قصيدة مهداه من جزل العطايا للمنتدى وردها من أبو عمر

[جزل العطايا]

أولاً وقبل كل شئ أعلم أنني مهما قلت من قصيده لن أستطيع

أوفي جميع من يعملون في هذا الموقع الشامخ

وهذا ماجعلني أتردد في كتابة هذه القصيده

ولكن وجدت بأن الأخوان سوف يعذرونني على هذا التقصير وهذا التأخير

وتقبلوا قصيدتي المتواضعه وضروفي الصحيه والعمليه

تمنعني دائما عن التواصل والأستمرار معكم






يالي تدور للثقافـه والأدب والشعـر دوك وتعـال = أدلك لروضة تدهش وتبهج صـدر مـن زارهـا
في منتدى للسبيع فيه كنز ومكسب وراس مال = والعلم والمعرفه ياجب علـى الرجـال يختارهـا
موقع قبيله لها بين القبايل مجـد كبـر الجبـال = مايبلغه غيرهـا مـن طيبهـا ياكبـر مقدارهـا
سبيع تنعـرف بأفعالهـا لاصـك جـال بجـال = العزوة اللي تنومس من تعزوى وأرتدى إشعارها
يادوحة المعرفه ياحظ من يلقـى تحتهـا ظـلال = يشع نور البصيره والبصر من صادق أخبارهـا
دوحة بناها وشيدها وأسسها على أكمـل كمـال = أساتذه بأحدث التكنيك تعـرف وجهـة أنظارهـا
أستاذها ابو عمر إن جاء فيه جيم وسؤال = رصيده المعرفه مع الأمانـه ساعـة إحضارهـا
ثم ثاني أستاذها اخو شما ونعمين في كل حال = ماتفشل إداره للمنتـدى هـو راس مـن دارهـا
ثم ثالث أستاذها ابو نواف عريب الجد عـمً وخـال = مكمـل مثلـث الإنجـاااز والإبـداع بأفكارهـا
ماقلتها مدح يالاجواد لو المدح جاء لـه مجـال = لاشك ثمرة جهود الربع قمنـا نجنـي أثمارهـا
لحيثنا ضايعين قبلهم مافيـه وصـل ووصـال = واليوم تاريخنا محفوظ بالصفحـات واحبارهـا
أقولها وكل شئ له مجـال وكلـش لـه مقـال =القوم تكسب ليا منها غزت من طيـب سبّارهـا
كلمة وفاااء قلتها في حق هذا المنتدى يارجـال = والنيّـه الطيبـه والصادقـه قدمـت معيارهـا
والخاتمه طيبـه والمعـذره ياطيبيـن الخصـال =وأرجو السموحه عن التقصير يوم أبديت معذارها

[خالد الشماسي]

يا مرحبا بك يا جزل العطايا

الهدية مقبوله واستلم ردها :)


يا مرحبا بأغلا هدايا لفتنا بالجزيلة من كريم السبال =جزل العطايا لا عطى الطيبه ما هوب من اللي يحسب اسعارها
شاعر ومتميز وله نظرة في الشعر ما يختار غير الجزال= قناص ماهر محترف والمعاني لا شرحها بين أسرارها
من شأنك و شأن النشامى بنينا المنتدى والخير مقبل قبال = ما نحسب الساعات قدم الضيوف اللي لفت لسبيع في دارها
العزوة اللي من جنوب الجزيرة لين تأصل في حدود الشمال = وشرق مع الصمان وأجنب فهذي عزوة ما تنطفي نارها
ربعي سبيع أهل الكرم والمروة والمراجل ما عليها جدال = إنشد عتيبة والدواسر وتلقى في الخوالد باقي آثارها
وإليا نشدت امطير تلقى مواقفنا جلية والسوالف عدال = قبيلة سبيع العريضة عريض مجدها وأتنومس أذكارها
في منتدانا الخير وافر ولا ينقصة غير إيدوم وصل الحبال =الله لا يقطع حبال المودة والمعرفة يكثر أنصارها
في منتدى الإسلام تلقى مواضيع تبين لك حرام وحلال = وفي منتدى الترحيب والتهنئة تلقى سواليف لها كارها
وفي المنتدى المفتوح تلقى السوالف والعلوم اللي عليها إتكال =وأخبارنا في منتدى أخبارنا والبينة يا وين دوارها
وقسم القبيلة شاملٍ للنسب وأهل المواقف ما نبي له بدال = وفي الشعر يا محلا المواضيع والعرضات ألا يا قو شعارها
وفي منتدى التعليم تلقى النصائح والعلوم اللي تزيد العيال = فيه إنتعلم وإنتدارس صغير المعرفة وإنبين إكبارها
هذا جزء من منتدى اهل الكرم وإحصى مزايا ما يضمه محال = فيه إنتونس وإنتدارس علوم يتعب العدوان حصرارها
من طيبهم ما به مراقب ولا مشرف ولا تلقى للأنذال فال= ولا بينهم حرمة ولا جنس ناعم صافية صافين حضارها
جزل العطايا جاك رد الهدية نفس يومه ما خذينا ليال =تستاهل العليا وتركز لك البيضاء على القيفان وإعيارها

[عايش ابوليل]

كلمة وفاااء قلتها في حق هذا المنتدى يارجـال
...............................والنيّـه الطيبـه والصادقـه قدمـت معيارهـا
والخاتمه طيبـه والمعـذره ياطيبيـن الخصـال
.....................................وأرجو السموحه عن التقصير يوم أبديت معذارها


ما من قصور طال عمرك كفيت ووفيت وبيض الله وجهك ..


اطيب تحيه ..

[عايش ابوليل]

العزوة اللي من جنوب الجزيرة لين تأصل في حدود الشمـال
..........................وشرق مع الصمان وأجنب فهذي عزوة مـا تنطفـي نارهـا
ربعي سبيع أهل الكرم والمروة والمراجل مـا عليهـا جـدال
.............................إنشد عتيبة والدواسر وتلقـى فـي الخوالـد باقـي آثارهـا
وإليا نشدت امطير تلقى مواقفنـا جليـة والسوالـف عـدال
..............................قبيلة سبيع العريضة عريـض مجدهـا وأتنومـس أذكارهـا


صح لسانك يابو عمر واعتلى شآنك جزله بكل المعاني ..


اطيب نحيه

[جزل العطايا]

هلا يا مرحـباً ترحيــبة يفخر بها الرجـــّال = تعم اللي حضر في المنتدى وتهلها

هلا يا تاج راسي عزوتي لاصك جال بجال = صنـاديد الرجال أهل الفعل لا ثارت ريبها






بيض الله وجهك يالنداوي يابوعمر وصح الله لسانك على القصيده الجزله ردن طيب من رجالن طيب

[اخو شما]

اخوي الغالي جزل العطايا

صح لسااااااااانك ملااااايين

وبيض الله وجهك على هالقصيدة الجميلة التي افتخر بها

ابو عمر رد ووفى وكفى وصح لسانه لاعدمناك انت وابو عمر

تحياتي ومودتي لك اخي الفاضل

[البدر]

لاهنت ياجزل العطايا لاهنت

وصح لساااااااااااااااااااااانك ملاااااااااااااااااااايين

وبيض الله وجهك على هالقصيدة الجميلة

جزلة ومن رجال مايجي منه الا كل طيب


ابو عمر وفيت وكفيت وهذي عادتك دائما

صح لساااااااااااااااااانك ملايييييييييين

اخوكم البدر

[جزل العطايا]

اخو شما والبدر مرحبا والله مسهلا والله انكم تستحقون اكبر من الشي هذا انتو ومنتداكم الليفادنا وفاد الكثير لاهنتوا يالقروم على الردود الطيبه

[مشعاب]

صح لسان جزل العطايا ،،، وصح لسان أبو عمر


ما قصرتوا

[وافي السبـيعي]

والله يستاهل ابو عمر واخو شماء وانت كذلك وهكذا ينهظ المنتداء بالرجال




القصايد جزله من شعار محسوبين

[smart]

لله دركم

الشاعر
جزل العطايا

صح لسااااااااانك ملااااايين

وبيض الله وجهك على هالقصيدة الجميلة والرائعه


الشاعر
ابو عمر

صح لسااااااااانك ملااااايين


رد وافى من وافي


الله يبيض وجهك ويطول في عمرك


لاعدمناكم


لكم تحياتي

[جزل العطايا]

صح بدنك يا سمارت ولاهنت يالقرم على المرور الطيب الذي اتحفنا

[محمد بن سلطان]

صح لسانك اخوي جزل العطايا . وسلمت يمناك يالقرم ..

قصيده جزله من شاعر جزل ..

و اخو شما وابونواف وابوعمر يستاهلون المدح .. من غير قصور في باقي عيال العم .. وكلن قايم بواجبه .. وهذا المنتدى والحمدلله معروف ..

لا هنتوا يا عزوتي ..
وبيض الله وجيهكم ..

اخوكم
محمد بن سلطان الثوري

[الحميدي السويدي]

صح لسان الشاعرين جزل العطايا وأبو عمر

على هذه المساجله الجزلة وأبو عمر يستاهل

المدح ومن ربع ٍ نعتز بهم ولايهونون سبيع كلهم

وكل الاخوان القائمين على المنتديات سبيع نفتخر

بهم وبجهودهم الجبارة التي بذلوها وفق الله الجميع

لما يحبه الله ويرضاه وتقبلوا تحيات أخوكم.........

الحميدي بن سعد السبيعي

[المفيلحي]

صح اللسانك

[السيف]

بيض الله وجيهكم

قصائد جزلة ومن شعار جزيلين

وابو عمر يستاهل والله الي تعب واخرج لنا هذا المنتدى العملاق

دمتم بخير

[جزل العطايا]

مرحبابك يالسيف وسلمت ولاهنت على المرور الاكثر من رائع



اخوك/ جزل العطايا

[الاد العسيلي]

بيض الله وجهك يا جزل العطايا

ولاهنت يا ابوعمر وتستاهل المدح ونشكرك على جهودك الفعاله

ولا يهونون جميع الاخوان من ابناء العم والله يقدرنا ونقدم الجديد لهذا المنتدى

[جزل العطايا]

مرحبابكم يالاد العسيلي ولاهنت على مرورك واللي حنا انسويه لا يوفي حق هذه القبيلة لانها تريد من الكثير وبجهودنا معا نحقق اشياء كثير دمتم على خير ومحبه


اخوك/ جزل العطايا

[أبو يزيد]

الاخ القدير/جزل العطايا
الاستاذ القدير/ابوعمر

علمين رائعين من اعلام هذا المنتدى الشامخ
دمتم ودامت اقلامكم وبوركت جهودكم فانتم الابناء البارين لهذا المنتدى الشامخ.

[جزل العطايا]

مرحبا والله ومسهلا يابو يزيد ياخي والله تحرجني بمرورك الرائع دمت ياعزيزي على خير ومحبه


اخوك/ جزل العطايا

[صقرسبيع]

(بسم الله الرحمن الرحيم)


اخوكم صقرسبيع



صح
للسااااااااااااااانك(جزل العطايا وابو عمر)

وبيجيكم الرد مني ان شاء الله بعد فتره اذا مافيه معارضه وبصراحه ما اقارن نفسي بشعار مثل

جزل العطاياء وابو عمر بس فخرن بهم كشعار امتثل منهم الشي الجميل







اخوكم صقرسبيع

[الزناجه]

الله الله على القصيده او ردها
جزل العطايا قصيده جزله من شاعر جزل
ابو عمر قصيده رائعه من شاعر اروع
لو ان لي بس امكانيه لو بسيطه في الشعر لاقصدت فيكم
ولم اوفيكم

[جزل العطايا]

مرحبابكم والله يالزناجه وانت ياصقر سبيعه والله لا يهينكم على المرور الطيب وصح بدنكم

[ابــو مـحـمـــد]

صح لسانك ياجزل العطايا ولاهنت يابوعمر على الردالطيب وكلكم فخر للقبيله

[ماضي المديري]

صح لسان الشاعرين جزل العطايا وأبو عمر

على هذه المساجله الجزلة وأبو عمر يستاهل

المدح ومن ربع ٍ نعتز بهم ولايهونون سبيع كلهم

وكل الاخوان القائمين على المنتديات سبيع نفتخر

بهم وبجهودهم الجبارة التي بذلوها وفق الله الجميع

لما يحبه الله ويرضاه وتقبلوا تحيات أخوكم.........

عقيد القوم