت